གླང་རུ་དགོན།
སྤེལ་དུས 2019-11-26
ཡོང་ཁུངས། ཡོངས་འཛིན།
རྩོམ་པ་པོ།
1 ངོ་སྤྲོད།
གླང་རུ་དགོན་ནི་ཀོང་པོ་རྒྱ་མདའ་རྫོང་ཉང་པོ་ཤང་གླང་རུ་གྲོང་ཚོའི་ཁོངས་སུ་ཡོད་པ་དང་། རྫོང་སྲིད་གཞུང་ནས་སྤྱི་ལེ51ཙམ་ཡོད། སྣུམ་ནག་ལམ་བུ་ཤར་གཏོང་ཐུབ་ཡོད། དགོན་པོ་དེ་ནི་ཉིང་ཁྲི་གྲོང་ཁྱེར་ས་ཁོངས་ནང་དགོན་སྡེ་ཆེ་གྲས་ཤིག་ཡིན་ཞིང་། མིག་སྔར་སྤྲུལ་སྐུ་བློ་བཟང་བསྟན་པའི་ཉི་མ་གང་ཉིད་དགོན་སྡེ་དེར་འཚོ་བཞུགས་ཐོག་འགྲོ་དོན་རྒྱ་ཆེར་མཛད་བཞིན་ཡོད། དགོན་སྡེ་དེ་ནི་རི་བོ་དགེ་ལུགས་པའི་གྲུབ་མཐའ་ཡིན་པ་དང་། ཤར་རྒྱལ་བ་ཙོང་ཁ་བའི་སློབ་མ་སེམས་པ་ཆོས་ཀྱི་འཕགས་པས་སྤྱི་ལོ1440ལ་ཕྱག་བཏབ་པ་ཞིག་ཡིན། ད་བར་ལོ་ངོ500ལྷག་ཙམ་གྱི་ལོ་རྒྱུས་ཡོད། དགོན་པ་དེའི་རྟེན་གྱི་གཙོ་བོ་ནི་ཇོ་བོ་ཤཱཀྱ་མུ་ནེ་ཡིན། དགོན་པ་དེ་ཉིད་རྒྱུད་གྲྭ་སྟོད་སྨད་དུ་དབྱེ་བ་དང་། སྔ་མོ་ཁག་སོ་སོར་དགེ་འདུན་པ500ལྷག་ཙམ་ཡོད་པར་གྲགས།
2 མིང་ཐོགས་ཚུལ།
གླང་རུ་ཞེས་པའི་མིང་ནི་ཡུལ་མིང་དགོན་ལ་ཐོགས་པ་ཞིག་ཡིན་ཏེ། ཡུལ་དེའི་རྒྱབ་རིའི་དབྱིབས་ནི་གླང་གི་རྭ་ཅོ་དང་འདྲ་བས། ཡུལ་མིང་དེ་ལྟར་ཐོགས་པ་ཡིན།