ཞི་ཅིན་ཕིང་གིས་ཝུའུ་ཁོ་ལན་དང་དབྱི་རན་གྱི་ཙུང་ཐུང་ལ་འཚམས་འདྲིའི་གློག་འཕྲིན་བཏང་བ།
སྤེལ་དུས 2020-01-10
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ། མཚམས་གཅོད།
ཞི་ཅིན་ཕིང་གིས་ཝུའུ་ཁོ་ལན་གྱི་འགྲུལ་སྐྱེལ་གནམ་གྲུ་ལྷུངས་པའི་ཐད་ཁག་སོ་སོར་ཝུའུ་ཁེ་ལན་གྱི་དང་དབྱི་རན་གྱི་ཙུང་ཐུང་ལ་འཚམས་འདྲིའི་གློག་འཕྲིན་བཏང་གནང་བ།
ཀྲུང་དབྱང་རླུང་འཕྲིན་ལས་ཁུངས་ནས་སྤེལ་བའི་གནས་ཚུལ། སྤྱི་ཚེས་9ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཝུའུ་ཁོ་ལན་གྱི་འགྲུལ་སྐྱེལ་གནམ་གྲུ་ཞིག་ཐེ་ཧེ་རན་དུ་ལྷུངས་པའི་ཐད་ཁག་སོ་སོར་ཝུའུ་ཁོ་ལན་གྱི་ཙུང་ཐུང་ཙེ་ལན་སི་ཅི་དང་དབྱི་རན་གྱི་ཙུང་ཐུང་ལུའུ་ཧ་ཉི་ལ་འཚམས་འདྲིའི་གློག་འཕྲིན་བཏང་གནང་ཡོད།
ཞི་ཅིན་ཕིང་གིས་འཚམས་འདྲིའི་གློག་འཕྲིན་ནང་། ཝུའུ་ཁོ་ལན་གྱི་འགྲུལ་སྐྱེལ་གནམ་གྲུ་ཞིག་ཐེ་ཧེ་རན་དུ་ལྷུངས་ནས་འགྲུལ་པ་དང་གནམ་གྲུའི་ཐོག་གི་ལས་མི་ཚང་མ་རྐྱེན་ལམ་དུ་ཤོར་བ་ཤེས་རྟོགས་བྱུང་བས། ང་རང་ནས་ཀྲུང་གོའི་སྲིད་གཞུང་དང་ཀྲུང་གོའི་མི་དམངས་ཀྱི་ཚབ་དང་ང་རང་སྒེར་གྱི་མིང་ཐོག་ནས་རྒྱལ་ཁབ་ཁག་གི་རྐྱེན་ལམ་དུ་ཤོར་མཁན་རྣམས་ལ་སྐྱོ་གདུང་ཆེན་པོས་མྱ་ངན་ཞུ་རྒྱུ་དང་། རྐྱེན་ལམ་དུ་ཤོར་མཁན་གྱི་ཁྱིམ་མིར་ལྷག་བསམ་དག་པའི་འཚམས་འདྲི་ཞུ་རྒྱུ་ཡིན་ཞེས་འཁོད་ཡོད་པ་རེད།