གཙང་གསུམ་འབྱུང་ཡུལ་ནས་སྣ་སྦུག་ཕ་ཝང་གི་དངོས་རིགས་གསར་བ་ཞིག་རྙེད།
སྤེལ་དུས 2024-11-05
ཡོང་ཁུངས། འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས།
རྩོམ་པ་པོ།
ཉེ་ལམ། རི་ཆུ་རང་བྱུང་སྲུང་སྐྱོབ་ལྟེ་གནས་དང་ཀོང་ཀྲོའུ་སློབ་ཆེན་ཚེ་སྲོག་ཚན་རིག་སློབ་གླིང་། པེ་ཅིང་སློབ་ཆེན་རང་བྱུང་སྲུང་སྐྱོབ་དང་སྤྱི་ཚོགས་འཕེལ་རྒྱས་ཞིབ་འཇུག་ལྟེ་གནས་སོགས་ཚན་ཞིབ་ལས་ཁུངས་ཀྱིས་གཙང་གསུམ་འབྱུང་ཡུལ་ས་ཁུལ་དུ་ཡོད་པའི་མཚོ་སྔོན་ཞིང་ཆེན་ཡུས་ཧྲུའུ་བོད་རིགས་རང་སྐྱོང་ཁུལ་ཡུས་ཧྲུའུ་གྲོང་ཁྱེར་ནས་ཕ་ཝང་ཚན་པའི་སྣ་སྦུག་ཕ་ཝང་ཁོངས་ཀྱི་དངོས་རིགས་གསར་བ་ཞིག་རྙེད་ཅིང་། མིང་ལ་ཡུས་ཧྲུའུ་སྣ་སྦུག་ཕ་ཝང་ཞེས་བཏགས་པ་རེད།
ཡུས་ཧྲུའུ་སྣ་སྦུག་ཕ་ཝང་གསར་རྙེད་བྱུང་མཁན་ཏེ། པེ་ཅིང་སློབ་ཆེན་གྱི་འབུམ་རམས་པ་དང་རི་ཆུ་རང་བྱུང་སྲུང་སྐྱོབ་ལྟེ་གནས་ཀྱི་ཚན་རིག་བློ་འདྲི་ས་ཧན་ཞུའེ་སུང་གིས་བཤད་པ་ལྟར་ན། སྣ་སྦུག་ཕ་ཝང་ནི་སྡོང་བོའི་ཐོག་ཏུ་ཚང་འཆའ་བའི་ཕ་ཝང་གི་རིགས་ཤིག་ཡིན་ཞིང་། ཕ་ཝང་ཚན་པའི་རིགས་ཁྱུ་ཆེན་པོ་ཨང་གཉིས་པ་ཡིན་ལ། གཙོ་བོ་ཡ་གླིང་དང་རྒྱ་མཚོ་ཆེན་མོའི་གླིང་གི་དྲོ་ཞིང་རླན་ཆེ་བའི་ནགས་ཁུལ་དུ་ཁྱབ་ཡོད། དེ་དང་བསྡུར་ན། ཡུས་ཧྲུའུ་སྣ་སྦུག་ཕ་ཝང་གསར་རྙེད་བྱུང་ས་ནི་ས་བབ་མཐོ་ལ་གྲང་ངར་ཆེ་བའི་གཙང་གསུམ་འབྱུང་ཡུལ་ཡིན་ཞིང་། རྒྱུ་མཚན་དེའི་དབང་གིས་དངོས་རིགས་འདི་གསར་རྙེད་བྱུང་བ་ཡིས་སྣ་སྦུག་ཕ་ཝང་གི་གནས་སྤོ་དང་ཁྱབ་མཆེད། ཐ་ན་མཚོ་འཕགས་མཐོ་བའི་ཐལ་མཐའི་ཁོར་ཡུག་ཏུ་འཕྲོད་བསྟུན་བྱེད་སྟངས་བཅས་ལ་རྒྱུས་ལོན་བྱེད་པར་དོན་སྙིང་གལ་ཆེན་ལྡན།
