ཀྲུང་གོའི་བོད་ལྗོངས་དྲ་བ། > བོད་ལྗོངས་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུ། > གསར་འགྱུར་གལ་ཆེན།

ཝང་དབྱང་གིས་ཚོགས་གཙོ་གནང་བའི་ཀྲུང་དབྱང་སྐུ་ཚབ་ཚོགས་པ་བོད་ལྗོངས་ནས་ཞལ་གྱེས་ཏེ་པེ་ཅིང་དུ་ལོག་ཕེབས་པ།

སྤེལ་དུས 2021-08-23 ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། རྩོམ་པ་པོ།
         ཚེས་21ཉིན་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་དབྱང་གིས་ཚོགས་གཙོ་གནང་བའི་ཀྲུང་དབྱང་སྐུ་ཚབ་ཚོགས་པས་བོད་ལྗོངས་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བའི་རྟེན་འབྲེལ་མཛད་སྒོར་ཞུགས་པ་དང་། མི་རིགས་ཁག་དང་ལས་རིགས་ཁག་གི་ལས་བྱེད་པ་དང་མང་ཚོགས་ཚོར་འཚམས་འདྲི། ས་གནས་དེ་གའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གནས་ཚུལ་ལ་རྟོག་ཞིབ་བཅས་གནང་རྗེས་བོད་ལྗོངས་ནས་ཞལ་གྱེས་ཏེ་པེ་ཅིང་དུ་ལོག་ཕེབས་པ་རེད། འདི་ནི་ཚེས་21ཉིན་གྱི་སྔ་དྲོ་ཝང་དབྱང་གིས་ཀྲུང་དབྱང་སྐུ་ཚབ་ཚོགས་པའི་ཁོངས་མི་ཁག་གཅིག་གི་སྣེ་ཁྲིད་དེ་བོད་ལྗོངས་ལག་ཤེས་སློབ་གླིང་དུ་ཕེབས་ནས་སློབ་གླིང་གི་དངོས་སྦྱོང་སློབ་ཁྲིད་གནས་ཚུལ་ལ་རྟོག་ཞིབ་གནང་སྟེ། སློབ་མའི་འཐུས་མི་ཚོ་དང་བྱམས་བརྩེའི་ངང་གླེང་མོལ་གནང་བཞིན་པ།
         ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་དབྱང་གིས་ཚོགས་གཙོ་གནང་བའི་ཀྲུང་དབྱང་སྐུ་ཚབ་ཚོགས་པས་བོད་ལྗོངས་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བའི་རྟེན་འབྲེལ་མཛད་སྒོར་ཞུགས་པ་དང་། མི་རིགས་ཁག་དང་ལས་རིགས་ཁག་གི་ལས་བྱེད་པ་དང་མང་ཚོགས་ཚོར་འཚམས་འདྲི། ས་གནས་དེ་གའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གནས་ཚུལ་ལ་རྟོག་ཞིབ་བཅས་གནང་རྗེས་ཚེས་21ཉིན་བོད་ལྗོངས་ནས་གནམ་གྲུར་བཞུགས་ཏེ་པེ་ཅིང་དུ་ལོག་ཕེབས་པ་རེད།
         རང་སྐྱོང་ལྗོངས་ཀྱི་འགོ་ཁྲིད་ཝུའུ་དབྱིང་ཅེ་དང་། བློ་བཟང་རྒྱལ་མཚན། ཆེ་དགྲ་ལྷ། ཀྲོང་ཡན། ཡན་ཅིན་ཧའེ། ཝང་ཁའེ། བསྟན་ཁོ། ལིའུ་ཅང་། དབང་ཧའེ་ཀྲོའུ་སོགས་གནམ་ཐང་དུ་ཕེབས་སྐྱེལ་ཞུ་བར་བཅར་ཡོད་པ་རེད།
