ས་བབ་མཐོ་ཚད་ལ་སྨི4500ཟིན་པའི་བོད་རང་སྐྱོང་ལྗོངས་ནག་ཆུ་གྲོང་ཁྱེར་གསེར་རྙེད་ཆུས་ནི་བོད་ལྗོངས་ཀྱི“སློབ་གྲྭར་བཅའ་སྡོད་སློབ་ཁྲིད་དམག་དཔོན”ཁྱབ་སྤེལ་ཚོད་ལྟ་བྱ་ཡུལ་ཞིག་ཡིན་པ་དང་། ན་ནིང་ཐེམ་ཁུངས་ནག་ཆུ་ནས་ཡིན་པའི་དམག་ཞབས་ཐིམ་པའི་དམག་མི13ལས་གྲུབ་པའི་བོད་ལྗོངས་ཀྱི“སློབ་གྲྭར་བཅའ་སྡོད་སློབ་ཁྲིད་དམག་དཔོན”ཁག་དང་པོ་གྲོང་ཁུལ་གྱི་སློབ་གྲྭ7གྱི་ལས་གནས་སུ་བསྐྱོད།
སློབ་གྲྭའི་ནང་དུ“དམག་ཆས་ཁྲ་ཁྲས”ཁེངས།
ནག་ཆུ་གྲོང་ཁྱེར་གསེར་རྙེད་ཆུས་ཀྱི་སློབ་ཆུང་གསུམ་པར་འཕྲལ་སྡོམ་ནང་སྦྱོང་བྱེད་འགོ་ཚུགས་པ་དང་། སློབ་མ་ཚོས“སློབ་གྲྭར་བཅའ་སྡོད་སློབ་ཁྲིད་དམག་དཔོན”གྱི་མཛུབ་ཁྲིད་འོག་ཏུ་སྐར་མ་གཅིག་ནང་གོ་རིམ་ལྡན་པའི་སྒོ་ནས་བདེ་འཇགས་ཁུལ་དུ་སླེབས་ཐུབ་པ་བྱས་ཡོད།
ཅ་དངོས་བསྡུ་གསོག་རྒྱག་པའི་ཐབས་འདི་ལེགས།
ནག་ཆུ་གྲོང་ཁྱེར་གསེར་རྙེད་ཆུས་ཀྱི་སློབ་འབྲིང་གསུམ་པའི“སློབ་གྲྭར་བཅའ་སྡོད་སློབ་ཁྲིད་དམག་དཔོན”བསྟན་འཛིན་ཉི་མ་དང་མཐར་ཕྱིན་གཉིས་གྱིས་སློབ་མ་ཚོར་ཉལ་ཆས་བསྡུ་སྟངས་སོགས་བསླབ་པ་བརྒྱུད། སློབ་མ་ཚོས་སྐར་མ་ཁ་ཤས་ནང་ཉལ་ཆས་དང་ཅ་ལག་བསྡུ་གསོག་ཡག་པོ་རྒྱག་ཐུབ་ཀྱི་ཡོད།
དམག་ཞབས་ཐིམ་པའི་དམག་མི་རྒྱུན་དུ་སློབ་གྲྭར་བཅའ་སྡོད་བྱས་ཏེ། སློབ་མར་རྒྱུན་གཏན་གྱི་དོ་དམ་དང་སྦྱོང་བརྡར་ནན་པོ་བྱས་པ་བརྒྱུད། སློབ་མ་ཚོའི་རྒྱུད་ལ་འཚོ་བའི་གོམས་གཤིས་ཡག་པོ་འཇགས་པར་མ་ཟད། རྒྱལ་སྲུང་སློབ་གསོ་དང་གཟུགས་པོ་སྦྱོང་བརྡར་བྱེད་པ་དེ་སློབ་མའི་རྒྱུན་གཏན་གྱི་འཚོ་བར་གྱུར་ཡོད་ལ། སློབ་མ་ཚོས་དམག་མིའི་སྤྱོད་ཚུལ་བཟང་པོ་ཚོར་ནས་ཡང་དག་པའི་རིན་ཐང་ལྟ་བ་འཛུགས་ཐུབ་ཡོད།
