གཞི་རིམ་ཏང་རྩ་འཛུགས་སྟོབས་ཆེར་གཏོང་བར་སྐུལ་འདེད་ཤུགས་ཆེན་གཏོང་དགོས།
སྤེལ་དུས 2018-04-23
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ། ཁྲུའུ་ཝུའུ་ཀན་གྱིས།
ཏང་གི་གཞི་རིམ་རྩ་འཛུགས་ནི་ཏང་གི་ལམ་ཕྱོགས་དང་མཛད་ཕྱོགས་སྲིད་ཇུས་དེ་བཞིན་ཐབས་ཇུས་བཀོད་སྒྲིག་ཁག་ལག་བསྟར་དོན་འཁྱོལ་བྱེད་པའི་རྨང་གཞི་ཡིན་ལ། ཏང་གི་ལས་དོན་ཡོངས་དང་དམག་འཐབ་ནུས་པའི་རྨང་གཞི་ཡང་ཡིན།
ང་ཚོས་རྒྱུན་དུ“རྨང་གཞི་བརྟན་པོ་མེད་ན། རི་འཁྱོམ་ས་འགུལ་བྱེད”ཅེས་ཤོད་ཀྱི་ཡོད། ཏང་ལ་དོ་དམ་དང་ཏང་དར་རྒྱས་གཏོང་བར་རྨང་གཞི་ནི་ཧ་ཅང་གལ་འགངས་ཆེན་པོ་ཡིན། ལས་དོན་མང་པོ་གཞི་རིམ་དུ་བསྐྱོད་ནས་དོན་འཁྱོལ་བྱེད་དགོས་ཤིང་། གཞི་རིམ་ཏང་རྩ་འཛུགས་སྤྱི་ཚོགས་ཀྱི་ཁྱབ་ཁོངས་གང་སར་ཁྱབ་པ་དང་། འཚོ་བའི་ཕྱོགས་གང་ས་དང་འབྲེལ་བ་ཡོད་པ། མང་ཚོགས་དང་ཐད་ཀར་འབྲེལ་བ་ཆེ་ཤོས་དང་ཁྱབ་རྒྱ་ཆེ་ཤོས་ཡིན་པས་ཏང་གི་འདོད་ཚུལ་དྲིལ་བསྒྲགས་བྱེད་པ་དང་། ཏང་གི་གཏན་འབེབས་ལག་བསྟར་བྱེད་པ། གཞི་རིམ་བཅོས་སྐྱོང་ལ་འགོ་ཁྲིད་བྱེད་པ། མང་ཚོགས་ལ་མཐུན་སྒྲིལ་དང་སྐུལ་སློང་བྱེད་པ། སྒྱུར་བཅོས་འཕེལ་རྒྱས་ལ་སྐུལ་འདེད་གཏོང་བ་བཅས་ཐད་གཞན་གྱིས་ཚབ་བྱེད་ཐབས་བྲལ་བའི་ནུས་པ་གལ་ཆེན་ལྡན་ཡོད་པས། རང་རེའི་ཏང་གི་ལས་ཀའི་སྟོབས་ཤུགས་དང་འདེགས་སྐྱོར་ཆེ་ཤོས་དེ་ཡིན། དེས་ན་གཞི་རིམ་ཏང་རྩ་འཛུགས་དང་གུང་ཁྲན་ཏང་ཡོན་མི་རེ་ངོ་རེར་དམིགས་ཡུལ་གྱི་འདུ་ཤེས་དང་འགན་འཁྲིའི་འདུ་ཤེས་ཟབ་མོ་ལྡན་ཚེ། དམག་འཐབ་མཁར་རྫོང་གི་ནུས་པ་དང་གདོང་ལེན་དཔེ་བཟང་གི་ནུས་པ་འདོན་ཐུབ་ནས་རང་རེའི་ཏང་གི་སྲིད་སྐྱོང་རྨང་གཞི་མི་འགྱུར་རྡོ་རྗེ་བྲག་ལྟར་བརྟན་པོ་ཡོང་ཐུབ།
ཏང་གི་ཚོགས་ཆེན་བཅུ་དགུ་པའི་ཐོག་གཞི་རིམ་རྩ་འཛུགས་འཛུགས་སྐྱོང་ལ་ཤུགས་སྣོན་རྒྱག་སྐབས་རྩ་འཛུགས་ཀྱི་ནུས་པ་ཆེ་རུ་གཏོང་རྒྱུ་གཙོ་གནད་དུ་འཛིན་དགོས་ཞེས་བཏོན་ཡོད། རྩ་འཛུགས་ཀྱི་ནུས་པ་ཆེ་རུ་གཏོང་བའི་གཙོ་གནད་ལ་དམིགས་ཏེ། སྨྱུག་འཛིན་པས“ཚོགས་འདུ་གསུམ་དང་སློབ་ཚན་གཅིག”གི་ལམ་ལུགས་མཐའ་འཁྱོངས་བྱེད་པ་དང་། གཞི་རིམ་ཏང་རྩ་འཛུགས་ཀྱི་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་པ། གཞི་རིམ་ཏང་རྩ་འཛུགས་ཀྱི་ཁྱབ་ཁྱོན་ཆེ་རུ་གཏོང་བ། ཏང་ཡོན་ལ་སློབ་གསོ་དོ་དམ་དང་ལྟ་སྐུལ་ལ་ཤུགས་སྣོན་རྒྱག་པ་སོགས་ཐད་དམ་འཛིན་ལྷོད་མེད་དང་བྱ་ཐབས་དངོས་འདོན་དགོས་པ་ལས་གཞན། མིག་སྔར་ཏང་གི་ཆབ་སྲིད་འཛུགས་སྐྱོང་ཨང་དང་པོར་འཇོག་རྒྱུ་མཐའ་འཁྱོངས་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པས་ཏང་ཡོན་ལ་དྲག་ཆས་སྤྲོས་རྒྱུ་མཐའ་འཁྱོངས། བྱང་ཚད་མཐོ་བའི་ཆེད་ལས་ཅན་གྱི་ལས་བྱེད་པའི་དཔུང་ཁག་འབོར་ཆེན་ཞིག་འཛུགས་སྐྱོང་བྱ་རྒྱུ་མཐའ་འཁྱོངས། རྒྱུན་སྲིང་ལྷོད་མེད་ངང་སྤྱོད་བཟང་སྒྲིག་ནན་དང་ལྟ་སྐུལ་ལ་ཤུགས་སྣོན་རྒྱག་རྒྱུ་མཐའ་འཁྱོངས་བཅས་བྱེད་དགོས་པའི་ངོས་འཛིན་བྱེད་ཀྱི་ཡོད།