 |
| བོད་མིའི་ལོ་གསར་གྱི་འབྱུང་བ་རོབ་ཙམ་ཞུས་ན་གནམ་ལོ་གསར་བཞད་ནི་བོད་རྒྱལ་དགུ་པ་པུ་དེ་གུང་རྒྱལ་གྱི་དུས་རྒན་མོ་བལ་མའི་ཟླ་རྩིས་ཞེས་པ་ཟླ་བའི་དཀར་ཆའི་འཕེལ་གྲིབ་དང་། རྒྱུ་སྐར་གྱི་འཁོར་བགྲོད་ལ་བརྟེན་ནས་དུས་བཞི་དབྱེ་བ་དང་། ཟླ་ཚེས་བརྩིས་ཏེ་ལོ་འཁོར་མཚམས་ཀྱི་དུས་རྟགས་དེ། ལྷོ་ཁ་ཡར་ལྷ་ཤམ་པོའི་འདབས་ཀྱི་ཁམ་སྡོང་ལ་མེ་ཏོག་ཤར་འཕྲལ། དཔྱིད་ཀྱི་དུས་ཆེན་གཏོང་སྲོལ་ཆགས་པ་དང་། དེ་ནས་བོད་ཀྱི་ལོ་གསར་ཐོག་མ་གཏོང་འགོ་ཚུགས་པ་རེད་ཟེར་སྲོལ་འདུག འོན་ཀྱང་བོད་ཀྱི་ལོ་གསར་དེ་ཡང་ཡུལ་ལུང་སོ་སོའི་ཡུལ་སྲོལ་གོམས་གཤིས་དང་། སོ་ནམ་བྱ་ལས་ཀྱི་དུས་ཚོད་མི་འདྲ་བའི་དབང་གིས་མི་འདྲ་ས་མང་ཙམ་ཡོད། དཔེར་ན། ཀོང་པོ་ཁུལ་དུ་བོད་ཟླ་བཅུ་པའི་ཚེས་གཅིག་ཉིན་ལོ་གསར་གཏོང་བ་དང་། སྟོད་མངའ་རིས་སྦུ་ཧྲེང་རྫོང་སོགས་ལ་བོད་ཟླ་བཅུ་གཅིག་པར་ལོ་གསར་གཏོང་བ། དབུས་གཙང་གི་ས་ཁུལ་མང་པོ་ཞིག་ལ་སོ་ནམ་ལོ་གསར་ཞེས་བོད་ཟླ་བཅུ་གཉིས་པའི་ཚེ་གཅིག་ལ་ལོ་གསར་གཏོང་བ་སོགས་ |
|
 |
|
 |
༄༅།།ས་གླང་། སྤྱི་ལོ་༡༥༨༩ཏཱ་ལའི་བླ་མ་ཡོན་ཏན་རྒྱ་མཚོ་དང་།སྒམ་པོ་དྲུང་ནོར་བུ་རྒྱན་པ་འཁྲུངས། གྲུབ་ཆེན་ཐར་པའི་རྒྱལ་མཚན་གཤེགས། ཁྲི་ཆེན་དམ་ཆོས་དཔལ་འབར་དགའ་ལྡན་གྱི་ཁྲིར་ཕེབས། སྟག་ལུང་ཆོས་རྗེ་ཀུན་དགའ་བཀྲ་ཤིས་སླར་ཡང་སོག་ཡུལ་དུ་ཕེབས། སྔགས་འཆང་གྲགས་པ་བློ་གྲོས་ས་སྐྱའི་གདན་སར་ཕེབས། སྐྱིད་ཤོད་དགའ་ལྡན་བཀྲ་ཤིས་རབ་བརྟན་འདས། སྐྱིད་ཤོད་སྡེ་པ་ཡིད་བཞིན་བཙས།
༄༅།།ས་གླང་། སྤྱི་ལོ་༡༦༤༩སྒམ་པོ་ཆོས་རྗེ་རིན་ཆེན་རྡོ་རྗེ་གཤེགས། ཏཱ་ལའི་བླ་མ་ལྔ་པ་རིན་པོ་ཆེས་ལྷ་རྩེ་དགའ་ལྡན་འོག་མིན་གླིང་དང་། ལྷོ་བྲག་དོན་གཉིས་གླིང་བཏབ། བཙན་པོ་དོན་གྲུབ་རྒྱ་མཚོས་བཙན་པོ་དགོན་དགའ་ལྡན་དམ་ཆོས་གླིང་བཏབ། དབྱིན་ཇིའི་གོང་མ་ཁྲ་ལི་སི་ཁྲི་ནས་ཕབ་སྟེ་དབྱིན་ཇི་མཉམ་འབྲེལ་རྒྱལ་ཁབ་བཙུགས། |
|
 |
|
