དཔྱིད་གསར་མཚན་ཚོཌ་ཀྱི་འཁྲབ་སྦྱོང་ཐེངས་གཉིས་པ་ལེཌ་གྲུབ་བྱུང་བ།
སྤེལ་དུས 2026-01-29
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
རྩོམ་པ་པོ།
ཟླ་1ཚེས་25ཉིན་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་2026ལོའི་དཔྱིད་གསར་དུས་ཆེན་གྱི་མཉམ་སྤྲོའི་མཚན་ཚོགས་ཀྱི་འཁྲབ་སྦྱོང་ཐེངས་གཉིས་པ་བདེ་བླག་ངང་ལེགས་གྲུབ་བྱུང་བ་དང་། ལེ་ཚན་ཧྲིལ་པོའི་ལས་རིམ་འབྲེལ་ཆགས་ལ། སྣེ་མཐུད་གོ་རིམ་ལྡན་པ་ཞིག་བྱུང་ཡོད་ཅིང་། འཁྲབ་ཁྲིད་ཚོ་ཆུང་གིས་ཞིབ་ཆ་ཁག་ལ་ཞུན་བརྡར་གཟབ་ནན་བྱས་པ་དང་། གསར་རྩོམ་རྩོམ་སྒྲིག་ཟམ་མི་ཆད་པར་འཐུས་སྒོ་ཚང་དུ་བཏང་ནས། བཀྲ་ཤིས་སྤྲོ་སྣང་གིས་ཕྱུག་པའི་མཉམ་སྤྲོའི་རྣམ་པས་ཁེངས་པར་བྱས་ཡོད། མཚན་ཚོགས་ཀྱི་ཉམས་འགྱུར་མཚོན་ཐབས་ཞིབ་ཚགས་ལ་མི་སེམས་འགུལ་བ་ཞིག་ཡོད་པ་དང་། ལོ་གསར་གྱི་རྣམ་པ་ཟབ་མོ་ངམ་ངམ་ཤུགས་ཤུགས་སུ་སྦྱིན་ཞིང་། ཁྱིམ་མི་དགའ་འཛོམས་ཀྱི་བཀྲ་ཤིས་པའི་རྣམ་པ་དང་དྲོ་སྐྱིད་ཀྱིས་རྣམ་པས་ཁེངས་ཡོད།
དཔྱིད་གསར་མཚན་ཚོགས་ཀྱི་གར་སྟེགས་ལས་ཁྱིམ་ཚང་ཁྲི་སྟོང་མང་པོའི་དྲོ་སྐྱིད་ལྡན་པའི་འཚོ་བ་མཚོན་པ་དང་། གསར་རྩོམ་གླུ་གཞས་ལས་ཁྱིམ་མིའི་དབར་གྱི་ལྷད་མེད་ཀྱི་བརྩེ་བ་མཚོན་པ། སྐྱེ་བོ་ཕལ་པའི་འགྱུར་མེད་ཀྱི་བརྟན་སྲུང་ཐོག་ནས་མཉམ་འཛོམས་ཀྱི་སྐལ་བ་བཟང་པོར་གཅེས་འཛིན་བྱེད་པར་བསྟོད་གླུ་ཕུལ་བ། དབྱངས་འགྲོས་སྙན་མོས་དཀའ་ཚེགས་ཁྲོད་འབད་འབུངས་གནང་བཞིན་པའི་མི་རྣམས་ལ་རྣ་བའི་གསོལ་སྟོན་ཅིག་བཤམས་ཡོད།
