རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར5%འཕར་བ།
གྲོང་ཁྱེར་དང་གྲོང་རྡལ་གྱི་ལས་ཞུགས་མི་གྲངས་ཁྲི1267གསར་དུ་འཕར་སྣོན་བྱུང་བ།
འབྲུ་རིགས་ཐོན་འབབ་རྒྱ་མ་དུང་ཕྱུར་ཁྲི1.43ཟིན་པ།
ནུས་རྒྱུ་གསར་པའི་རླངས་འཁོར་ཐོན་སྐྱེད་བྱེད་ཚད་ཁྲི1600ལས་བརྒལ་བ།
འདས་པའི་ལོ5ཡི་རིང་ལ།
རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་ལོ་རེར་ཆ་སྙོམས5.4%འཕར་བ།
བཟོ་སྐྲུན་ལས་རིགས་ཀྱི་འཕར་ཐང་གི་གཞི་ཁྱོན་ལོ16བསྟུད་མར་གོ་ལ་ཧྲིལ་པོའི་ཨང་དང་པོ་ཡིན་པ།
གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ལོ་རེར5.4%འཕར་བ།
རིམ་རྩིས་བརྒྱབ་ན་གྲོང་ཁྱེར་དང་གྲོང་རྡལ་དུ་མི་གྲངས་ཁྲི6000ལྷག་ཙམ་ལས་ཞུགས་འཕར་སྣོན་བྱུང་བ།
གཉིས་པ། “ལོ་ལྔ་ཚན་བཅོ་ལྔ་པའི”རིང་གི་དམིགས་ཚད་གཙོ་བོ་དང་ལས་འགན་གལ་ཆེན།
རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་འཕར་ཚད་ལུགས་དང་མཐུན་པའི་མཚམས་སུ་གནས་པར་བྱ་རྒྱུ།
སྤྱི་ཚོགས་ཡོངས་ཀྱི་ཞིབ་འཇུག་གསར་སྤེལ་གྱི་འགྲོ་གྲོན་གཏོང་ཚད་ལོ་རེར་ཆ་སྙོམས7%ཡན་འཕར་བར་བྱ་རྒྱུ།
རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་གྱི་དབྱང་གཉིས་ཐཱན་འགྱུར་འབུད་ཚད་རིམ་རྩིས་བརྒྱབ་ན17%ཆག་པར་བྱ་རྒྱུ།
གྲངས་འཛིན་དཔལ་འབྱོར་གྱི་ལྟེ་བའི་ཐོན་ལས་ཀྱི་འཕར་ཐང་གིས་རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་གྱི་བསྡུར་ཚད12.5%ཟིན་པ་བྱ་རྒྱུ།
ངལ་རྩོལ་ལོ་ཚོད་ལ་སླེབས་པའི་མི་འབོར་གྱི་སློབ་གསོའི་ལོ་ཚད་ཆ་སྙོམས་ལོ11.7བར་རིང་དུ་གཏོང་རྒྱུ།
མིའི་སྔོན་དཔག་ཚེ་ཚད་ཆ་སྙོམས་ལོ80བར་རིང་དུ་འགྲོ་ཐུབ་པ་བྱ་རྒྱུ།
འབྲུ་རིགས་ཕྱོགས་བསྡུས་ཐོན་སྐྱེད་བྱེད་ནུས་རྒྱ་མ་དུང་ཕྱུར་ཁྲི1.45ཡས་མས་ཟིན་པ་བྱ་རྒྱུ།
ནུས་རྒྱུའི་ཕྱོགས་བསྡུས་ཐོན་སྐྱེད་བྱེད་ནུས་ཀྱི་ཚད་ལྡན་རྡོ་སོལ་ཏུན་དུང་ཕྱུར58ཀྱི་ཚད་ལ་སླེབས་པ་བྱ་རྒྱུ།
གསུམ་པ། 2026ལོའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱིའི་བླང་བྱ་དང་སྲིད་ཇུས་འཛིན་ཕྱོགས།
དཔལ་འབྱོར4.5%ནས5%བར་འཕར་བར་བྱ་རྒྱུ།
གྲོང་ཁྱེར་དང་གྲོང་རྡལ་དུ་མི་ཁྲི1200ཡན་གསར་དུ་ལས་ཞུགས་ཐུབ་པ་བྱ་རྒྱུ།
གྲོང་མིའི་འཛད་སྤྱོད་རིན་གོང2%ཡས་མས་འཕར་བར་བྱ་རྒྱུ།
