|
 |
 |
| ངས་ནི་བོད་རང་ལ་གཞན་ལ་ངོ་གནོང་མི་དགོས་པའི་རིག་གནས་ཤིག་ཡོད་པ་འདི། སྐུ་དྲིན་ཅན་སྲོང་བཙན་དང་བཀའ་དྲིན་ཅན་ཐོན་མི་སམ་བྷོ་ཊ་གཉིས་ནས་བཟུང་། རང་གི་བླ་མའི་བར་གྱི་མཁས་དབང་རྣམས་ཀྱི་དྲིན་རེད་བསམ་ཡོད། རིག་གནས་འདི་ལྟ་བུ་ཞིག་མེད་ན། མི་རིགས་ཅུང་ཟད་ཆེན་པོ་འགའ་ཞིག་ལྟར་རྒྱ་མིན་གཞན་མིན་དུ་འགྱུར་བ་དང་།། ཡང་ན་མི་རིགས་ཀྱི་མིང་ཙམ་ལས་ལྷག་མེད་རྒྱུ་རེད་སྙམ། |
|
|
|
 |
|
|
|
|
|
 |
| སྤྱིར་བོད་སྐད་ལ་རྩ་བ་གཅིག་ཡིན་ནའང་ས་ཆ་ཆེ་ཞིང་མི་སྡེ་འཐོར་བཀྲམ་ཆེ་བའི་དབང་གིས་སྒྲ་མི་འདྲ་བར་གྱུར་ལ་ས་ཆ་ལ་ལར་བོད་སྐད་བརྡ་རྙིང་གི་ཐོག་ནས་སྒྲ་གདངས་ཇེ་ཟབ་དང་ཇེ་ལྕིར་སོང་བའི་སྟེང་ནས་འགྱུར་ཡོད་པ་རྒྱལ་རོང་གི་སྐད་ལྟ་བུ་དང་། འགའ་ཞིག་རང་ས་ནས་འགྱུར་ཚབས་ཆེ་བ་མགོ་ལོག་ཉ་མཚོའི་སྐད་ལྟ་བུ། དེ་དག་ཨེ་བདེན་ལྟོས་དང་ཤེས།--དམུ་དགེ་བསམ་གཏན། |
|
|
|
|
|
|
|
 |
| འགྲོ་འཆག་ཉལ་འདུག་གི་སྤྱོད་ལམ་ཐམས་ཅད་དུ་མི་དགེ་བཅུ་བོ་དེ་འབུར་དུ་མ་འཇུག་པར་གཙང་སིང་ངེར་བཞུགས། དེ་ལས་དགེ་སྦྱོར་རླབས་ཆེ་བ་ཞིག་གང་དུའང་མི་རྙེད་པས་རྟག་པར་འབུངས། འདྲ་ཆགས་བཏོན་བཏོན་མང་པོའི་བསླུ་བྲིད་ལ་མ་འཁོར། ཁ་ནས་ཚིགས་གཅིག་མ་བཏོན་ནའང་ཆོག་སྟེ། ཚིག་སྐྱོར་བ་ནི་དོན་ལ་དྲན་གསོ་བའི་ཆེད་ཡིན་པའི་ཕྱིར་རོ།
---ཤེས་རབ་རྒྱ་མཚོ། |
|
|
|
|
|
|
|
 |
| རྩོམ་རིག་སྒྱུ་རྩལ་གྱི་བརྩམ་བྱའི་ནང་གི་སྣང་བརྙན་གང་ཞིག་ཡིན་ན་ཡང་། རྩོམ་པ་པོའི་ལྟ་བ་དང་དགའ་སྡང་སོགས་རྣམ་འགྱུར་ངེས་ཅན་དང་འབྲེལ་ཡོད་ལ། རྩོམ་པ་པོའི་ལངས་ཕྱོགས་ལ་སོགས་པར་འབྲེལ་བ་དམ་པོ་ཡོད་པས་རྩོམ་པ་པོའི་བསམ་བློའི་ཕྱོགས་ལྷུང་གི་དྲི་མས་མ་གོས་པའི་སྒྱུ་རྩལ་གྱི་སྣང་བརྙན་ཟེར་བ་ཞིག་གཏན་ནས་མེད།
