ཀྲུང་དབྱང་བརྙན་འཕྲིན་ལས་ཁུངས་ཀྱི་ལུས་རྩལ་འཕྲིན་ལམ་ཨའོ་མོན་དུ་སྟོན་འགོ་ཚུགས་པ།
སྤེལ་དུས 2019-12-20
ཡོང་ཁུངས། མི་དམངས་ཉིན་རེའི་ཚགས་པར།
རྩོམ་པ་པོ།
ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་ཀྲུང་དབྱང་བརྙན་འཕྲིན་ལས་ཁུངས་ཀྱི་ལུས་རྩལ་འཕྲིན་ལམ་ཟླ་12ཚེས་17ཉིན་ཨའོ་མོན་དུ་སྟོན་འགོ་ཚུགས་པ་དང་། འདི་ནི་ཨའོ་མོན་མེས་རྒྱལ་པང་དུ་ལོག་ནས་ལོ་ངོ་20འཁོར་མཚམས་སུ་ཨའོ་མོན་གྱི་སྤུན་ཟླར་སྤྲད་པའི་ལག་རྟགས་ཆེན་པོ་ཞིག་རེད།
ཨའོ་མོན་དམིགས་བསལ་སྲིད་འཛིན་ཁུལ་གྱི་སྲིད་འཛིན་དཔོན་ཚུའེ་ཧྲེ་ཨན་གྱིས་སྟོན་འགོ་ཚུགས་པའི་མཛད་སྒོའི་ཐོག་ཤིས་ཚིག་གསུང་སྐབས། ཀྲུང་དབྱང་བརྙན་འཕྲིན་ལས་ཁུངས་ཀྱི་ལུས་རྩལ་འཕྲིན་ལམ་ཨའོ་མོན་དུ་སྟོན་འགོ་ཚུགས་པ་དེ་ཐོག་ནས་ཀྲུང་དབྱང་གིས་ཨའོ་མོན་གྱི་རྒྱ་ཆེའི་སྤུན་ཟླར་ཐུགས་ཁུར་དང་བྱམས་བརྩེ་གནང་ལུགས་མཚོན་ལ། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱིས་2016ལོར་ཀྲུང་དབྱང་བརྙན་འཕྲིན་ལས་ཁུངས་ཀྱི་ཕྱོགས་བསྡུས་འཕྲིན་ལམ་ཨའོ་མོན་དུ་བསྟན་རྗེས་ཨའོ་མོན་སྤུན་ཟླའི་ཡུན་རིང་གི་རེ་འདུན་དང་རེ་འབོད་དང་ལེན་ཧུར་ཐག་བྱེད་པའི་བྱེད་ཐབས་གལ་ཆེན་གཞན་ཞིག་ཀྱང་ཡིན། དེས་ཨའོ་མོན་དང་ནང་སའི་རིག་གནས་སྤེལ་རེས་ལ་སྐུལ་འདེད་གཏོང་བ་དང་ཨའོ་མོན་གྱི་སྤྱི་ཚོགས་དང་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བར་དགེ་མཚན་ལྡན་པའི་ནུས་པ་ཐོན་རྒྱུ་རེད་ཅེས་བརྗོད་པ་རེད།
ཤེས་རྟོགས་བྱུང་བར་གཞིགས་ན། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་ཀྲུང་དབྱང་བརྙན་འཕྲིན་ལས་ཁུངས་ཀྱི་ལུས་རྩལ་འཕྲིན་ལམ་དེ་1995ལོར་སྟོན་འགོ་ཚུགས་པ་དང་རྒྱལ་སྤྱིའི་ཐོག་སྐད་གྲགས་ཆེ་ལ་ཤུགས་རྐྱེན་ཅུང་ཆེ་ཙམ་ལྡན་པའི་ལུས་རྩལ་གྱི་ཆེད་ལས་འཕྲིན་ལམ་ཞིག་ཡིན་ལ་རྒྱལ་སྤྱིའི་ལུས་རྩལ་རྩ་འཛུགས་ཆེ་ཁག་གི་མཉམ་ལས་རོགས་ཟླ་ཡང་ཡིན།
རྩོམ་སྒྲིག་པ། བདེ་སྒྲོལ།