ཀྲུང་གོའི་བོད་ལྗོངས་དྲ་བ། > གསར་འགྱུར། > སྲིད་དོན་གསར་འགྱུར།

ཞི་ཅིན་ཕིང་གིས་རྒྱུད་གཅིག་ལམ་གཅིག་གི་རྒྱལ་སྤྱིའི་ཚན་རིག་སྒྲིག་འཛུགས་མཉམ་འབྲེལ་ལྷན་ཚོགས་དབུ་བརྙེས་པའི་ཚོགས་ཆེན་དང་། རྒྱུད་གཅིག་ལམ་གཅིག་ཚན་རྩལ་གསར་གཏོད་ཀྱི་རྒྱལ་སྤྱིའི་ཞིབ་གྲོས་སྐབས་གཉིས་པར་བཀྲ་ཤིས་བདེ་ལེགས་ཞུ་བའི་ཕྱག་ཡིག་བསྐུར་གནང་བ།

སྤེལ་དུས 2018-11-05 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ། སངས་སྐྱབས་ཀྱིས་བསྒྲིགས།

ཤིན་ཧྭ་གསར་འགྱུར་ཁང་ནས་སྤེལ་བའི་གནས་ཚུལ། སྤྱི་ཚེས་༤ཉིན་རྒྱུད་གཅིག་ལམ་གཅིག་གི་རྒྱལ་སྤྱིའི་ཚན་རིག་སྒྲིག་འཛུགས་མཉམ་འབྲེལ་ལྷན་ཚོགས་དབུ་བརྙེས་པའི་ཚོགས་ཆེན་དང་། རྒྱུད་གཅིག་ལམ་གཅིག་ཚན་རྩལ་གསར་གཏོད་ཀྱི་རྒྱལ་སྤྱིའི་ཞིབ་གྲོས་སྐབས་གཉིས་པ་དེ་པེ་ཅིན་དུ་སྐོང་ཚོགས་བྱས་པ་དང་། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཚོགས་ཆེན་ལ་བཀྲ་ཤིས་བདེ་ལེགས་ཞུ་བའི་ཕྱག་ཡིག་བཀུར་གནང་ཡོད་པ་རེད།

ཞི་ཅིན་ཕིང་གིས། རྒྱུད་གཅིག་ལམ་གཅིག་གི་མཉམ་སྐྲུན་ལ་རྒྱལ་སྤྱིའི་སྤྱི་ཚོགས་ཐོག་རྒྱ་ཁབ་ངང་དགའ་བསུ་འཐོབ་ཡོད། འབྲེལ་ཡོད་རྒྱལ་ཁབ་དང་ཚན་རྩལ་མཉམ་ལས་བྱེད་རྒྱུ་ནི་རྒྱུད་གཅིག་ལམ་གཅིག་མཉམ་སྐྲུན་གྱི་ནང་དོན་གལ་ཆེན་གྱི་གྲས་ཤིག་ཡིན་པ་དང་། དམངས་འཚོ་ལེགས་བཅོས་དང་གོང་འཕེལ་ལ་སྐུལ་འདེད། ཐུན་མོང་གི་འགྲན་རྩོད་ལ་ཁ་གཏད་གཅོག་པ་སོགས་ཀྱི་ཐད་ལ་དགེ་མཚན་ལྡན་པའི་ནུས་པ་ཐོན་བཞིན་ཡོད། རྒྱལ་ཁབ་ཁག་གི་ཚན་རིག་ལས་རིགས་ནས་དཔུང་པ་མཉམ་གཤིབ་དང་ཐུན་མོང་འབད་འཐབ་བྱས་ཏེ། རྒྱུད་གཅིག་ལམ་གཅིག་གི་རྒྱལ་སྤྱིའི་ཚན་རིག་སྒྲིག་འཛུགས་མཉམ་བྲེལ་གྱི་སྟེགས་བུའི་ནུས་པ་འདོན་སྤེལ་གང་ལེགས་བྱེད་རྒྱུ་དང་། ཚན་རྩལ་གསར་གཏོད་སྲིད་ཇུས་དང་གོང་འཕེལ་འཐབ་ཇུས་སྦྲེལ་མཐུད་ལ་ཤུགས་སྣོན་བརྒྱབ་ཐོག གལ་ཆེའི་ཚན་རྩལ་མཉམ་ལས་སྤེལ་ནས་གསར་གཏོད་དང་བྱ་གཞག་གསར་སྐྲུན་གྱི་ཤེས་ལྡན་མི་སྣ་གསོ་སྐྱོང་བྱེད་རྒྱུ་དང་། ཚན་རྩལ་གསར་གཏོད་བྱེད་ནུས་རིམ་སྤར་གྱིས་དམངས་སེམས་སྦྲེལ་མཐུད་དང་དཔལ་འབྱོར་སྤྱི་ཚོགས་རྒྱུན་མཐུད་གོང་འཕེལ་ཡོང་བར་སྐུལ་འདེད་གཏོང་རྒྱུ་དང་སྦགས་མེད་ལམ་བུ་དང་གསར་གཏོད་ལམ་བུ་སྐྲུན་རྒྱུར་པར་སྐུལ་འདེད་གཏོང་རྒྱུ། མིའི་རིགས་ཀྱི་ལས་དབང་གཅིག་མཐུན་མ་ལག་གཏོད་རྒྱུར་སྐུལ་འདེད་གཏོང་རྒྱུ་བཅས་ཀྱི་ཆེད་དུ་ལེགས་སྐྱེས་གལ་ཆེན་འབུལ་དགོས་ཞེས་བསྟན་གནང་ཡོད་པ་རེད།