---དཔལ་དོན་གྲུབ་རྒྱལ། |
|
|
|
|
|
|
|
 |
| རང་རེ་གངས་ཅན་མི་རིགས་ལ་མཚོན་ན་ལོ་རྒྱུས་ཀྱི་རྒྱུན་རིང་བ་དང་རིག་གནས་ཀྱི་ལོངས་སྤྱོད་ཕྱུག་པ་སོགས་རྒྱལ་ཁབ་ཕྱི་ནང་ཀུན་ཏུ་གྲགས་ཀྱང་གྲགས་ལ། བདེན་ཡང་བདེན་མོད། མེས་པོ་རྣམས་ཀྱི་ཤུལ་བཞག་དངོས་རྫས་ཡོད་ཁུལ་གྱིས་རང་མཐོང་ང་རྒྱལ་གྱིས་ཉལ་བསྡད་ན་མི་འགྱངས་པར་གཞན་གྱི་གྱང་རྩ་དང་ཟས་ལྷག་ལ་བརྟེན་པའི་སྤྲང་པོར་འགྱུར་བར་ཐེ་ཚོམ་མེད།
---དོར་ཞི། |
|
|
|
|
|
|
|
 |
| ཁྱིམ་རེ་རེ་བཞིན་གྱི་སྒོ་སྟེང་དུ་དར་མདུང་རེ་སློང་བ་འདི་ཡང་བོད་ཀྱི་ཐུན་མོང་མ་ཡིན་པའི་སྲོལ་ལྟ་བུ་ཡིན་ཏེ། དེ་ཡང་ཐོག་མར་དམག་གི་རྟགས་སུ་མངོན་ལ། རྗེས་སོར་ཆོས་ཀྱི་ལས་སུ་སོང་བས། སྟོད་ན་རྒྱ་གར་དང་འདྲེས་པའི་བོད་རིགས་རྣམས་ནས། སྒོ་སྟེང་དུ་དར་ལྕོག་སློང་བའི་སྲོལ་དེ་ད་ལྟའི་བར་དུ་ཡོད།
---དགེ་འདུན་ཆོས་འཕེལ། |
|
|
|
|
|
|
|
 |
| འཇིག་རྟེན་འདིའི་ཐོག་ན་བརྩེ་དུངས་རིགས་གཉིས་ཏེ། གཅིག་ནི་རང་གི་ཁེ་ཕན་དང་རང་གི་ཐོབ་ཤོར་གཞིར་བཞག་སྟེ་སྒེར་སེམས་དང་། གཡོ་སྒྱུ། ངན་སེམས། བཅོས་མ་ལ་སོགས་པའི་ཐ་ཤལ་གྱི་བརྩེ་དུངས་ཡིན་པ་དང་། གཡོ་མེད་པ། རྒྱུད་དྲང་བ། སེམས་བསམ་པའི་སྟེང་ནས་ཐོན་པའི་བླ་ན་མེད་པའི་བརྩེ་དུངས་དེ་རེད།
---དཔལ་དོན་གྲུབ་རྒྱལ། |
|
|
|
|
|
|
|
 |
| མིག་གིས་མཐོང་བ་དང་རྣ་བས་ཐོས་པ་ཁོ་ནས་ཐག་གཅོད་དགོས་པ་ཞིག་ལས། ཤེས་པས་མཁས་པར་འགྲོ་བ་དང་། མ་ཤེས་པས་བླུན་པོར་འགྲོ་བ་ཞིག་ནི་མ་ཡིན་ན་ཡང་། འོལ་ཚོད་ཀྱིས་སྨྲས་ན་རྫུན་དུ་འགྲོ་བ་ནི་སྨྲ་མི་དགོས་ལ། ཇི་ལྟ་བ་བཞིན་ཤེས་པ་ཞིག་བྱུང་ན་ནི་ཅིས་ཀྱང་དོན་ཆེན་པོར་འགྱུར་ངེས།
---དགེ་འདུན་ཆོས་འཕེལ། |
|
|
|
|
|
