ལི་ཁེ་ཆང་གིས་དབྱིན་ཇིའི་དབུ་ཞུགས་བློན་ཆེན་གསར་པ་གཡོས་ཧན་ཤུན་ལ་ཞལ་པར་བསྐྱོན་ནས་བཀྲ་ཤིས་བདེ་ལེགས་ཞུས་གནང་བ།
སྤེལ་དུས 2019-07-26
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། སྤེན་པ་རྒྱ་མཚོ།
རྒྱལ་སྲིད་སྤྱི་ཁྱབ་ཁང་གི་གཙུང་ལི་ལི་ཁེ་ཆང་གིས་སྤྱི་ཟླ་7 ཚེས་24ཉིན་པའོ་ལི་སི་གཡོས་ཧན་ཤུན་ལ་ཞལ་པར་བསྐྱོན་ཏེ་ཁོང་དབྱིན་ཇིའི་དབུ་ཞུགས་བློན་ཆེན་ལ་འདམས་པར་བཀྲ་ཤིས་བདེ་ལེགས་ཞུས་གནང་བ་རེད།
ལི་ཁེ་ཆང་གིས་བཀྲ་ཤིས་བདེ་ལེགས་ཞུ་བའི་གློག་འཕྲིན་ནང་། ཉེ་བའི་ལོའི་ནང་། ཀྲུང་གོ་དང་དབྱིན་ཇིའི་འབྲེལ་བའི་གོང་འཕེལ་གྱི་གནས་བབ་སྤྱིའི་ཆ་ནས་རྒྱུན་འཁྱོངས་ཐུབ་ཡོད། ཕྱོགས་གཉིས་པོའི་མཐོ་རིམ་དབར་གྱི་སྤེལ་རེས་མཉམ་ལས་ཐད་གྲུབ་འབྲས་མངོན་གསལ་ཐོབ་པ་དང་། དབུ་ཞུགས་བློན་ཆེན་ཡོས་ཧན་ཤུན་གྱིས་ལུན་ཏུན་གྱི་གྲོང་སྤྱི་དང་ཕྱི་འབྲེལ་བློན་ཆེན་གནང་རིང་ཧུར་བརྩོན་ཆེན་པོས་ཕྱོགས་གཉིས་པོའི་འབྲེལ་བར་ཤུགས་སྣོན་རྒྱབ་གནང་བར་ངས་བསྔགས་བརྗོད་ཞུ་རྒྱུ་ཡིན་ཞེས་གསུངས་ཡོད།
ལི་ཁེ་ཆང་གིས། ཀྲུང་གོས་དབྱིན་ཇིའི་དབར་གྱི་འབྲེལ་བ་འཕེལ་རྒྱས་གཏོང་རྒྱུར་མཐོང་ཆེན་བྱེད་ཀྱི་ཡོད། ངས་དབུ་ཞུགས་བློན་ཆེན་གཡོས་ཧན་ཤུན་དང་མཉམ་དུ་འབད་ཐབས་བྱས་ཏེ་ཕན་ཚུན་བརྩི་བཀུར་དང་། དྲ་སྙམ་ཀྱི་རྨང་གཞིའི་ཐོག་རྒྱལ་ཁབ་གཉིས་པོའི་དབར་གྱི་ཆབ་སྲིད་ཀྱི་ཡིད་ཆེས་གཟབ་ཏུ་གཏོང་རྒྱུ་དང་། ཁྱབས་ཁོངས་ཁག་གི་དངོས་སྟུན་མཉམ་ལས་ཀྱི་ལམ་བུ་རྒྱ་ཆེར་གཏོད་དེ་ཀྲུང་གོ་དང་དབྱིན་ཇིའི་དབར་གྱི་འབྲེལ་བ་དེ་དུས་འབབ་ཡག་ཤོས་ཀྱི་ཕྱོགས་སུ་བརྟན་པོའི་སྒོ་ནས་འཕེལ་རྒྱས་འགྲོ་བར་སྐུལ་འདེད་གཏོང་རྒྱུ་དང་ཆབ་གཅིག་ཕྱོགས་མང་རིང་ལུགས་དང་རང་མོས་ཉོ་ཚོང་ལ་སྲུང་སྐྱོང་བྱས་ཏེ་སྒོ་དབྱེའི་རྣམ་པའི་འཛམ་གླིང་དཔལ་འབྱོར་གཏོད་རྒྱུར་ལེགས་སྐྱེས་འབུལ་འདོད་ཡོད་ཅེས་གསུངས་པ་རེད།
རྩོམ་སྒྲིག་པ། སངས་སྐྱབས།