འབྲུ་རིགས་ཐོན་འབབ་རྒྱ་མ་དུང་ཕྱུར་ཁྲི1.4ཡས་མས་ཟིན་པར་བྱ་རྒྱུ།
རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་གྱི་དབྱང་གཉིས་ཐཱན་འགྱུར་འབུད་ཚད3.8%ཙམ་ཆག་པར་བྱ་རྒྱུ།
ནོར་སྲིད་མཚལ་ཡིག4%ཡས་མས་བཀོད་སྒྲིག་བྱ་རྒྱུ་དང་། ནོར་སྲིད་མཚལ་ཡིག་གི་གཞི་ཁྱོན་ལོ་གོང་མ་ལས་སྒོར་དུང་ཕྱུར2300འཕར་བ་བྱ་རྒྱུ།
སྤྱིར་བཏང་གི་སྤྱི་པའི་སྔོན་རྩིས་གཏོང་སྒོ་ཐེངས་དང་པོར་སྒོར་དུང་ཕྱུར་ཁྲི30ཟིན་པ་བྱ་རྒྱུ།
དུས་ཡུན་ཆེས་རིང་བའི་དམིགས་བསལ་རྒྱལ་བུན་སྒོར་དུང་ཕྱུར་ཁྲི1.3གཏོང་རྩིས་ཡོད་པ།
ས་གནས་སྲིད་གཞུང་གི་ཆེད་དོན་བུན་ལོར་སྒོར་དུང་ཕྱུར་ཁྲི4.4གཏོང་རྩིས་ཡོད་པ།
བཞི། 2026ལོའི་ལས་འགན་ཁག་གཅིག
འབབ་འཕར། གྲོང་ཁྱེར་དང་གྲོང་གསེབ་ཀྱི་གྲོང་མིའི་འབབ་འཕར་ལ་འཆར་གཞི་བཟོས་ནས་ལག་ལེན་བསྟར་ཏེ། ཡོང་འབབ་དམའ་བའི་ཚོགས་སྤྱིའི་འབབ་འཕར་ལ་སྐུལ་འདེད་གཏོང་བ་དང་། གྲོང་མིའི་རྒྱུ་ནོར་རང་བཞིན་གྱི་ཡོང་འབབ་མང་དུ་བཏང་སྟེ་གླ་ཆ་དང་སྤྱི་ཚོགས་འགན་བཅོལ་ལམ་ལུགས་འཐུས་སྒོ་ཚང་དུ་གཏོང་བར་དངོས་སྒྲུབ་ཀྱི་བྱེད་ཐབས་ཁག་གཅིག་འདོན་རྒྱུ།
འཛད་སྤྱོད། དུས་ཡུན་ཆེས་རིང་བའི་དམིགས་བསལ་རྒྱལ་བུན་སྒོར་དུང་ཕྱུར2500བཏང་ནས་འཛད་སྤྱོད་དངོས་རྫས་ཀྱི་རྙིང་ཚབ་གསར་བརྗེར་རྒྱབ་སྐྱོར་བྱ་རྒྱུ།
མ་འཇོག ཀྲུང་དབྱང་གི་སྔོན་རྩིས་ནས་མ་དངུལ་སྒོར་དུང་ཕྱུར7550དང་དུས་ཡུན་ཆེས་རིང་བའི་དམིགས་བསལ་རྒྱལ་བུན་སྒོར་དུང་ཕྱུར8000བཏང་སྟེ“གཙོ་གལ་གཉིས”ཀྱི་འཛུགས་སྐྲུན་ལ་སྤྱོད་རྒྱུ།
ཐོན་སྐྱེད་ནུས་ཤུགས་གསར་མ། འདུས་གྲུབ་གློག་ལམ་དང་། མཁའ་འགྲུལ་དང་འཇིག་རྟེན་འཕུར་སྐྱོད། སྐྱེ་དངོས་སྨན་རྫས། དམའ་དབྱིངས་དཔལ་འབྱོར་སོགས་གསར་དར་ཀ་རྟེན་ཐོན་ལས་གཏོད་རྒྱུ་དང་། འབྱུང་འགྱུར་ནུས་རྒྱུ་དང་། ཚད་རྡུལ་ཚན་རྩལ། 6Gསོགས་འབྱུང་འགྱུར་ཐོན་ལས་སྐྱེད་སྲིང་དང་འཕེལ་རྒྱས་གཏོང་རྒྱུ། “མི་ཐབས་རིག་ནུས+”རྒྱ་སྐྱེད་གཏིང་ཟབ་གཏོང་རྒྱུ།
རྒྱལ་ཡོངས་ཀྱི་གཅིག་གྱུར་ཁྲོམ་ར་ཆེ་མོ། ཐོན་ནུས་སྙོམས་སྒྲིག་དང་། ཚད་གཞིའི་སྣེ་ཁྲིད། རིན་གོང་ཁྲིམས་སྒྱུར། སྤུས་ཚད་ལྟ་འདོམས་སོགས་ཀྱི་བྱ་ཐབས་ཕྱོགས་བསྡུས་སྤྱད་དེ“ནང་འདྲིལ་རྣམ་པའི”འགྲན་རྩོད་བཅོས་སྒྲིག་གཏིང་ཟབ་བྱ་རྒྱུ།
