ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > ཆོས་ལུགས། > གྲུབ་མཐའ།

གཞུང་བཀའ་པོད་ལྔའི་ངོ་སྤྲོད་མདོར་བསྡུས།

སྤེལ་དུས 2018-02-07 ཡོང་ཁུངས། རྩོམ་པ་པོ། མི་གསལ།
        གཞུང་བཀའ་པོད་ལྔ་ནི་ནང་བའི་གྲུབ་མཐའ་བཞིའི་གཞུང་ལུགས་ཁ་ཚང་ལ་སློབ་གཉེར་བྱེད་པའི་གཞུང་ལུགས་སྟེ། ཚད་མ་རིག་པ་དང་། ཕར་ཕྱིན། དབུ་མ། མངོན་པ་མཛོད། འདུལ་བ་བཅས་ཡིན། འདིར་དེ་དག་ངོ་སྤྲོད་རགས་ཙམ་བྱ་སྟེ།
        1.ཚད་མ་ནི་སྟོན་པ་སངས་རྒྱས་ཀྱིས་ཚད་མའི་གཞུང་དངོས་སུ་གསུངས་མེད་ཀྱང་ཁོང་གི་གསུང་རབ་ཏུ་ཚད་མའི་སྐོར་མང་བོ་ཞིག་འབྱུང་བ་ནི་ནང་བའི་ཚད་མའི་ཁུངས་ཡིན། ཚད་མ་ནི་གསར་དུ་རྟོགས་པའི་བློ་མི་བསླུ་བ་ཞིག་ལ་ཟེར་ལ་དེ་བརྗོད་བྱར་བྱེད་པའི་བསྟན་བཅོས་ལ་ཚད་མ་རིག་པ་ཟེར། ནང་བའི་ཚད་མའི་བསྟན་བཅོས་ཀྱི་ཐོག་མ་དགྲ་བཅོམ་པ་ཆོས་སྐྱོབ་ཀྱིས་བརྩམས་པའི་སྨྲ་བའི་སྒྲོམ་ཡིན། དེ་ནས་སློབ་དཔོན་ཕྱོགས་ཀྱི་གླང་བོས་ཚད་མ་ཀུན་བཏུས་ཏེ་ཚད་མ་མདོ་ལེའུ་དྲུག་ཅན་བརྩམས། དེ་ལ་སློབ་དཔོན་ཆོས་གྲགས་ཀྱིས་ཚད་མ་སྡེ་བདུན་བརྩམས་ཤིང་དགོངས་པ་མཐར་ཐུག་པ་ནི་སེམས་ཙམ་པའི་ལུགས་ཡིན། རིགས་པའི་གནད་མང་བོ་ཕྱེས་པ་ལ་བརྟེན་ནས་ཚད་མ་རིག་པ་དར་ཁྱབ་བྱུང་། རྗེས་སུ་དེ་དག་བོད་དུ་བསྒྱུར་ཏེ་འཆད་ཉན་བསྐྱངས་པས་དར་ཁྱབ་ཆེན་པོ་བྱུང་ལ་ཚད་མའི་རྩ་བ་ནི་རྣམ་འགྲེལ་ལ་བྱེད་ཅིང་དེ་ལ་བོད་ཀྱི་འགྲེལ་བ་དང་མཐའ་དཔྱོད་ཤིན་ཏུ་མང་།
       2.ཕར་ཕྱིན་ནི་སྟོན་པའི་འཁོར་ལོ་བར་བའི་སྦས་དོན་གྱི་ཆ་ཐམས་ཅད་རྗེ་བཙུན་བྱམས་པས་གསལ་བར་ཕྱེས་ཏེ་གཏན་ལ་ཕབ། དེའི་གཞུང་ནི་བྱམས་ཆོས་སྡེ་ལྔ་ལས་མངོན་རྟོགས་རྒྱན་ཡིན། འདིས་གཙོ་བོ་རྣལ་འབྱོར་སྤྱོད་པའི་ལུགས་ལྟར་བཤད། ཕར་ཕྱིན་ཞེས་པ་ཕ་རོལ་ཏུ་ཕྱིན་པ་ཞེས་པའི་ཚིག་སྡུད་དེ་ཕ་རོལ་ནི་འཁོར་བ་ཕྲ་རགས་རྒྱ་མཚོའི་ཕ་རོལ་སྟེ་དེ་ལ་ཕྱིན་བྱེད་དང་ཕྱིན་ཟིན་གཉིས་ལས། བྱང་ཆུབ་སེམས་དཔའི་ལམ་ཐམས་ཅད་ཕ་རོལ་ཕྱིན་བྱེད་དེ་ལམ་ཤེར་ཕྱིན་དང་སངས་རྒྱས་ཀྱི་མཁྱེན་པ་ནི་ཕ་རོལ་ཕྱིན་ཟིན་འབྲས་བུ་ཤེར་ཕྱིན་དེ་གཉིས་བརྗོད་བྱར་བྱེད་པའི་བསྟན་བཅོས་ལ་གཞུང་ཤེར་ཕྱིན་ཟེར།གཞུང་བཀའ་པོད་ལྔའི་ཕར་ཕྱིན་ནི་གཞུང་ཤེར་ཕྱིན་ཡིན། དེའི་བརྗོད་བྱ་ནི་དངོས་བོ་བརྒྱད་དང་དོན་བདུན་ཅུ་སྟེ་ཤེར་མདོའི་སྦས་དོན་གྱི་ཆ་དག་ཡིན། དེ་ལ་འགྲེལ་བ་མང་ནའང་ཐུན་མོང་གི་སྦྱང་བྱའི་གཞུང་དུ་བྱེད་པ་ནི་སློབ་དཔོན་སེང་གེ་བཟང་བོའི་འགྲེལ་བ་དོན་གསལ་ཡིན་ལ་བོད་དུ་རྗེ་བླ་མའི་ལེགས་བཤད་གསེར་འཕྲེང་དང་རྒྱལ་ཚབ་ཀྱི་རྣམ་བཤད་སྙིང་བོའི་རྒྱན་གྲགས་ཆེ་ལ་མཐའ་དཔྱོད་དང་སྤྱི་དོན་སྣ་ཚོགས་བགྲང་ལས་འདས།
