རྟ་ཟམ་སྦྲག་ལམ་ནས་རིག་ནུས་ཁ་པར་བར་གྱི་འཕེལ་རྒྱས།
སྤེལ་དུས 2018-12-21
ཡོང་ཁུངས། མི་དམངས་དྲ་བ།
རྩོམ་པ་པོ། ཚེ་རིང་གིས་བསྒྲིགས།
སྒྱུར་བཅོས་སྒོ་དབྱེ་བྱས་ནས་ལོ་40སོང་རིང་། BPབརྒྱུད་འབོད་ཁ་པར་དང“ཏ་ཀེ་ཏ”ལག་ཐོགས་ཁ་པར་སོགས་འཕེལ་རྒྱས་མཚོན་པའི་ཅ་དངོས་རེ་རེ་མི་རྣམས་ཀྱི་འཚོ་བའི་ནང་རིམ་བཞིན་དར་བ་དང་། ཁ་པར་སྦྲེལ་མཐུད་མཁན་སོགས་ནི་སྐབས་དེ་དུས་ཀྱི་གསར་དར་ལས་རིགས་ཡིན་པ་དང་མགྱོགས་མྱུར་ཐོན་ནས་རིམ་གྱིས་མེད་པར་གྱུར་ཡོད། མི་རྣམས་ཀྱི་སེམས་ཁམས་ལ་དྲོ་སྐྱིད་མཚོན་པའི་ཡི་གེ་འབྲི་བ་དང་། ཡི་གེ་བསྐུར་བ། ཡིག་ལན་གཏོང་བ་སོགས་ཀྱི་འཚོ་བའི་རྣམ་པ་དེ“00”ལོའི་རྗེས་སྐྱེས་པའི་མི་རྣམས་ཀྱི་ངོས་ནས་བརྗོད་ན་ཆ་རྒྱུས་མེད་པའི་ཚོར་སྣང་ཞིག་ཡོང་སྲིད། ད་ཆ་ལག་ཐོགས་ཁ་པར་དང་སྒུལ་བདེའི་དྲ་རྒྱ་ཡོད་པས་ང་ཚོས་ཕྱིར་དོན་མི་དགོས་པར་ཐག་རིང་གི་གཉེན་ཉེ་དང་འབྲེལ་བ་བྱེད་ཐུབ། འཕྲིན་གཏོང་བྱེད་སྟངས་ཀྱི་འཕོ་འགྱུར་གྱིས་ལོ་40ཡི་རིང་། རང་རྒྱལ་གྱི་དཔལ་འབྱོར་དང་སྤྱི་ཚོགས་མགྱོགས་མྱུར་འཕེལ་རྒྱས་ཕྱིན་པ་དང་དེ་བཞིན་མི་དམངས་ཀྱི་འཚོ་བའི་ཆུ་ཚད་རྒྱུན་ཆད་མེད་པར་མཐོ་རུ་ཕྱིན་པ་མཚོན་གྱི་ཡོད།