         ཉིན་ཤས་བསྟུད་མར་ཀྲུང་དབྱང་སྐུ་ཚབ་ཚོགས་པས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་དང་རྒྱལ་ཡོངས་མི་རིགས་ཁག་གི་མི་དམངས་ཀྱི་བརྩེ་བ་ཟབ་མོ་བསྣམས་ནས་གངས་ལྗོངས་ས་མཐོར་ཕེབས་ཏེ། ཏང་གི་དྲོ་སྐྱིད་བོད་ལྗོངས་ཀྱི་མི་རིགས་ཁག་གི་མི་དམངས་ཚོའི་སེམས་ལ་འཕྲོ་བར་བྱས་པས། ས་གནས་འདི་གའི་མི་རིགས་ཁག་དང་ལས་རིགས་ཁག་གི་ལས་བྱེད་པ་དང་མང་ཚོགས་ཚོའི་དགའ་བསུ་ཆེན་པོ་ཐོབ་ཡོད།
         ཉིན་དེའི་སྔ་དྲོར། ཝང་དབྱང་གིས་ཀྲུང་དབྱང་སྐུ་ཚབ་ཚོགས་པའི་ཁོངས་མི་ཁག་གཅིག་གི་སྣེ་ཁྲིད་དེ་བོད་ལྗོངས་ལག་ཤེས་སློབ་གླིང་དུ་ཕེབས། ཝང་དབྱང་གིས་སྐམ་འཛིན་བཟོ་པའི་དངོས་སྦྱོང་ཁང་དང་རླངས་འཁོར་དངོས་སྦྱོང་ཁང་སོགས་སུ་ཕེབས་ནས་སློབ་གླིང་གི་དངོས་སྦྱོང་སློབ་ཁྲིད་གནས་ཚུལ་ལ་རྟོག་ཞིབ་གནང་ཞིང་། སློབ་མའི་འཐུས་མི་ཚོ་དང་བྱམས་བརྩེའི་ངང་གླེང་མོལ་གནང་ནས་ཚང་མར་སློབ་སྦྱོང་ནན་ཏན་དང་ལག་རྩལ་སྣེ་གཅིག་ཁོང་དུ་ཆུད་པར་བྱས་ཏེ་བྱས་རྗེས་འཇོག་པ་དང་མེས་རྒྱལ་ལ་དྲིན་ལན་འཇལ་དགོས་པའི་ལྕག་སྐུལ་གནང་བ་རེད།
         རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཨུ་ཡོན་ཀྲང་གཞོན་པ་ཀྲུང་དབྱང་སྐུ་ཚབ་ཚོགས་པའི་ཚོགས་གཙོ་གཞོན་པ་པད་མ་འཕྲིན་ལས་ཀྱིས་ཀྲུང་དབྱང་སྐུ་ཚབ་ཚོགས་པ་གཞིས་རྩེ་ཡན་ལག་ཚོགས་པའི་སྣེ་ཁྲིད་དེ་བསམ་གྲུབ་རྩེ་ཆུས་ལྕགས་འདམ་ཤང་ཀོ་ལྕག་གྲོང་གསར་དུ་ཕེབས་ནས་ཡུལ་གཞན་དུ་གནས་སྤོ་དང་། ཐོན་ལས་བཀོད་སྒྲིག གཞི་རིམ་གྱི་ཏང་རྩ་འཛུགས་འཛུགས་སྐྱོང་བཅས་ཀྱི་གནས་ཚུལ་ལ་མཁྱེན་རྟོགས་གནང་བ་མ་ཟད། གྲོང་མི་ཚེ་ཕུན་གྱི་ཁྱིམ་དུ་ཕེབས་ནས་འཚམས་འདྲི་ཡང་གནང་བ་རེད།
         བརྩེ་བ་ཟབ་མོ་ནམ་ཡང་སེམས་སུ་བཅངས། ས་མཐོའི་བུ་ཕྲུག་སེམས་པ་ཏང་ལ་ཕྱོགས། ཀྲུང་དབྱང་སྐུ་ཚབ་ཚོགས་པ་བོད་ནས་ཞལ་གྱེས་སྐབས། རང་སྐྱོང་ལྗོངས་ཀྱིས་ཕེབས་སྐྱེལ་མཛད་སྒོ་གཟབ་རྒྱས་འཚོགས་པ་རེད། མི་རིགས་ཀྱི་གཟབ་མཆོར་ལེགས་པར་སྤྲས་པའི་ལས་བྱེད་པ་དང་མང་ཚོགས་ཚོས་རྒྱལ་དར་དང་མེ་ཏོག་འཕྱར་ནས“བཀྲ་ཤིས་བདེ་ལེགས”ཞེས་སྐད་གསང་མཐོན་པོས་བོས་ཏེ། ས་མཐོའི་བུ་ཕྲུག་ཚོས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་དང་རྒྱལ་ཡོངས་མི་དམངས་ལ་བཀའ་དྲིན་ཞུ་ལུགས་དང་། མཐུན་སྒྲིལ་དང་། འབྱོར་ཕྱུག