ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > ཆོས་ལུགས། > དགོན་སྡེ།

འཛམ་ཐང་གཙང་པ་དགོན།

སྤེལ་དུས 2018-04-16 ཡོང་ཁུངས། གངས་ལྗོངས་ཉི་གཞོན་དྲ་བ། རྩོམ་པ་པོ། སངས་སྐྱབས་ཀྱིས་བསྒྲིགས།
             འཛམ་ཐང་དགོན་པའི་མཚན་ཡོངས་ལ་འཛམ་ཐང་བསམ་འགྲུབ་ནོར་བུ་གླིང་ཞེས་ཟེར་ཞིང་དགོན་དེའི་ཆོས་ཁུངས་བོད་ལྗོངས་རྟག་བརྟན་དམ་ཆོས་གླིང་ལ་ཐུག་ཡོད། གཙང་པ་དགོན་པ་དང་། ཆོས་རྗེ་དགོན་པ། ཚེས་བཅུ་དགོན་པ་གསུམ་གྱིས་གྲུབ་པའི་ཇོ་ནང་བའི་དགོན་ཆེན་དེས་མཚམས་རེར་ཁྲི་པ་མཉམ་དུ་བསྐོ་བ་དང་ཆོས་ཐོག་མཉམ་དུ་འཚོགས་སྲོལ་ཡོད།
             གཙང་པ་དགོན་པ་ནི་ད་ལྟ་སི་ཁྲོན་ཞིང་ཆེན་འཛམ་ཐང་རྫོང་ན་མདའ་ས་ཁུལ་གྱི་འཛམ་ཐང་བར་མ་ཞང་དུ་ཆགས་ཤིང་། དེ་ནི་ཇོ་ནང་ཏཱ་ར་ན་ཐའི་ཐུགས་ཀྱི་ཡང་སྲས་ངག་དབང་འཕྲིན་ལས་ཀྱི་ཚ་བོ་ངག་དབང་བསྟན་འཛིན་རྣམ་རྒྱལ་གྱིས་དུས་རབས་བཅོ་བརྒྱད་པའི་དུས་མགོར་བཞེངས་པ་རེད། ཐོག་མར་ཆོས་སྲིད་བདག་གཉེར་ཁང་གཙང་ཆེན་གོང་མའི་ཕོ་བྲང་བཙུགས་ཡོད་ཅིང་གཙང་པ་སྤྲུལ་སྐུ་གོང་སྨད་གཉིས་སུ་ཕྱེས་ཏེ་བརྒྱུད་ཀྱིན་ཡོད། གཙང་པ་གོང་མར་གཙང་པ་གཟིམ་ཁང་ཕོ་བྲང་དང་གཙང་པ་སྨད་པ་ལ་གཙང་པ་འགབ་མ་ཡག་མདོའི་སྒར་དུ་གྲགས། དགོན་གནས་དེར་ཚོགས་ཆེན་འདུ་ཁང་དང་། ཆོས་གྲྭ། སྒྲུབ་གྲྭ། པར་ཁང་། གྲྭ་ཤག་སོགས་མང་ལ་འཛམ་ཐང་ཉེ་འཁོར་གྱི་གཞི་རྒྱ་ཆེས་ཆེ་བའི་ཇོ་ནང་བའི་དགོན་ཆེན་ཞིག་ཡིན། སི་ཁྲོན་འཛམ་ཐང་དང་རྔ་བ། མཚོ་སྔོན་མགོ་ལོག་ཁུལ་གྱི་པད་མ། དགའ་བདེ། གཅིག་སྒྲིལ་རྫོང་ཁོངས་སུ་ཆགས་པའི་ཇོ་ནང་བའི་དགོན་སྡེ་མང་ཤོས་འདིའི་དགོན་ལག་ཏུ་གཏོགས། ཆོས་སྡེ་དེར་ཚྭ་ཁ་དང་། དགོན་ལེབ། ས་དམར། ཆོས་ཐང་། བྱ་ཡུར། འཛི་པོ། ཡག་མདོ། གྲྭ་ས་བ་བཅས་ཁང་ཚན་བརྒྱད་དུ་བཀར་ཡོད་ལ། ཚད་མ་དང་ཤར་མདོ། མཛོད། དུས་འཁོར། དབུ་མ། འདུལ་བ་སོགས་འཛིན་གྲྭ་དྲུག་དང་། སྒྲུབ་གྲྭར་སྦྱོར་བ་ཡན་ལག་དྲུག་དང་། ལམ་འབྲས། རྫོགས་རིམ། བསྐྱེད་རིམ་བཅས་འཛིན་གྲྭ་བཞི་བཙུགས་ཡོད། པར་ཁང་དུ་ཤིང་པར་ཆིག་ཁྲི་ལྔ་སྟོང་དང་། འདུ་ཁང་དུ་དྲུང་བཀའ་བཞི་པ་རིན་ཆེན་དཔལ་དང་ངག་དབང་རྡོ་རྗེ་བཟང་པོ་རྣམ་གཉིས་ཀྱི་སྐུ་གདུང་མཆོད་རྟེན་བྱིན་རླབས་ཅན། ངག་དབང་དཀོན་མཆོག་དར་རྒྱས་ཀྱི་གསེར་ཟངས་ཀྱི་སྐུ། གཞན་ཡང་ཇོ་བོ་ཤཱཀྱ་མུ་ནེ། མི་འགྱུར་རྡོ་རྗེ། མགོན་པོ་སོགས་ཀྱི་ཟངས་སྐུ་བཞུགས། སྡེ་དགེ་པར་ཁང་གི་བཀའ་བསྟན་འགྱུར་གླེགས་བམ་ལྔ་སྟོང་སུམ་བརྒྱ་ཡོད་ལ། འདུ་ཁང་གི་གྱང་ལྡེབས་སུ་སྟོན་པ་སངས་རྒྱས་ཤཱཀྱ་མུ་ནེའི་སྐྱེས་རབས་དང་དོལ་པོ་བ་ཤེས་རབ་རྒྱལ་མཚན་གྱི་རྣམ་ཐར་མཚོན་པའི་ཚོན་རིས་བཞུགས། ཁྱོན་བསྡོམས་ཟངས་སྐུ་དྲུག་བརྒྱ་དང་། འབག་སྐུ་བརྒྱ་དང་ཉི་ཤུ། མ་ཎི་འཁོར་ལོ་བཞི་བརྒྱ་ཉི་ཤུ། ལྡེབས་རིས་བཞི་བརྒྱ། ཐང་ཀ་སུམ་ཅུ། དངུལ་གདུང་མཆོད་རྟེན་བཞི་བཅུ། ཟངས་གདུང་མཆོད་རྟེན་བཅུ་བཅས་བཞུགས། ད་ལྟ་གྲྭ་པ་སྟོང་ལ་ཉེ་བ་བཞུགས།
                       (མཚོ་སྔོན་བོད་ཡིག་གསར་འགྱུར་ལས་བཤུས། )