དཔྱིད་གསར་མཚན་ཚོགས་ཀྱིས་མཛེས་སྡུག་ལྡན་པའི་འཚོ་བར་བསྟོད་གླུ་ཕུལ་ཡོད་པ་དང་། ཡར་ངོའི་ཟླ་ལྟར་འཕེལ་བའི་རླབས་ཆེ་བའི་དུས་རབས་ལ་གླུ་དབྱངས་བླངས་ཡོད། ཞིང་པ་ཚོས་ལོ་ལེགས་ཀྱི་འབྲས་བཟང་བསྣམས་ནས་དཔྱིད་གསར་གྱི་གར་སྟེགས་ཐོག་ཕེབས་པ་དང་། ལྗིད་ཏིག་ཏིག་གི་འབྲས་བུའི་སིལ་ར་དང་། སེར་མདོག་གི་སྙེ་མ། དམར་མདངས་བཀྲ་བའི་སུར་པན་བཅས་ལས་རྒྱ་ཡིག་“丰”གྲུབ་པ་དང་། དེ་ནི་ལོ་ལེགས་བྱུང་བའི་དོན་ཡིན་ཞིང་། བང་མཛོད་འབྲུ་ཡིས་བྱུ་བུར་གཏམས་པའི་གདིང་ཤུགས་མཚོན་པར་བྱས་ཡོད། ལྷ་སྒྲུང་དང་མི་རིགས་ཀྱི་རྒྱུ་ཆ་མཉམ་འདྲེས་ཀྱི་གླུ་གཞས་རི་ཆུའི་གསུང་རབ་ཞེས་པ་ལས་རྟ་ལོའི་གསོན་ཤུགས་མངོན་པ་དང་། ཀྲུང་ཧྭ་མི་རིགས་ཁྱིམ་ཚང་ཆེན་མོའི་བུ་ཕྲུག་ཚོ་ལག་གདང་སྦྲེལ་བ་དང་ལྷད་མེད་ཀྱི་བྱིས་གླུ་སྙན་མོས་འབྱུང་འགྱུར་གྱི་རེ་བ་མཚོན་པར་བྱས་ཡོད། ད་དུང་ས་ཁྱབ་རྡོ་ཁྱབ་ཏུ་སོང་བའི་ཐའེ་ཝན་གྱི་གྲགས་ཅན་གླུ་གཞས་ཀྱིས་མཚོ་འགག་གཡས་གཡོན་གཉིས་ཀྱི་སྤུན་ཟླའི་ཐུན་མོང་གི་དྲན་འཆར་ལ་འབོད་སྐུལ་བྱས་ཡོད།
སྤྱི་ཁྱབ་ལས་ཁུངས་ཀྱི་དཔྱིད་གསར་མཚན་ཚོགས་ཀྱི་འཁྲབ་ཁྲིད་ཚོགས་ཆུང་གིས་ལེ་ཚན་བཀོད་སྒྲིག་དང་། ལག་རྩལ་མཉམ་འདྲེས། གར་སྟེགས་ཀྱི་མཚོན་ཚུལ་ལ་སོགས་པའི་ཐད་དང་དོད་ཆེན་པོ་བྱས་ཡོད་ཅིང་། ང་ཚོའི་འཚོ་བ་དང་བར་ཐག་ཉེ་བ་དང་དྲོ་སྐྱིད་ཀྱི་གཏམ་རྒྱུད་བརྗོད་པའི་“མི་དམངས་ཀྱི་དཔྱིད་གསར་མཚན་ཚོགས་”ཤིག་གཉེར་རྒྱུའི་ཆེད་འབད་བརྩོན་བྱེད་བཞིན་མཆིས། དེའི་དོན་གོ་ལ་ཧྲིལ་པོའི་ཀྲུང་གོ་བ་ཡོངས་དང་ཕྱི་རྒྱལ་གྱི་གྲོགས་པོ་ཚོ་དང་ལྷན་དུ་ལུགས་རྙིང་ལོའི་ལོ་གསར་གནམ་གང་གི་དགོང་མོའི་སྣ་མང་ཕུན་སུམ་ཚོགས་ཤིང་སྐྱེ་སྟོབས་ཀྱི་གསོན་ཤུགས་རབ་ཏུ་རྒྱས་པའི་རྟ་ལོའི་དཔྱིད་གསར་མཚན་ཚོགས་ཤིག་ལ་རེ་སྒུག་ཞུའོ། །
