ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > མི་སྣ། > གསར་ཤོས།

དཔལ་བསྡུས །

སྤེལ་དུས 2012-03-27 ཡོང་ཁུངས། ཁམས་པའི་གསར་འགྱུར་དྲ་བའི་ལེ་ཚན། རྩོམ་པ་པོ། མཁས་གྲུབ།


དཔལ་བསྡུས
—— བོད་རིག་པའི་གཤིན་ས་ཁྲོད་ཀྱི་སྨྱུག་གསར།

     སི་ཁྲོན་ཞིང་ཆེན་བོད་ཡིག་སློབ་གྲྭའི་མཐོ་རིམ་འཆད་ཁྲིད་དགེ་རྒན་དཔལ་བསྡུས་ལགས་ནི༡༩༦༦ལོར་ཁམས་སྡེ་དགེ་ཡིད་ལྷུང་དུང་འབྲུག་སྡེ་བ་རུ་སྐྱེས་ཤིང་འཚར་ལོངས་བྱུང་། ཆུང་དུས་ནས་རིག་པ་རྣོ་ཞིང་གསལ་བ་དང་།རང་གི་ཞང་པོའི་མདུན་ནས་བོད་ཡིག་གི་འབྲི་ཀློག་ལེགས་པར་བསླབས།རང་ལོ་བཅུ་དྲུག་སྟེ༡༩༨༡ལོ་ནས་སྡེ་དགེ་རྫོགས་ཆེན་དུ་ཐོག་མར་གསར་འཛུགས་བྱས་པའི་སི་ཁྲོན་ཞིང་ཆེན་བོད་ཡིག་སློབ་གྲྭ་རུ་རྒྱུགས་འཕྲོད་དེ་སློབ་སྦྱོང་ལ་ཞུགས།དེ་ནས་ཁོང་ཉིད་ཀྱིས་རྙེད་པར་དཀའ་བའི་སློབ་སྦྱོང་གི་གོ་སྐབས་བཟང་པོར་དམ་འཛིན་བྱས་ཏེ་བློ་རིག་པ་ནང་དུ་བཀུག་ཅིང་།དགོང་ཕྱི་ཉལ་དང་ནངས་སྔ་ལངས་ཀྱིས་རང་འཁྲིའི་སློབ་སྦྱོང་ལ་བརྩོན་པ་དགུ་འགྱུར་བསྐྱེད་དེ།དགེ་བའི་བཤེས་གཉེན་ཆེན་མོ་མཁན་པདྨ་ཚེ་དབང་ལྷུན་གྲུབ་དང་།མཁན་སྐུ་ནུབ་འོད་ཟེར།མཁན་དིས་ཆུང་བློ་ཆོས་སོགས་ཀྱི་ཞབས་ལ་གཏུགས་ཏེ་བོད་ཀྱི་ཐུན་མོང་གི་རིག་གནས་སྤྱི་དང་།ཁྱད་པར་དུ་ནང་དོན་རིག་པའི་སྐོར་དང་།བྲིས་ས་རིས།འབྱུང་རྩིས་དང་སྨན་སོགས་ལ་དཔྱིས་ཕྱིན་པ་སྦྱངས།༡༩༨༦ལོར་སློབ་མཐར་རྗེས་སློབ་གྲྭ་རང་མལ་ནས་དགེ་རྒན་གྱིས་ཕྱག་ལས་གནང་།སློབ་མ་སྟོང་ཕྲག་མང་པོར་བོད་ཀྱི་བྲིས་གཟུགས་དང་སྙན་ངག སྨན་རྩིས།བརྡ་སྤྲོད་རིག་པ་སོགས་ཀྱི་སློབ་ཁྲིད་མཛད།དེང་རབས་ཀྱི་སྤྱི་ཚོགས་སུ་དགོས་མཁོ་ཆེ་བའི་ཤེས་ལྡན་མི་སྣ་འབོར་ཆེན་ཞིག་གསོ་སྐྱོང་གནང་ཤིང་།ད་ལྟ་ཞིབ་འཇུག་པ་དང་སྲིད་འཛིན་འགོ་ཁྲིད།དགེ་རྒན་སོགས་ཀྱི་ལས་ཀ་སྒྲུབ་བཞིན་ཡོད།ཁྱད་པར་དུ་བྲིས་གཟུགས་དང་འབྱུང་རྩིས་སོགས་ལ་ཕུལ་དུ་བྱུང་བའི་སློབ་མ་མང་པོ་གསོ་སྐྱོང་གནང་ཡོད།དེ་བཞིན་སློབ་ཁྲིད་ཀྱི་ཞོར་དུ་བོད་ཀྱི་གསོ་བ་རིག་པ་དང་། ཡིག་གཟུགས་དང་མཛེས་རིས་སློབ་ཁྲིད་ཞིབ་འཇུག་སྡེ་ཁག་གི་སྡེ་གཙོ་ཡི་འགན་བཞེས་ཡོད།ནམ་རྒྱུན་ཁོང་གིས་ད་དུང་སློབ་ཁྲིད་ཀྱི་ཟུར་དང་གུང་གསེང་གི་དུས་ཚོད་སྤྱད་དེ་མཚོ་སྔོན་གྱི་མགོ་ལོག་དང་དཀར་མཛེས་ཁུལ་གྱི་སྡེ་དགེ་དང་དར་མདོ་སོགས་སྤྱི་ཚོགས་སྟེང་གི་སེར་སྐྱ་ཕོ་མོ་བརྒྱ་ཕྲག་མང་པོ་ལ་སྒོར་མོ་སོགས་ཀྱི་རྔན་པ་མི་ལེན་པར་བྲིས་གཟུགས་དང་རྩིས་ས་རིས་སོགས་རིག་གནས་གང་དགོས་སློབ་བཞིན་ཡོད།ཁོང་གིས་བགྲང་བྱ་ཉི་ཤུ་ལྷག་གི་རིང་ལ་མི་རིགས་རང་གི་ཁྱད་འཕགས་ཀྱི་རིག་གནས་འཛིན་སྐྱོང་སྤེལ་གསུམ་གྱི་བ་ལ་མཛད་རྗེས་བཞག་པ་དང་།གཞོན་སྐྱེས་ན་ཆུང་དག་ལ་བུམ་པ་གང་བྱོའི་ཚུལ་གྱིས་རིག་གཞུང་དང་བདུད་རྩིའི་ཐིགས་པ་ཆད་མེད་དལ་འགྲོའི་རྒྱུན་ལྟར་སྩོལ་བཞིན་ལགས། སྔ་རྗེས་སུ་ཁོང་གིས་ཡི་གེའི་རྣམ་བཤད་སེང་གེའི་ང་རོ་ཞེས་པ་བརྩམས་ནས་སི་ཁྲོན་མི་རིགས་དཔེ་སྐྲུན་ཁང་གིས་པར་དུ་བསྐྲུན། བོད་ཀྱི་གསོ་རིག་རྒྱུད་བཞི་གསུངས་པ་པོར་དཔྱད་པ་དང་།བོད་ཀྱི་སྤྱི་སྐད་སྤྱོད་ཐབས་ཀྱི་འཆར་སྣང་།བོད་མིང་དངོས་འོད་ཡིན་པར་དཔྱད་པ་སོགས་ཀྱི་དཔྱད་རྩོམ་བརྒྱ་ཕྲག་ལྷག་མཛད་ཅིང་གཞུང་སྒེར་གཉིས་ཀྱི་དུས་དེབ་ཏུ་བཀོད།ཞོར་དུ་འབྱུང་རྩིས་ཨུཏྤལ་སྔོན་པོ་དང་གེ་སར་སྒྲུང་ཡིག་ལས་ཨ་ཡན་སྙན་རྒྱལ་སོགས་རྩོམ་སྒྲིག་གནང་།༢༠༠༥ལོར་སྡེ་དགེ་བྲོ་ཆེན་གྱི་ཚིག་དང་སྡེ་དགེའི་དམངས་གླུ་སྟོང་ཕྲག་ལྷག་ཡི་གེར་ཕབ་སྟེ་དཔེ་སྐྲུན་བྱས།ཡིད་ལྷུང་གཡག་ཟེ་དགོན་པའི་ལོ་རྒྱུས་ཆ་ཚང་པོ་གཅིག་དང་།བོད་ཀྱི་བྲིས་གཟུགས་ཐུ་མི་རྗེས་དྲན་གངས་ཅན་ཡིག་གཟུགས་མ་ཕྱི་ཞེས་པ་གཉིས་སི་ཁྲོན་མི་རིགས་དཔེ་སྐྲུན་ཁང་ནས་པར་དུ་བསྐྲུན།