སྒོ་དབྱེ། རིན་འཕར་གློག་འཕྲིན་དང་། སྐྱེ་དངོས་ལག་རྩལ། ཕྱི་རྒྱལ་ཚོང་པའི་མ་རྩ་ཁེར་འཇོག་སྨན་ཁང་སོགས་ཁྱབ་ཁོངས་ཀྱི་སྒོ་དབྱེ་ཚོད་ལྟ་སྔར་བས་རྒྱ་ཆེར་གཏོང་རྒྱུ།
གྲོང་གསེབ་ཕྱོགས་ཡོངས་ནས་དར་རྒྱས། རེས་སྐོར་གཉིས་པའི་ས་ཞིང་འགན་གཙང་གི་དུས་ཚད་ཐིམ་རྗེས་སླར་ཡང་ཞིང་ཆེན་ཧྲིལ་པོར་ལོ30ནར་འགྱངས་ཀྱི་ཚོད་ལྟའི་ལས་དོན་སྤེལ་རྒྱུ་དང་། རྒྱལ་ཡོངས་ཀྱི་ཞིང་ལས་ཡོངས་ཁྱབ་ཞིབ་བཤེར་ཐེངས་བཞི་པ་བྱ་རྒྱུ།
གྲོང་ཁྱེར་དང་གྲོང་རྡལ་ཅན་གསར་པ། ཚན་རིག་དང་མཐུན་ཞིང་གོ་རིམ་ལྡན་པའི་སྒོ་ནས་གྲོང་ཁུལ་དུ་ལས་ཀ་བྱེད་མཁན་ཞིང་པ་གྲོང་མི་ཅན་དུ་འགྱུར་ཚད་ལ་སྐུལ་འདེད་གཏོང་བ་དང་། ཡུལ་བབ་དང་བསྟུན་ནས་ཁོ་ཚོའི་ཕྲུ་གུ་ལས་ཀ་བྱ་ཡུལ་དུ་འབྲིང་རྒྱུགས་ལ་ཞུགས་པའི་ཐོ་འགོད་ཀྱི་ཆ་རྐྱེན་ལྷུག་ཏུ་གཏོང་རྒྱུ།
ལས་ཞུགས། ལས་ཞུགས་མཛའ་མཐུན་རྣམ་པའི་འཕེལ་རྒྱས་གཏོང་སྟངས་འཛུགས་རྒྱུ་དང་། ལས་གནས་བརྟན་པོ་དང་། ལས་ཞུགས་མང་དུ་གཏོང་བ། སྤུས་ཚད་མཐོར་གཏོང་བཅས་ཀྱི་བྱ་སྤྱོད་ལག་ལེན་བསྟར་རྒྱུ།
སློབ་གསོ། སློབ་ཡོན་མི་དགོས་པའི་སློབ་ཞུགས་གོང་གི་སློབ་གསོའི་སྲིད་ཇུས་འཐུས་སྒོ་ཚང་དུ་གཏོང་རྒྱུ་དང་མཐོ་འབྲིང་དཀྱུས་མའི་སློབ་གནས་མང་དུ་གཏོང་རྒྱུ།
སྨན་བཅོས་འཕྲོད་བསྟེན། གྲོང་མིའི་སྨན་བཅོས་འགན་བཅོལ་གྱི་མི་རེའི་ཆ་སྙོམས་ཀྱི་ནོར་སྲིད་ཁ་གསབ་ཚད་གཞི་སྒོར24སྤོར་རྒྱུ།
སྤྱི་ཚོགས་འགན་སྲུང་། གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་རྒན་གསོའི་དངུལ་གྱི་ཟླ་རེའི་ཚད་གཞི་དམའ་ཤོས་ཀྱི་རྨང་གཞིའི་ཐོག་སླར་ཡང་སྒོར20སྤོར་རྒྱུ་དང་། ཐོག་མའི་གཉེན་སྒྲིག་དང་ཕྲུ་གུ་དང་པོ་བཙས་པའི་ཁྱིམ་ཚང་གི་སྡོད་ཁང་འགན་ལེན་ལ་ཤུགས་སྣོན་རྒྱག་རྒྱུ། ཕྲུ་གུ་མང་བའི་ཁྱིམ་ཚང་གི་སྡོད་ཁང་ལེགས་གཏོང་གི་དགོས་མཁོར་རྒྱབ་སྐྱོར་བྱ་རྒྱུ།
ལྗང་མདོག་འཕེལ་རྒྱས། རྒྱལ་ཁབ་ཀྱི་ཐཱན་ཉུང་ཕྱོགས་སྒྱུར་ཐེབས་རྩ་བཙུགས་ནས། ཆིང་ནུས་དང་ལྗང་མདོག་འབུད་རྫས་སོགས་འཕར་གཞི་གསར་པ་སྐྱེད་སྲིང་བྱ་རྒྱུ།
ས་ཁང་བདག་ཁོངས། གྲོང་ཁྱེར་དང་བསྟུན་ནས་ཐབས་ཇུས་ལག་ལེན་བསྟར་ཏེ་འཕར་ཚད་ཚོད་འཛིན་དང་། མཛོད་ཉར་འཐེན་འཕྲི། མཁོ་སྤྲོད་ལེགས་གཏོང་བཅས་བྱས་ཏེ་ཐབས་ལམ་མང་པོ་འཚོལ་ཞིབ་ཀྱིས་གསོག་ཐེབས་ཚོང་སྒྱུར་ཁང་པ་བེད་སྤྱོད་ཐུབ་པ་བྱ་རྒྱུ།