        3.ཀླུ་སྒྲུབ་གྱིས་དབུ་མ་ནི་ཤེར་མདོའི་དངོས་བསྟན་སྟོང་ཉིད་ཀྱི་ཆ་སློབ་དཔོན་ཀྱི་དབུ་མ་རིགས་ཚོགས་དྲུག་གིས་རྒྱས་པར་བཀྲལ་བ་བརྟེན་ནས་སངས་རྒྱས་བསྐྱངས་ཀྱིས་ཐལ་འགྱུར་བའི་ལུགས་སུ་བཀྲལ། དཔལ་ལྡན་ཟླ་བས་དབུ་མ་འཇུག་པ་མཛད་དེ། ཐལ་འགྱུར་བའི་སྲོལ་རྒྱས་པར་བྱས། བསྟན་བཅོས་དེ་ནི་དབུ་མའི་རྩ་བ་རེད། དབུ་མ་ལ་སྒྲས་བརྗོད་ཀྱིས་དབྱེ་ན་ཆོས་ཐམས་ཅད་གཞི་དབུ་མ་དང་། དེ་རྟོགས་པའི་ལམ་ཤེར་ཕྱིན་ལམ་དབུ་མ། ཉམས་སུ་བླངས་པའི་འབྲས་བུ་དབུ་མ་ཟེར། དེ་བརྗོད་བྱར་བྱེད་པའི་བསྟན་བཅོས་གཞུང་དབུ་མ་ཟེར། དེ་ལ་འགྲེལ་བ་རྗེ་བླ་མའི་རྣམ་བཤད་དགོངས་པ་རབ་གསལ་གྲགས་ཆེ་ལ་དེ་གཞིར་བཟུང་བའི་མཐའ་དཔྱོད་དང་སྤྱི་དོན་ཤིན་ཏུ་མང་།
        4.མངོན་པ་མཛོད་ནི་སྟོན་པ་སངས་རྒྱས་ཀྱིས་གསུངས་པའི་གཞུང་གཅིག་མེད་ནའང་ཐོར་བུར་གསུངས་པ་དག་ཕྱོགས་གཅིག་ཏུ་བསྡུས་ནས་མངོན་པ་སྡེ་བདུན་དང་བྱེ་བྲག་བཤད་མཛོད་ཆེན་མོ་བརྩམས། རྗེས་སུ་དབྱིག་གཉེན་གྱིས་དེ་དག་ལས་གཅེས་གཅེས་རྣམས་བཏུས་ཏེ་མངོན་པ་མཛོད་བརྩམས་པ་ནི་མངོན་པའི་རྩ་བར་བྱེད། འདི་ནི་འཁོར་ལོ་དང་བོ་ལྟ་བའི་ཆ་འགྲེལ་བ་ཡིན་ལ་གྲུབ་མཐའི་གཞུང་ནི་བྱེ་བྲག་སྨྲ་བ་ལྟར་ཡིན། རྒྱ་བོད་ཀྱི་འགྲེལ་བ་མང་ན་ཡང་གྲགས་ཆེ་བ་ནི་མཆིམས་འཇམ་པའི་དབྱངས་ཀྱིས་བརྩམས་པའི་མཛོད་འགྲེལ་མངོན་པའི་རྒྱན་ཡིན།
        5.འདུལ་བ་ནི་གདུལ་བྱའི་ལུས་ངག་ཡིད་གསུམ་གྱི་སྤྱོད་པ་མ་རུང་བ་འདུལ་བྱེད་ཀྱི་སོ་སོར་ཐར་བའི་བཤད་པའི་གཞུང་སྟེ་འཁོར་ལོ་དང་བོའི་སྤྱོད་པའི་ཆ་གསལ་བར་བྱེད་པ་ཡིན་ལ་གཞུང་དོན་བྱེ་བྲག་སྨྲ་བ་ལྟར་འཆད་པ་ཡིན། སྟོན་པའི་གསུང་ལུང་སྡེ་བཞི་སོགས་འདུལ་བའི་གཞུང་ཤིན་ཏུ་མང་ལ་དེ་དག་སྡོམ་པའི་ཚུལ་དུ་སློབ་དཔོན་ཡོན་ཏན་འོད་ཀྱིས་འདུལ་བ་མདོ་རྩ་མཛད་པ་ནི་འདུལ་བའི་རྩ་བར་བྱེད།དེ་ལ་གཞི་སྟོད་དང་གཞི་སྨད་གཉིས་ཡོད་ཅིང་། བརྗོད་བྱ་སྡོམ་པ་མ་ཐོབ་པ་འཐོབ་པར་བྱེད་པ་དང་ཐོབ་པ་མི་ཉམས་པ། ཉམས་པ་ཕྱིར་འཆོས་པའི་ཐབས་སྟོན་ནོ།། དེ་ལ་འགྲེལ་བ་མང་མོད་གྲགས་ཆེ་བ་ནི་ཀུན་མཁྱེན་མཚོ་སྣ་བས་མཛད་པའི་འདུལ་ཊཱིཀ་ཉི་མའི་འོད་ཟེར་ཡིན།