ཆབ་མདོ་ས་ཁུལ་ནི་འབྲི་ཆུ་དང་། རྫ་ཆུ། རྒྱལ་མོ་རྔུལ་ཆུ་གསུམ་མཉམ་དུ་འདུས་པའི་འཕྲེད་རྒྱུག་རི་རྒྱུད་དང་། བོད་ལྗོངས་དང་། སི་ཁྲོན།མཚོ་སྔོན། ཡུན་ནན་བཅས་ཞིང་ཆེན་(རང་སྐྱོང་ལྗོངས་)བཞིའི་འབྲེལ་མཚམས་ཀྱི་འགག་གནས་སུ་ཡོད་ཅིང་། བོད་ལྗོངས་དང་། སི་ཁྲོན། མཚོ་སྔོན། ཡུན་ནན་བཅས་ཀྱི་འགྲིམ་འགྲུལ་ལྟེ་གནས་དང་། བོད་ལྗོངས་ཀྱི་ཤར་སྒོ་ཆེན་པོ་དང་ཁམས་ཁུལ་གྱི་ལྟེ་གནས་ས་ཁོངས་ཡིན་པས། ལོ་རྒྱུས་དང་འཐབ་ཇུས་ཀྱི་གོ་གནས་ཧ་ཅང་གལ་ཆེན་པོ་ལྡན་པ་ཞིག་ཡིན། ཆབ་མདོ་ས་ཁུལ་ནི་མཚོ་བོད་མཐོ་སྒང་གི་ལོ་རྒྱུས་ཡུན་རིང་ལྡན་པའི་རིག་གནས་ཀྱི་འབྱུང་ཁུངས་ཡ་གྱལ་ཞིག་ཡིན་ལ། དར་དམར་ཨང་དང་པོ་བསྒྲེངས་པའི་ས་ཁུལ་ཡང་རེད། ས་ཁུལ་ཡོངས་ཀྱི་རྒྱ་ཁྱོན་སྤྱི་ལེ་གྲུ་བཞི་མ་ཁྲི་10.86ཡོད་ཅིང་།  མངའ་ཁོངས་སུ་རི་བོ་མཐོ་ཞིང་གྲོག་རོང་ཟབ་པ་དང་། ས་བབ་རྙོག་འཛིང་ཆེ་བ། ལམ་འཕྲང་ཉེན་ཁ་ཆེ་བ་བཅས་ཡིན་གཤིས། མི་གྲངས་ཧ་ཅང་ཐར་ཐོར་དུ་གནས་ཡོད། >>>