ཀྲུང་གོ་བོད་ཀྱི་དྲ་བའི་འཕྲིན། ཏང་གི་ཚོགས་ཆེན་བཅོ་བརྒྱད་པ་ཚོགས་ཚུན་བོད་ལྗོངས་ནས་མི་དམངས་ཀྱི་བར་འདུམ་འགན་ནུས་དང་འཛུགས་སྐྱོང་བྱེད་ཤུགས་ཆེ་རུ་བཏང་བ་བརྒྱུད། བང་རིམ་མང་བ་དང་ཁྱབ་ཁོངས་ཆེ་བ། ཅུང་ཚད་དང་ལྡན་པ་བཅས་ཀྱི་དུས་སྐབས་གསར་པའི་མི་དམངས་བར་འདུམ་རྩ་འཛུགས་དྲ་བའི་མ་ལག་རགས་ཙམ་ཞིག་ཆགས་ཟིན་པ་རེད།
མི་དམངས་བར་འདུམ་རྩ་འཛུགས་འཛུགས་སྐྱོང་ལ་དམ་འཛིན་ཡག་པོ་བྱས་ནས་ཤང་གྲོང་རྡལ་དང་ཁྲོམ་གཞུང་། གྲོང་ཚོ་དང་སྡེ་ཁུལ་གྱི་མི་དམངས་བར་འདུམ་ཨུ་ཡོན་ལྷན་ཁང་རྒྱུན་ཆད་མེད་པར་ལེགས་སྒྲིག་དང་འཐུས་སྒོ་ཚང་དུ་བཏང་སྟེ། ལས་རིགས་རང་བཞིན་དང་ཆེད་ལས་རང་བཞིན་གྱི་མི་དམངས་བར་འདུམ་རྩ་འཛུགས་འཛུགས་སྐྱོང་ཧུར་ཐག་བྱས་ནས་ ཁྱོན་ཡོངས་ལ་ཁྱབ་ཐུབ་པ་བྱས་པ་དང་། དེང་སྐབས་ལྗོངས་ཡོངས་སུ་རིམ་ཁག་རིགས་ཁག་གི་མི་དམངས་བར་འདུམ་རྩ་འཛུགས6385ཡོད་པ་དང་མི་དམངས་བར་འདུམ་བ39195ཡོད།
མི་དམངས་བར་འདུམ་རྩ་འཛུགས་ཀྱི་དཔུང་ཁག་འཛུགས་སྐྱོང་ཁྲིམས་ལུགས་ཅན་དང་ཚད་ལྡན་ཅན་དུ་འགྱུར་བའི་འཕེལ་རིམ་ལ་སྐུལ་འདེད་ཧུར་ཐག་བཏང་པ་དང་། དེང་སྐབས་རང་ལྗོངས་ཀྱི་མི་དམངས་བར་འདུམ་གྱི་མཚོན་བྱང་དང་ཐམ་ཀ མཚོན་རྟགས། ཡིག་ཁུག ལས་ཐོ། ཡིག་ཆ་སོགས་སྤྱིར་ན་ཚད་ལྡན་ཅན་དུ་སྐྲུན་རྒྱུའི་བླང་བྱ་དང་འཚམ་པོ་ཡོད། རིམ་ཁག་མི་དམངས་བར་འདུམ་རྩ་འཛུགས་ཀྱིས་འགལ་ཟླ་དང་རྩོད་གཞི་གཞི་རིམ་དུ་སེལ་ཐུབ་པ་བྱས་པ་དང་། ཚོགས་ཆེན་བཅོ་བརྒྱད་པའི་ཚུན་དུ་རིམ་ཁག་རིགས་ཁག་གི་མི་དམངས་བར་འདུམ་རྩ་འཛུགས་ཀྱིས། འགལ་ཟླ་དང་རྩོད་གཞི་ཐེངས12634ཞིབ་བཤེར་བྱས་ནས་འགལ་ཟླ་དང་རྩོད་གཞི1072ཐོན་རྒྱུ་སྔོན་འགོག་བྱས་པ་དང་། རིགས་ཁག་གི་འགལ་ཟླ་དང་རྩོད་གཞིའི་གྱོད་གཞི23760བར་འདུམ་བྱས་པ་དང་གྱོད་གཞི21623བར་འདུམ་ལེགས་གྲུབ་བྱུང་ནས། བར་འདུམ་ལེགས་གྲུབ་བྱུང་ཚད91%ཟིན་པ་རེད། །
