ཞིན་ཧྭ་གསར་འགྱུར་ཁང་གིས་རྩོམ་སྒྲིག་བྱས་པའི《དུས་རབས་གསར་པའི་རྒྱལ་སྐྱོང་སྲིད་གཉེར་གྱི་དངོས་བཤུས་ཟིན་ཐོ》པོད་དང་པོ་དེ་ཉེ་ཆར་ཞིན་ཧྭ་དཔེ་སྐྲུན་ཁང་གིས་རྒྱ་ཡིག་དང་དབྱིན་ཡིག་གི་ཐོག་ནས་པར་སྐྲུན་བྱས་ཏེ་རྒྱལ་ཁབ་ཕྱི་ནང་དུ་འགྲེམ་སྤེལ་བྱས།
ཏང་གི་ཚོགས་ཆེན་བཅོ་བརྒྱད་པའི་ཚུན་དུ། བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གིས་རླབས་ཆེན་གྱི་ལོ་རྒྱུས་ཀྱི་རང་འགུལ་སྙིང་སྟོབས་དང་། ཆབ་སྲིད་ཀྱི་བློ་སྟོབས་ཆེན་པོ། འགན་འཁྲི་ཁག་ཁུར་དྲག་པོ་བཅས་ལ་བརྟེན་ནས། ཏང་དང་རྒྱལ་ཁབ་ཀྱི་བྱ་གཞག་ལ་ལོ་རྒྱུས་རང་བཞིན་གྱི་གྲུབ་འབྲས་བླངས་པ་དང་། ལོ་རྒྱུས་རང་བཞིན་གྱི་འཕོ་འགྱུར་ཡོང་བར་སྐུལ་འདེད་བཏང་ཡོད། དུས་རབས་གསར་པའི་རླབས་ཆེན་གྱི་ལག་ལེན་ཁྲོད། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དེ་དང་བསྟུན་ནས་འཕེལ་འགྱུར་བྱུང་བ་དང་། ཀྲུང་གོའི་ལུགས་ཀྱི་དེང་རབས་ཅན་གྱི་ཐོག་ནས་རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་རླབས་ཆེན་བྱ་གཞག་ལ་ཕྱོགས་ཡོངས་ནས་སྐུལ་འདེད་གཏོང་བར་ཚན་རིག་དང་མཐུན་པའི་བྱ་སྤྱོད་ཀྱི་ཕྱོགས་སྟོན་འདོན་སྤྲོད་བྱས་ཡོད།
འཕེལ་རིམ་དེའི་ཁྲོད། ཞིན་ཧྭ་གསར་འགྱུར་ཁང་གི་གསར་འགོད་པས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྒྱལ་སྐྱོང་སྲིད་གཉེར་གྱི་གཏིང་ཟབ་པའི་བསམ་བློ་དང་། རྒྱས་སྤྲོས་ཆེ་བའི་ལག་ལེན། བརྩེ་དུང་ཟབ་མོ། འོད་སྟོང་འཕྲོ་བའི་གྲུབ་འབྲས་བཅས་མཚོན་པའི་གསར་འགྱུར་གྱི་ཟིན་ཐོ་འབོར་ཆེན་ཞིག་བྲིས་ཡོད། 《དུས་རབས་གསར་པའི་རྒྱལ་སྐྱོང་སྲིད་གཉེར་གྱི་དངོས་བཤུས་ཟིན་ཐོའི》པོད་དང་པོའི་ནང་། ཞིན་ཧྭ་གསར་འགྱུར་ཁང་གི་འཕྲིན་རིང26དང་དེ་བཞིན་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསར་འགྱུར་པར་རིས41བསྡུས་ཡོད་ལ། དེས་པར་ཡིག་ཉིས་ལྡན་གྱི་སྒོ་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མིག་རྒྱང་རིང་པོས་ཀྲུང་གོ་བསྐྱར་དར་ཕྱོགས་སུ་སྣེ་ཁྲིད་བྱེད་པའི་སྤྱིར་བཏང་མིན་པའི་བརྒྱུད་རིམ་མངོན་པ་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་བདེན་དོན་སྟོབས་ཤུགས་དང་ལག་ལེན་གྱི་སྟོབས་ཤུགས་ཆེན་པོ་གསོན་ཉམས་དོད་པོས་མངོན་པར་བྱས་ཡོད།
ཚེས24ཉིན་གོ་ལ་ཧྲིལ་པོའི་བཅོས་སྐྱོང་བགྲོ་གླེང་ཚོགས་འདུ་དང《དུས་རབས་གསར་པའི་རྒྱལ་སྐྱོང་སྲིད་གཉེར་གྱི་དངོས་བཤུས་ཟིན་ཐོའི》དབྱིན་ཡིག་པར་གཞི་བསྒྲིགས་པའི་ཡོངས་བསྒྲགས་ཚོགས་འདུ་སུའེ་ཙེར་རི་ནེ་ཝར་འཚོགས་པ་རེད། ཚོགས་ཞུགས་སྐུ་མགྲོན་གྱིས་དུས་རབས་གསར་པའི་ཀྲུང་གོས་བཅོས་སྐྱོང་ཁྱབ་ཁོངས་སུ་འཚོལ་ཞིབ་དང་བསམ་གཞིག་བྱེད་པར་ཚད་མཐོའི་ཁས་ལེན་བྱས་པ་དང་། གོ་ལ་ཧྲིལ་པོའི་བཅོས་སྐྱོང་ཁྱབ་ཁོངས་སུ་ཀྲུང་གོ་ཕྱོགས་དང་སྤེལ་རེས་དང་མཉམ་ལས་མུ་མཐུད་དུ་གཏིང་ཟབ་ཏུ་གཏོང་འདོད་ཡོད་པར་བསྟན།
རྩོམ་སྒྲིག་པ། རིག་གྲོལ།
