ཞིང་ཆེན་ཡོངས་ཀྱི་དམངས་གཉེར་ཁེ་ལས342ཀྱིས་རིམས་འགོག་དངོས་པོ་དང་མ་དངུལ་ཞལ་འདེབས་སུ་ཕུལ་ནས་རིམས་ནད་འགོག་སྡོམ་ཐད་རོགས་འདེགས་བྱས།
སྤེལ་དུས 2022-04-25
ཡོང་ཁུངས། ཀྲུང་གོ་བོད་ཀྱི་དྲ་བ།
རྩོམ་པ་པོ།
ཟླ4བའི་ཚེས24ཉིན། གསར་འགོད་པས་ཞིང་ཆེན་བཟོ་ཚོང་མཉམ་འབྲེལ་ལྷན་ཚོགས་ནས་ཤེས་རྟོགས་བྱུང་བ་ལྟར་ན། ཟི་ལིང་གྲོང་ཁྱེར་དུ་པྲོག་གསར་གློ་ཚད་རིམས་ནད་བྱུང་བ་ནས་བཟུང་། ཞིང་ཆེན་ཡོངས་ཀྱི་ཚོང་ལས་མཐུན་ཚོགས་དང་རྒྱ་ཆེའི་དམངས་གཉེར་ཁེ་ལས་ཀྱིས་ཐབས་ལམ་མང་པོ་དང་རྣམ་པ་མང་པོར་བརྟེན་ནས་རིམས་ནད་འགོག་སྡོམ་ལ་རོགས་འདེགས་བྱས་པ་དང་། དཀའ་ཁག་མཉམ་སེལ་དང་སེམས་ཤུགས་གཅིག་སྒྲིལ་སྒོས་རིམས་ནད་ལ་འགོག་རྒོལ་བྱེད་པའི་མཉམ་ཤུགས་ཆེན་པོ་བཏོན། བསྡོམས་རྩིས་བྱས་པ་ལྟར་ན། ཟླ4བའི་ཚེས24ཉིན་བར་ཞིང་ཆེན་ཡོངས་ཀྱི་དམངས་གཉེར་ཁེ་ལས342ཀྱིས་བསྡོམས་པས་དངོས་བོ་དང་མ་དངུལ་སྒོར་ཁྲི1089.7747ཞལ་འདེབས་སུ་ཕུལ།
རིམས་ནད་བྱུང་རྗེས། ཞིང་ཆེན་བཟོ་ཚོང་མཉམ་འབྲེལ་ལྷན་ཚོགས་ཀྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཇུས་ཆོད་བཀོད་སྒྲིག་ལག་བསྟར་དང་དངོས་འབེབས་བཟང་བོ་བྱས་ཏེ། ཞིང་ཆེན་ཡོངས་ཀྱི་རིམ་པ་སོ་སོའི་བཟོ་ཚོང་མཉམ་འབྲེལ་རྩ་འཛུགས་དང་ཚོང་ལས་མཐུན་ཚོགས་དང་དམངས་གཉེར་ཁེ་ལས་སོ་སོར་གཞོགས་འདེགས་དམ་པོ་བྱེད་པ་དང་རིམས་ནད་འགོག་སྡོམ་བྱ་བའི་ཁྲོད་དུ་ཞུགས་པ། སྤྱི་ཚོགས་འགན་འཁྲི་ལག་བསྟར་བྱེད་པའི་གྲོས་གཞི་བཏོན། ཞིང་ཆེན་ཡོངས་ཀྱི་རྒྱ་ཆེའི་དམངས་གཉེར་ཁེ་ལས་ཀྱིས་དུས་ཐོག་ཏུ་འགུལ་སྐྱོད་སྤེལ་ཞིང་འགན་འཁྲི་དང་ལེན་བྱས་ནས། དངོས་པོ་དང་སྒོར་མོ་ཞལ་འདེབས་སུ་ཕུལ་བ་དང་། དམངས་གཉེར་ཁེ་ལས་པ་དང་བླངས་ཞབས་ཞུའི་ཁྲོད་ཞུགས་ནས། དོན་དངོས་ཀྱི་བྱ་སྤྱོད་ལ་བརྟེན་ཏེ་སོ་སྲུང་རོགས་རེས་དང་དཀའ་ངལ་མཉམ་སེལ་གྱི་རིམས་འགོག་འགན་ཁུར་དང་ལེན་བྱས། །
