ལོ་གསར་གྱི་ཆུ་ཕུད།
2016-02-01 15:05:00 | རྩོམ་པ་པོ།: | ཡོང་ཁུངས།:
  བོད་མིར་ལོ་གསར་ཚེས་གཅིག་གི་ཞོགས་པ་ངེས་པར་དུ་ཆུ་ཕུད་ལེན་པའི་སྲོལ་ཞིག་ཡོད། དེ་ཡང་ཞོགས་པ་བྱ་སྐད་དང་པོ་ཙམ་ལ། ཁྱིམ་ཚང་གཞན་གྱི་སྔོན་ལ་ཆུ་ཕུད་ཐོབ་པའི་ཆེད། བུད་མེད་གཙོ་བདག་གཅིག་གིས་རྒྱབ་ཏུ་ཆུ་བན་དང་། ལག་ཏུ་ཆང་ཕུད་ཕྱེ་མར་བསང་དང་བཅས་པ་ཁུར་ནས། ཆུ་ཕུད་ལེན་པར་འགྲོ་གི་ཡོད། དེ་ནས་ཆུ་ལེན་སར་འབྱོར་རྗེས། ཐོག་མར་ཆུའི་ལྷ་མོར་གསོལ་བ། ཞེས་བསང་བཏང་ནས་ཇ་ཕུད་ཆང་ཕུད་འབུལ་བ་དང་སྦྲགས་སྨོན་ལམ་འདེབས་པ་དང་། དེ་ནས་ཆུ་ཕུད་བླངས་ཏེ་ཕྱིར་ལྟས་སོགས་གང་ཡང་མེད་པར་ཐད་ཀར་རང་ཁྱིམ་ལ་འགྲོ་གི་ཡོད། ཤོད་སྲོལ་ལ་ཕྱིར་བལྟས་ན། ལོ་གསར་པའི་ཆུ་ཕུད་ཀྱི་"གཡང་"ཕྱི་ལ་ཤོར་གྱི་ཡོད་སྐད་འདུག  དེ་ནས་ནང་དུ་འབྱོར་བའི་རྗེས་སྔོན་ལ་ཆུ་དེ་ནས་ཡོད་ཆབ་འབུལ་བ་དང་། དེ་ནས་འཕྲོས་རྣམས་ཆུ་ཟངས་ནས་བཤུག་སྟེ་ཕུད་ཀྱི་དང་པོར་བརྩི་བ་མ་ཟད། ཆུ་ཕུད་དེར་ཆང་སྐོལ་བསྐོལ་ནས་ཁྱིམ་མི་ཚང་མར་སྒྲོན་ཏེ། ལོ་གསར་དངོས་སུ་འགོ་ཚུགས་པའི་རྟེན་འབྲེལ་མཚོན་པར་བྱེད་ཀྱི་ཡོད།