     ཁོང་གིས་དུས་དང་རྣམ་པ་ཀུན་ཏུ་མི་རིགས་རང་གི་སྐད་ཡིག་འཕེལ་རྒྱས་ལ་ནུས་པ་འདོན་གང་ཐུབ་དང་ཐུན་མོང་མ་ཡིན་པའི་ཕུལ་བྱུང་གི་རིག་གནས་འདི་ཉིད་དེ་བས་རྒྱ་བསྐྱེད་དང་ཕུན་སུམ་ཇེ་ཚོགས་སུ་གཏོང་བ་ལ་རང་ནུས་ཅི་འཇོན་གྱིས་བརྩོན་པར་བསྟེན་ཅིང་།རྒྱལ་ཁབ་དང་མི་རིགས་ལ་སྲི་ཞུའི་ནུས་པ་ཐོན་པའི་དེང་རབས་ཀྱི་ཤེས་ལྡན་ཤེས་རིག་གི་བློ་རྒྱ་ཡངས་ཤིང་།རྣམ་དཔྱོད་ཀྱི་རྩལ་དྲུག་ལྡན་པའི་ན་གཞོན་མང་པོ་གསོ་སྐྱོང་གི་ལས་ལ་བྲེལ་བཞིན་པའི་སྒང་ལགས་སོ།