ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ། ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར།
ཀྲུང་གོའི་བོད་ལྗོངས་དྲ་བ། > ཆོས་ལུགས། > དགོན་སྡེ།

གངས་དཀར་རི་བོའི་ལྷོ་ངོས་གཉན་གྱི་བུ་མོ།

སྤེལ་དུས 2019-05-15 ཡོང་ཁུངས། གངས་ལྗོངས་ཉི་གཞོན་དྲ་བ། རྩོམ་པ་པོ། ཀརྨ་རྒྱལ་མཚན་ནས་བསྒྲིགས།
རྒྱལ་ཁབ་རིམ་པའི་རང་བྱུང་སྲུང་སྐྱོང་ཡུལ་ལྗོངས། གངས་དཀར་རི་བོའི་ལྷོ་ངོས་གཉན་གྱི་བུ་མོ།
ཀརྨ་རྒྱལ་མཚན་ནས་བསྒྲིགས། ཀརྨ་བཀྲ་ཤིས་རྣམ་རྒྱལ་གྱིས་པར་བླངས།
        དུས་དེབ་གོང་མའི་ནང་དུ་བཀོད་པའི་བརྒྱད་ཟིལ་རྫོང་ཁོངས་སུ་ཡོད་པའི་གནས་མཆོག་བྱེ་བ་རྟག་རྩེ་ནི་ཆོས་བརྒྱུད་བོན་པོའི་གནས་རི་ཡིན་ཞིང་། སྐབས་བབས་སུ་འགོད་བཞིན་ཡོད་པའི་གཉན་གྱི་བུ་མོ་ཞེས་པ་འདི་ནི་བོད་དུ་ཡོངས་གྲགས་ལ་གནས་དང་གཞི་བདག་གཉིས་ལས་ཕྱི་མ་སྟེ་གཞི་བདག་གི་ཁོངས་སུ་གཏོགས། སྤྱིར་གཞི་བདག་ལ་ཕོ་རྒྱུད་དང་མོ་རྒྱུད་གཉིས་ཡོད་པ་ལས་འདི་ནི་མོ་རྒྱུད་ཡིན། གཞི་བདག་ཅེས་པའི་རི་བོའི་བར་ཕན་ཚུན་མིང་སྲིང་དང་། ཕ་བུ་ལྟ་བུའི་གཉེན་ཚན་གྱི་འབྲེལ་བ་ཡོད་པས། འདི་བྱང་གི་གཉན་ཆེན་ཐང་ལྷའི་བུ་མོ་ཡིན་པ་ངག་རྒྱུན་དུ་བཤད་སྲོལ་ཡོད་པ་ལ་བརྟེན་ནས་མིང་ཡང་གཉན་གྱི་བུ་མོ་ཞེས་བཏགས་པར་སྙམ། བསང་མཆོད་དུམ་བུ་ཞིག་ལས། བཀྲ་ཤིས་ངོ་མཚར་དཔལ་གྱི་འབྱུང་གནས་མཆོག །གཤད་སྒྲུབ་ཆོས་ཀྱི་སྡེ་ཆེན་ཁམས་གསུམ་གྲགས། །བདེ་ཆེན་ཆོས་འཁོར་གླིང་གི་གནས་ཀྱི་བདག །
        གཉན་ཆེན་སྐར་མའི་པདྨ་དབང་རྒྱལ་ནི། །སྐུ་མདོག་རབ་དཀར་ཞི་འཛུམ་བརྗིད་པའི་ཉམས། །ཕྱག་གཉིས་ནོར་བུ་རིན་ཆེན་བུམ་བཟང་བསྣམས། །བཙུན་མོ་སྲས་བློན་གཉན་དམག་འབུམ་གྱིས་བསྐོར། །འདིར་གཤེགས་བསང་མཆོད་འདོད་ཡོན་རྒྱ་མཚོ་བཞེས། །ཁ་དྲག་གཟི་ཅན་རྡོ་རྗེ་ལྷ་རྩེ་དང་། །
        བཀྲ་ཤིས་གངས་ར་རིན་ཆེན་བློ་གྲོས་སོགས། །ཡུལ་ཕྱོགས་འདིར་གནས་གཞི་བདག་ཀུན་ལ་ཡང་། །བདུད་རྩི་བསང་གི་མཆོད་སྤྲིན་དམ་པ་འབུལ། །ཞེས་གསུངས་པ་ལྟར་གངས་དཀར་རི་བོའི་ཕྱོགས་ཀྱི་གཞི་བདག་གཙོ་འཁོར་ཀུན་གྱི་གྲས་ཤིག་ཡིན། འདི་བརྒྱད་ཟིལ་རྫོང་མི་དམངས་སྲིད་གཞུང་ཆགས་གནས་དཀར་ཤང་ཐང་ནས་ཤར་ལ་སྤྱི་ལེ་130ཙམ་གྱིས་མཚམས་ཤར་ཁ་ཤང་གི་སྲིད་འཛིན་གྲོང་སྡེ་དང་པོ་སྟེ་བློ་བཟང་ངམ་ལུང་བཟང་གྲོང་སྡེའི་རྒྱ་སྐད་དུ་མའོ་ཀུའུའམ་མོ་ཁུག་གྲོང་ཞེས་པའི་གྲོང་ཚོའི་ལུང་པའི་ཤར་ལྷོའི་མཚམས་ལ་གནས་ཅིང་། འདིའི་རི་རྩེའི་མཐོ་ཚད་ནི་རྒྱ་མཚོའི་ངོས་ལས་རྨི་བཞི་སྟོང་ཙམ་ཡོད། མའོ་ཀུའུ་ཞེས་པའི་ལུང་པའི་ནང་སྔོན་བོད་བརྒྱུད་སངས་རྒྱས་ཆོས་ལུགས་ཀྱི་དགོན་པ་ཞིག་ཡོད་མྱོང་བས། དགོན་པ་ཞེས་པའི་རྒྱ་སྐད་ཟུར་ཆག་སྟེ་ལུང་པའི་མིང་ལ་མའོ་ཀུའུ་ཟེར་བ་འདྲ། སྔོན་དགོན་པ་ཆགས་སའི་ཐང་དེར་རྡོ་ཕ་ཝོང་ཆེན་པོ་ཞིག་ཡོད་པའི་སྟེང་དུ་ཨ་ར་དགོན་པའི་མཆོག་སྤྲུལ་ཨོ་རྒྱན་རིག་འཛིན་མཆོག་ལོ་མང་རིང་མཚམས་བཞུགས་ནས་དད་ལྡན་མི་སེར་ལ་ཆོས་གསུངས་པ་དང། ལོ་ལྟར་གཉེན་གྱི་བུ་མོ་ལ་གསོལ་མཆོད་བྱེད་སྲོལ་ཡོད། དེང་སང་ཡང་ཁོང་གི་ཡང་སྲིད་བརྒྱད་ཟིལ་རྫོང་ནང་བསྟན་འཐུས་ཚོགས་ཀྱི་ཚོགས་གཙོ་ཆོས་དབང་ཚེ་རིང་ལགས་ཀྱིས་ཀྱང་བླ་མའི་མཛད་སྤྱོད་བསྐྱངས་ཤིང་།
        བླ་མ་འདས་པའི་ལོ་ཟླའི་ཚེས་གྲངས་ལ་དེར་ཕེབས་ཏེ་གསོལ་མཆོད་བྱེད་བཞིན་ཡོད། ཐང་དེའི་ཡར་ཐོག་རི་འདབ་ལ་མའོར་ཀུའུ་མཚོ་ཞེས་པའི་མཚེའུ་ཆེན་པོ་དེ་མཛེས་པའི་རི་བོ་མང་པོས་རྭ་བས་བསྐོར་བ་དང་མཚུངས་ཤིང་སྔོ་མཐིང་ངེར་ཆགས་པ་དང་། ཕྱོགས་ཐམས་ཅད་དུ་གནའ་བོའི་ནགས་ཁྲོད་དང་། གཟུགས་དབྱིབས་འདྲ་མིན་གྱི་བྲག་རི་དང་། ལུང་པ་ལ་ལ་རྡོ་དམར་མདོག་ཅན་གྱིས་ཁེངས་པ་དང་། ལུང་ལག་ཐམས་ཅད་དུ་དབྱར་རྩྭ་དགུ་འབུ་དང་། ལྕུམ་རྩྭ། བེ་མུའུ། རུ་རྟ། ཆང་ཧོ། ཏན་ཕི། ཀྱི་ལྕེ། ཕྱི་སྲན། སྦྲང་སྙིང་སོགས་ཡོད་པ་མ་ཟད། ད་རུང་འཚོ་བཅུད་ཕུན་སུམ་ཚོགས་པོ་ཡོད་པའི་ཤ་མོངས་སོགས་རྩི་ཤིང་ནགས་ཚལ་སྣ་ཚོགས་ཀྱིས་ཕྱུག་པའི་བཅོས་མིན་རང་བཞིན་གྱིས་ཆགས་པའི་ཡུལ་ལྗོངས་སོ། །དེ་ལྟར་གཉན་གྱི་བུ་མོ་ཞེས་མཛེས་སྡུག་ལྡན་ཞིང་ཀུན་གྱི་ཡིད་འཕྲོག་ལ་རི་རྒྱུད་མ་ཉམས་པར་སྐྱེ་དངོས་སྣ་མང་ཕུན་སུམ་ཚོགས་པ་འདི་མ་ཉམས་གོང་འཕེལ་དང་། སྲུང་སྐྱོང་བྱ་རྒྱུ་ནི། མ་འོངས་པར་སྤྱིར་བརྒྱད་ཟིལ་རྫོང་དང་། སྒོས་སུ་དཀར་མཛེས་ཁུལ་གངས་དཀར་རི་བོའི་ལྷོ་ངོས་རྒྱལ་སྤྱིའི་སྐྱེ་ཁམས་རིག་གནས་གྱི་ཡུལ་སྐོར་གནས་མཆོག་དང་། རྒྱལ་ཁབ་ཁོངས་ཀྱི་དམིགས་འཛུགས་ཡུལ་སྐོར་གནས་མཆོག་དཔེ་སྟོན་ས་ཁུལ། ལྟ་ན་སྡུག་ཅིང་བླ་ན་མེད་པའི་མཛེས་ལྗོངས་བཅས་གསར་སྐྲུན་བྱ་བ་ལ་མེད་དུ་མི་རུང་བའི་གལ་ཆེའི་དོན་སྙིང་ལྡན་པའོ། །