ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > ཆོས་ལུགས། > དགོན་སྡེ།

དཔྱི་ས་དགོན།

སྤེལ་དུས 2018-04-20 ཡོང་ཁུངས། གངས་ལྗོངས་ཉི་གཞོན་དྲ་བ། རྩོམ་པ་པོ། སངས་སྐྱབས་ཀྱིས་བསྒྲིགས།
           དཔྱི་ས་དགོན་བཀའ་གདམས་དགེ་བྱེད་གླིང་ནི། སྤྱི་ལོ 1948 ལོར་ཨ་ལགས་རི་སྒོམ་ཆོས་དཔལ་རྒྱ་མཚོའི་ཡང་སྤྲུལ་དཀོན་མཆོག་བསྟན་འཛིན་ཆོས་འཕེལ་གྱིས་དགེ་བའི་བཤེས་གཉེན་ཆེན་མོ་དཔྱི་ས་དཀོན་མཆོག་བློ་གྲོས་རྒྱ་མཚོ་རང་ཡུལ་དུ་གདན་དྲངས་ཏེ། དགོན་པ་ཞིག་འདེབས་དགོས་ཚུལ་གྱི་གསུང་གླེང་ནན་ཆེར་ཕུལ་པས།1949 ལོར་དཔྱི་ས་དགོན་བཀའ་གདམས་དགེ་བྱེད་གླིང་ཕྱག་འདེབས་མཛད། གྲུབ་མཐའ་དགེ་ལུགས་པ་ཡིན། སྤྱི་ལོ 1950 ལོར་དགེ་བའི་བཤེས་གཉེན་ཆེན་མོ་དཔྱི་ས་དཀོན་མཆོག་བློ་གྲོས་རྒྱ་མཚོ་ཚང་དང་རི་སྒོམ་དཀོན་མཆོག་བསྟན་འཛིན་ཆོས་འཕེལ་རྣམ་གཉིས་ཀྱི་སྐུ་དྲིན་དང་། དཔྱི་ས་སྒར་གྲོང་ཐུན་མོང་གི་སྟོབས་ཤུགས་ལ་བརྟེན་ནས་འདུ་ཁང་རྟེན་བརྟེན་པ་གསར་བཞེངས་མཛད། རྗེ་ཡབ་སྲས་གསུམ་གྱི་གསུང་འབུམ་དང་། བཀའ་བསྟན་སོགས་ཀྱིས་མཚོན་པའི་དབང་ལུང་ཁྲིད་མན་ངག་དང་བཅས་པའི་ཆོས་རྒྱུན་གནང་སྟེ་སྒྲུབ་སྡེ་འདི་ཉིད་ལུགས་གཉིས་ཀྱི་སྒོ་ནས་བདག་སྐྱོང་ཚད་མེད་གནང་། སྤྱི་ལོ 1958 ལོའི་ཡར་སྔོན་དུ་དགོན་པ་འདིར་འདུ་ཁང་གཅིག་དང་། མགོན་ཁང་། ནང་ཆེན་གསུམ། གྲྭ་ཤག་སུམ་བཅུ་ཙམ། རྒྱུན་བཞུགས་ཀྱི་བླ་སྤྲུལ་གསུམ་དང་དགེ་འདུན་པ་དྲུག་ཅུ་ལྷག་བཞུགས། 
           སྤྱི་ལོ 1958 ལོའི་ཟིང་འཁྲུག་དང་རིག་གསར་སྐབས་སྒྲུབ་སྡེ་འདི་ཉིད་མེད་བརླགས་སུ་བཏང་བ་མ་ཟད། དགེ་འདུན་པ་རྣམས་གྲོང་ཁྱིམ་དུ་དེད། དགོན་ཤུལ་དཔྱི་ས་འབྲོག་གི་ཕྱུགས་འཚོ་སར་བསྒྱུར།སྤྱི་ལོ 1980 ལོར་སྲིད་ཇུས་ཇེ་ཡངས་སུ་སོང་བ་དང་དུས་མཚུངས་སུ་སྔོན་ཆད་ཀྱི་གྲྭ་པ་རྒན་པ་རེ་ཟུང་གིས་དགོན་ཤུལ་དུ་འདུ་ཁང་དང་ལྷ་ཁང་རྟེན་བརྟེན་པ་བསྐྱར་བཞེངས་མཛད། ད་ལྟ་དགོན་པ་འདིར་འདུ་ཁང་དང་། རྗེ་དཀོན་མཆོག་བློ་གྲོས་རྒྱ་མཚོའི་ལྷ་ཁང་། སྨན་བླའི་ལྷ་ཁང་། ཀུན་རིག་ལྷ་ཁང་། བྱང་ཆུབ་མཆོད་རྟེན་དང་དབྱེན་ཟླུམ་མཆོད་རྟེན། ཡིག་བརྒྱ་དང་མ་ཎི་དུང་ཕྱུར་བཞུགས་པའི་མ་ཎི་ཁང་གཉིས། དགོན་བདག་རོང་དབོན་འཇིགས་མེད་རིན་པོ་ཆེའི་ནང་ཆེན། གྲྭ་ཤག་ལྔ་བཅུ་ལྷག དགེ་འདུན་པ་བརྒྱ་དང་ཉི་ཤུ་ཙམ་བཞུགས་སོ།། ལྷ་སྡེ་ཁྱབ་ཁོངས་དཔྱི་ས་རོང་འབྲོག་གཉིས་ཡིན། ཞེས་ཙོང་ཁ་བ་དྲྭ་བའི་འགན་འཛིན་དགེ་བཤེས་བློ་བཟང་ཡར་རྒྱས་ནས་བསྐུར་དོན་བཞིན་ཨ་ལག་ཟླ་གྲགས་ནས་མཁོ་སྤྲད་བྱས། ༢༠༡༦-༡-༡༧-ཉིན།།