ཤེས་དཔལ། ཞི་མཐུན། མཛེས་སྡུག་བཅས་ལྡན་པའི་སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་སྐྲུན་པའི་ཡིད་ཆེས་བརྟན་པོ་མཚོན་པར་བྱས་ཡོད། ཚང་མས་ཟླ་7ཚེས་21ནས་23ཉིན་བར་སྤྱི་ཁྱབ་ཧྲུའུ་ཅི་ཞི་ཅིན་ཕིང་སྐུ་ངོ་མ་བོད་དུ་ལས་དོན་ལ་གཟིགས་ཞིབ་གནང་བར་ཕེབས་ཏེ། བོད་ལྗོངས་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུས་པ་དང་མི་རིགས་ཁག་གི་ལས་བྱེད་པ་དང་མང་ཚོགས་ཚོར་གཟིགས་པ་རེད། བོད་ལྗོངས་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུ་བའི་མཚམས་སུ། ཀྲུའུ་ཞི་ཝང་དབྱང་གིས་ཚོགས་གཙོ་གནང་བའི་ཀྲུང་དབྱང་སྐུ་ཚབ་ཚོགས་པས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བོད་ཀྱི་མི་རིགས་ཁག་གི་མི་དམངས་ལ་ཐུགས་ཁུར་དང་བརྩེ་བ་ཟབ་མོ་བསྣམས་ནས་སླར་ཡང་རྟེན་འབྲེལ་བྱེད་སྒོ་ཁག་ལ་ཞུགས་པས། ལྗོངས་ཡོངས་ཀྱི་གོང་འོག་ཚང་མར་ལྕག་སྐུལ་ཆེན་པོ་དང་སེམས་འགུལ་ཆེན་པོ་ཐེབས་ཡོད། གངས་ལྗོངས་བུ་ཕྲུག་ཚོས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་སྐོར་དུ་སྔར་བས་མཐུན་སྒྲིལ་དམ་ཟབ་བྱས་ཏེ“འདུ་ཤེས་བཞི”སྔར་བས་ཟབ་ཏུ་གཏོང་བ་དང་། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”ཐུབ་པ་བཅས་བྱས་ནས་མཐུན་སྒྲིལ་རྡོག་རྩ་གཅིག་སྒྲིལ་གྱིས་མཛེས་སྡུག་དང་བདེ་སྐྱིད་ལྡན་པའི་བོད་ལྗོངས་ཧུར་ཐག་སྐྲུན་པ་དང་། སེམས་དང་ལག་གདང་སྦྲེལ་ནས་ཐུན་མོང་ཐོག་བསྐྱར་དར་རླབས་པོ་ཆེའི་ཕུགས་འདུན་མངོན་འགྱུར་བྱས་ཏེ། ལས་དོན་དངོས་ཀྱི་གྲུབ་འབྲས་ལ་བརྟེན་ནས་སྤྱི་ཁྱབ་ཧྲུའུ་ཅི་དང་ཏང་ཀྲུང་དབྱང་གིས་ཐུགས་ཁུར་ཟབ་བཞེས་གནང་བར་བཀའ་དྲིན་འཇལ་ངེས་ཡིན་ཞེས་བཤད་པ་རེད།
         རང་སྐྱོང་ལྗོངས་ཀྱི་འབྲེལ་ཡོད་ཞིང་ཆེན་དང་ཅུན་རིམ་པའི་འགོ་ཁྲིད་ཀྲུང་དབྱང་སྐུ་ཚབ་ཚོགས་པར་ཕེབས་སྐྱེལ་ཞུ་བའི་མཛད་སྒོར་ཞུགས་པ་རེད།
རྩོམ་སྒྲིག་པ། སངས་སྐྱབས།