ས་ཁོངས་ཧྲིལ་པོའི་ལྗང་མདོག་སྣོད་བཅུད་འཕེལ་རྒྱས་ཀྱི་ཐོན་ལས་རྨང་གཞི་བརྟན་དུ་གཏོང་དགོས།
སྤེལ་དུས 2018-01-02
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ། ཉི་མ་ཚེ་རིང་།
སྣོད་བཅུད་དར་ཚེ་ཤེས་དཔལ་དར་ཐུབ་པ་དང་། སྣོད་བཅུད་ཉམས་ཚེ་ཤེས་དཔལ་ཉམས་སྲིད། སྨྱུག་འཛིན་པས་ས་ཁོངས་ཧྲིལ་པོའི་ལྗང་མདོག་སྣོད་བཅུད་ཐོན་ལས་འཕེལ་རྒྱས་ཤུགས་ཆེན་གཏོང་བར་ས་ཁོངས་ཧྲིལ་པོའི་ལྗང་མདོག་སྣོད་བཅུད་འཕེལ་རྒྱས་ཀྱི་ཐོན་ལས་རྨང་གཞི་བརྟན་དུ་གཏོང་དགོས་པའི་ངོས་འཛིན་བྱས་པ་ཡིན།
དེ་ཡང་ཤུགས་རྒྱག་ས་ལྗང་མདོག་ཐོན་ལས་མ་ལག་འཛུགས་རྒྱུའི་ཐོག་འཇོག་དགོས། ལྗང་མདོག་འཕེལ་རྒྱས་ཀྱི་འདུ་ཤེས་བརྟན་པོར་བཙུགས་ནས་ལྗང་མདོག་འདི་ཉིད་བཟོ་ལས་ཅན་དང་། ཆ་འཕྲིན་ཅན། གྲོང་ཁྱེར་དང་གྲོང་རྡལ་ཅན། ཞིང་ལས་དེང་རབས་ཅན་བཅས་ཀྱི་ཁྲོད་ཁྱབ་པར་བྱས་ཏེ་ལྗང་མདོག་བཟོ་ལས་མ་ལག་དང་། ལྗང་མདོག་ཞིང་ལས་མ་ལག ལྗང་མདོག་ཞབས་ཞུའི་མ་ལག ལྗང་མདོག་རིག་གནས་མ་ལག་བཅས་འཛུགས་རྒྱུར་ཤུགས་རྒྱག་པ་དང་། སྣོད་བཅུད་ཆགས་སྟངས་ལེགས་སུ་གཏོང་བ་དང་། སྣོད་བཅུད་དཔལ་འབྱོར་འཕེལ་རྒྱས་ཤུགས་ཆེན་གཏོང་བ། སྣོད་བཅུད་རིག་གནས་སྐྱེད་སྲིང་ཧུར་ཐག་བྱེད་པ། སྣོད་བཅུད་ལམ་ལུགས་འཛུགས་པ་དང་འཐུས་སྒོ་ཚང་དུ་གཏོང་བ་བཅས་ལ་ཤུགས་རྒྱག་པ། གྲོང་ཁྱེར་དང་གྲོང་གསེབ་ཀྱི་ནགས་བཟོ་སྔོ་འགྱུར་དང་། རྩྭ་ར་དང་འདམ་ར་སྲུང་སྐྱོང་། སྣོད་བཅུད་ས་ཁོངས་སྲུང་སྐྱོང་དང་ཉམས་གསོ་སོགས་ཀྱི་འདུ་འགོད་གལ་ཆེན་ལ་དམ་འཛིན་བྱ་རྒྱུར་ཤུགས་བརྒྱབ་ནས་ཐོན་ཁུངས་མང་གཏོང་དང་། ཐོན་ལས་ཕན་འཕར། ནགས་ཞིང་འབབ་འབར་བཅས་དམིགས་ཚད་དུ་བྱེད་པ་དང་། ཁྱད་ལྡན་ལེགས་ཆའི་ཐོན་ལས་མགྱོགས་མྱུར་འཕེལ་རྒྱས་བཏང་ནས་གཞིས་རྩེ་གྲོང་ཁྱེར་གྱི་འཕེལ་རྒྱས་མྱུར་པོར་རྨང་གཞི་བརྟན་པོ་འདིང་དགོས།
གསར་གཏོད་ཀྱི་འགག་གནད་སྒྲོལ་ས་དང་། སྤུས་རྟགས་ཀྱི་ནུས་ཤུགས་འདོན་ས། སྤུས་ཚད་མཐོར་གཏོང་གི་འགག་རྩ་བཅས་ཁོང་དུ་ཆུད་པ་བྱེད་དགོས། གསར་གཏོད་ཀྱིས་སྣེ་ཁྲིད་བྱ་རྒྱུ་མཐའ་འཁྱོངས་དང་ཐོན་ལས་གྲུབ་ཆའི་གསར་གཏོད་ལ་སྐུལ་འདེད་བཏང་ནས་རྒྱུན་ཆད་མེད་པར་འཕར་ཚད་ཆེ་རུ་གཏོང་བ་དང་གསོག་འཇོག་བྱེད་ཚད་ལེགས་སུ་གཏོང་དགོས། ཐོན་ལས་ཆགས་སྟངས་གསར་གཏོད་ལ་སྐུལ་འདེད་བཏང་ནས་འདུས་འཛོམས་དང་། གསོག་གྲུབ། ལེགས་བསྡུས་ཞིབ་གཉེར་བཅས་ཀྱི་འཕེལ་རྒྱས་ལ་རྒྱུན་ཆད་མེད་པར་སྐུལ་འདེད་གཏོང་དགོས། ཐོན་ལས་ལག་རྩལ་གསར་གཏོད་ལ་སྐུལ་འདེད་གཏོང་བ་དང་། ལྟེ་བའི་འགྲན་ནུས་རྒྱུན་ཆད་མེད་པར་ཆེ་རུ་གཏོང་བ། ལྗང་མདོག་ཐོན་ལས་འཕེལ་རྒྱས་ཀྱི་རྣམ་པ་མགྱོགས་མྱུར་ཆགས་པ་བཅས་བྱས་ཏེ་འཕེལ་རྒྱས་དང་སྣོད་བཅུད་གཉིས་ཁེ་མངོན་འགྱུར་ཐུབ་པ་བྱེད་དགོས། ལེགས་བསྡུས་ཞིབ་གཉེར་དང་ནུས་ཆེའི་ལྗང་མདོག་ཞབས་ཞུའི་ལས་སྒོའི་མ་ལག་ཤུགས་ཆེན་འཛུགས་རྒྱུ་ནི་ས་ཁོངས་ཧྲིལ་པོའི་ལྗང་མདོག་སྣོད་བཅུད་འཕེལ་རྒྱས་བརྟན་དུ་གཏོང་བའི་ཐོན་ལས་རྨང་གཞིའི་འགག་རྩ་ཡིན་པས། ལྗང་མདོག་ཞབས་ཞུའི་ལས་རིགས་ཀྱིས་གོ་སྐབས་སྔ་ཙམ་དམ་འཛིན་གྱིས་སྐས་རིམ་གསར་པའི་ཐོག་སླེབས་པ་བྱ་རྒྱུར་སྐུལ་འདེད་བཏང་ནས་གཞིས་རྩེའི་ལྗང་མདོག་འཕེལ་རྒྱས་མགྱོགས་སུ་གཏོང་རྒྱུར་སྒུལ་ཤུགས་གསར་པ་བསྣན་དགོས།