ཀྲུང་གོའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་འཐུས་མི། ཀྲུང་གོའི་གློག་འཕྲུལ་སྒྲིག་ཆས་ཚོགས་པའི་སྤྱི་གཉེར་བ་གཞོན་པ་ཀྲང་ཧྥན་ནི་ལོ་མང་རིང་བཟོ་ལས་ཚན་རྩལ་གསར་གཏོད་ཀྱི་མདུན་གྲལ་དུ་གཞི་ཚུགས་ཡོད། ལས་འགན་སྒྲུབ་རིང་། ཀྲང་ཧྥན་གྱིས་མདུན་གྲལ་དུ་ཟབ་ཞུགས་བྱས་ནས་བརྟག་དཔྱད་ཞིབ་འཇུག་བྱས་པ་བརྒྱུད། “AI+བཟོ་སྐྲུན་”གྱི་ལམ་ལུགས་མངོན་འགྱུར་བྱེད་དགོས་ན། རྒྱལ་ཁབ་ཀྱི་ཆུ་ཚད་ནས་ཇུས་འགོད་ཆེན་མོ་དང་ལས་རིགས་ཀྱི་མཛུབ་སྟོན་ལ་ཤུགས་སྣོན་རྒྱག་དགོས་པའི་འདོད་ཚུལ་འཛིན་གྱིན་ཡོད། 2025ལོར། ཀྲང་ཧྥན་གྱིས་《བཟོ་སྐྲུན་ལས་རིགས་དང་AIཟུང་འབྲེལ་གཏིང་ཟབ་དང་སྤུས་ཚད་མཐོ་བའི་གསར་གཏོད་འཕེལ་རྒྱས་མགྱོགས་སུ་གཏོང་རྒྱུའི་སྐོར་གྱི་གྲོས་འགོ་》ཞེས་པ་བཏོན་ནས། ལག་རྩལ་ཀྱི་གནད་ཀ་དང་གཞི་གྲངས་མི་འདང་བ་སོགས་པའི་ཚད་བཀག་གི་རྒྱུ་རྐྱེན་ལ་ཐད་ཀར་ཁ་གཏད་པའི་ལམ་ལུགས་ཀྱི་གྲོས་འགོ་བཏོན་ཡོད།
2025ལོའི་རྒྱལ་ཡོངས་ཚོགས་ཀྱི་འདུ་གཉིས་ཀྱི་རྗེས་སུ། ཀྲང་ཧྥན་གྱི་གྲོས་འགོ་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ལྟ་སྐུལ་གཙོ་གནད་ཀྱི་གྲོས་འགོ་རུ་བཀོད་པ་དང་། བཟོ་ལས་དང་ཆ་འཕྲིན་ཅན་པུའུ་སོགས་སྡེ་ཁག་གིས་གཟིགས་མཐོང་ཧ་ཅང་ཆེན་པོར་གནང་བ་མ་ཟད། གོང་འཕེལ་ངོ་མའང་བྱུང་ཡོད། 2026ལོའི་ཟླ་དང་པོར། བཟོ་ལས་དང་ཆ་འཕྲིན་ཅན་པུའུ་སོགས་སྡེ་ཁག་8གྱིས་ཕྱི་ཕྱོགས་སུ་《AI+བཟོ་སྐྲུན་”ལས་འགན་ཆེད་མཁས་ཀྱི་ལག་བསྟར་བསམ་འཆར་》ཞེས་པ་ཁྱབ་བསྒྲགས་བྱས། བསམ་འཆར་དེས་ལས་རིགས་ཀྱི་དབྱེ་བ་དང་མཛུབ་སྟོན། རྒྱལ་ཁབ་ཀྱི་གསར་གཏོད་སྟེགས་བུ་འཛུགས་སྐྲུན། ནུས་པ་འདོན་སྤྲོད་ཞབས་ཞུ་ཚོང་པ་གསོ་སྐྱོང་། ཤེས་ལྡན་པ་གསོ་སྐྱོང་སོགས་ཀྱི་ཐད་ལ་ལམ་ལུགས་བཀོད་སྒྲིག་བྱས་ཏེ། ཀྲང་ཧྥན་གྱི་ལས་འགན་སྒྲུབ་པའི་གྲོས་འགོར་ལན་ཕན་ནུས་ལྡན་བཏབ་པས། ཁོང་ལ་སེམས་འགུལ་ཆེན་པོ་ཐེབས་ཡོད།
ཀྲང་ཧྥན་གྱིས་བཤད་དོན། ཁོང་གིས་“གཞི་གྲངས་མཉམ་སྤྱོད”ཅེས་པའི་བཟོ་སྐྲུན་ལས་རིགས་ཀྱི་AIའཕེལ་རྒྱས་ཀྱི་འགག་རྩའི་གནད་ཀ་འདིར་རྒྱུན་མཐུད་ལྟ་ཞིབ་བྱེད་རྒྱུ་ཡིན། ཀྲང་ཧྥན་གྱི་མིག་རྒྱང་ཁེ་ལས་ཁོ་ན་མ་ཡིན་པར། ཁོང་གིས་མགོ་ཁྲིད་ཁེ་ལས་ཀྱིས་ཐོན་ལས་སྦྲེལ་མཐུད་བརྒྱུད་རིམ་ཡོངས་ལ་སྐུལ་འདེད་ཇི་ལྟར་བཏང་ནས། ལས་རིགས་བསྒྱུར་བའི་ཉམས་མྱོང་ཁེ་ལས་ཆུང་འབྲིང་མང་པོར་ཕན་པ་དང་། “AI+བཟོ་སྐྲུན་”གྱི་ལམ་བུ་ཇེ་ཡངས་ནས་ཇེ་ཡངས་དང་དངོས་དོན་དུ་བསྒྱུར་བར་དོ་སྣང་ཆེན་པོ་བྱེད་ཀྱི་ཡོད།
རྩོམ་སྒྲིག་པ། རིག་གྲོལ།
