ཞི་ཅིན་ཕིང་གིས་པ་ཀི་སི་ཐན་དུ་འཇིགས་སྐུལ་འཇབ་རྒོལ་དོན་རྐྱེན་ཚབས་ཆེན་ཐོན་པའི་ཐད་པ་ཀི་སི་ཐན་གྱི་ཙུང་ཐུང་ཧའུ་སའེ་དབྱིན་ལ་ཐུགས་གསོའི་གློག་འཕྲིན་བཏང་གནང་བ།
སྤེལ་དུས 2018-07-17
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། སངས་སྐྱབས་ཀྱིས་བསྒྱུར།
རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་སྤྱི་ཚེས་༡༥ཉིན་པ་ཀི་སི་ཐན་དུ་འཇིགས་སྐུལ་འཇབ་རྒོལ་དོན་རྐྱེན་ཚབས་ཆེན་ཐོན་པའི་ཐད་པ་ཀི་སི་ཐན་གྱི་ཙུང་ཐུང་ཧའུ་སའེ་དབྱིན་ལ་ཐུགས་གསོའི་གློག་འཕྲིན་བཏང་གནང་ནས་ཉེས་མེད་རྐྱེན་ལམ་དུ་ཤོར་མཁན་ལ་སྐྱོ་གདུང་ཟབ་མོས་མྱ་ངན་ཞུས་གནང་བ་དང་། རྨས་མ་དང་རྐྱེན་ལམ་དུ་ཤོར་བའི་ནང་མིར་ལྷག་བསམ་རྣམ་དག་ངང་ཐུགས་གསོའི་འཚམས་འདྲི་ཞུས་གནང་ཡོད།
ཞི་ཅིན་ཕིང་གིས། འཇིགས་སྐུལ་རིང་ལུགས་ནི་མིའི་རིགས་ཀྱི་ཐུན་མོང་དགྲ་བོ་ཡིན་པ་དང་། རྣམ་པ་སྣ་ཚོགས་ཀྱི་འཇིགས་སྐུལ་རིང་ལུགས་ལ་ཀྲུང་གོའི་ཕྱོགས་ནས་ངོ་རྒོལ་མཐའ་གཅིག་ཏུ་བྱ་རྒྱུ་དང་། འཇིགས་སྐུལ་འཇབ་རྒོལ་དོན་རྐྱེན་དེར་ཁ་རྡུང་དྲག་པོ་གཏོང་རྒྱུ་ཡིན། ཀྲུང་གོའི་མི་དམངས་ནས་སྔ་བར་ཕྱི་གསུམ་དུ་པ་ཀི་སི་ཐན་མི་དམངས་ཀྱི་ཕྱོགས་སུ་ལངས་ཏེ་པ་ཀི་སི་ཐན་གྱིས་འཇིགས་སྐུལ་རིང་ལུགས་ལ་རྡུང་རྡེག་དང་། རྒྱལ་ཁབ་ཀྱི་བརྟན་ལྷིང་སྲུང་སྐྱོང་། མི་དམངས་ཀྱི་ཚེ་སྲོག་བདེ་འཇགས་ལ་སྲུང་སྐྱོང་བཅས་བྱེད་པའི་ཐད་ཀྱི་འབད་བརྩོན་ལ་རྒྱབ་སྐྱོར་མཐའ་གཅིག་ཏུ་བྱ་རྒྱུ་ཡིན་ཞེས་གསུངས་པ་རེད།