རྒྱལ་ཡོངས་ཀྱི་ཚོགས་འདུ་གཉིས་ཀྱི་ཚོགས་འདུ་གྲོལ་ནས་ལོག་རེ་བཞིན། རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་14པའི་འཐུས་མི། ཞིན་ཅང་ཞིན་ཡོན་རྫོང་ཞའོ་ཨེར་བུའུ་ལཱ་ཁེ་གྲོང་རྡལ་ཁི་རེ་ཀི་ཐ་སི་གྲོང་ཚོའི་གྲོང་མི་མུ་ཧྲ་ཅང་· ཧའེ་ལ་ཐི་ཡིས། ཐོག་མར་ཚོགས་འདུ་གཉིས་ཀྱི་དགོངས་དོན་དང་དམངས་ཕན་སྲིད་ཇུས་རྣམས་གྲོང་མི་སྤུན་མཆེད་ཚོར་བརྒྱུད་བསྒྲགས་བྱེད་ཀྱི་ཡོད། མུ་ཧྲ་ཅང་སློབ་འབྲིང་གི་སློབ་མཐར་ཕྱིན་རྗེས། ལྕགས་བཟོ་བ་དང་གློག་འགུག་བཟོ་པ་སོགས་སྦྱངས་མྱོང་ཤིང་། དཀའ་ངལ་ཁྱད་བསད་ཀྱི་སྙིང་སྟོབས་ལ་བརྟེན་ནས། རང་ཁྱིམ་གྱི་འཚོ་བ་ལེགས་སུ་ཕྱིན་པ་མ་ཟད། འབྱོར་ཕྱུག་གི་ཉམས་མྱོང་སྤྱི་བསྒྲགས་བྱས་ཏེ། གྲོང་ཚོའི་གྲོང་མི་ཚོར་གློག་འགུག་ལག་རྩལ་རིན་མེད་བསླབས་པ་དང་། ཁོང་ཚོར་གློག་འགུག་བཟོ་ཁང་འཛུགས་རྒྱུར་རོགས་རམ་བྱས་ཏེ། མཐའ་འཁོར་གྱི་མང་ཚོགས་ཚོར་ཡོང་འབབ་འཕར་མ་ཡོང་རྒྱུར་སྐུལ་འདེད་བཏང་ཡོང་པ་རེད།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིར་བདམས་རྗེས། མུ་ཧྲ་ཅང་གིས་རང་ཉིད་ཀྱི་ཕྲག་སྟེང་གི་འགན་འཁྲི་ལྕི་དོན་ཤེས་ཚོར་བྱུང་བས། རྒྱུན་དུ་གྲོང་ཚོའི་ལམ་ཁ་དང་ཞིང་ཁའི་ནང་འགྲོ་བ་དང་། གྲོང་མི་སྤུན་མཆེད་ཚོ་དང་གླེང་མོལ་བྱེད་པ། མང་ཚོགས་ཀྱི་དཀའ་ངལ་དང་རེ་བ་ཉན་པ་དང་། རེ་འདུན་རེ་རེ་བཞིན་ཞིབ་པར་བཀོད་དེ། གནད་ལ་འཚམ་ཞིང་ལག་ལེན་དུ་བསྟར་ཐུབ་པའི་གྲོས་འགོ་འདོན་གྱིན་ཡོད། གྲོང་མི་ཚོས་སྟོན་པའི་ཞིང་ཁར་ཆུ་འདྲེན་མི་བདེ་བ་དང་། ལམ་བུ་འགྲོ་བསྐྱོད་ལ་བཀག་འགོག་ཐེབས་པ་སོགས་ཀྱི་གནད་དོན་ལ་དམིགས་ཏེ། མུ་ཧྲ་ཅང་གིས་བརྟག་དཔྱད་བྱས་རྗེས། ཞའོ་ཨེར་བུའུ་ལཱ་ཁེ་ཆུ་ལུང་ཁུལ་དུ་ཚད་མཐོའི་ཞིང་ཁ་འཛུགས་སྐྲུན་བྱེད་རྒྱུའི་གྲོས་འགོ་བཏོན། ཁོང་གི་ཧུར་ཐག་སྐུལ་འདེད་འོག ས་གནས་དེར་ཚད་མཐོའི་ཞིང་ཁ་འཛུགས་སྐྲུན་ལས་གཞི་ལེགས་འགྲུབ་བྱུང་བ་དང་། ཆུ་ཐིགས་འདྲེན་པའི་སྒྲིག་ཆས་ཁྱབ་སྤེལ་བྱས་པ་དེས་ཞིང་པ་ཚོར་ཞིང་ལས་བྱེད་རྒྱུར་སེམས་ཁྲལ་ཉུང་དུ་ཕྱིན་པ་དང་། ཡོང་འབབ་འཕར་མར་འགན་ལེན་ཆེན་པོ་བྱུང་། མུ་ཧྲ་ཅང་གིས་གྲོང་གསེབ་ཀྱི་སྤུས་ཚད་མཐོ་བའི་འཕེལ་རྒྱས་ལ་དམིགས་ཏེ། ཞིན་ཡོན་ན་ར་ཐི་གནམ་གྲུ་འབབ་ཐང་རྒྱས་སྐྲུན་དང་། རྫོང་ཁོངས་ལམ་བུ་གོང་འཕེལ། ས་མཐོའི་སྐྱེ་ཁམས་སྲུང་སྐྱོབ་སོགས་ཀྱི་གྲོས་འགོ་མང་པོ་བཏོན་ཏེ། གྲོང་གསེབ་འཕེལ་རྒྱས་ཀྱི་ལམ་བུ་རྒྱ་སྐྱེད་གཏོང་བ་དང་། མང་ཚོགས་ཀྱི་བདེ་སྐྱིད་མཚོན་གྲངས་མཐོ་རུ་གཏོང་རྒྱུར་རམ་འདེགས་ནུས་ལྡན་བྱས་ཡོད།
དཀའ་སྤྱད་འབད་བརྩོན་བརྒྱུད་ནས་འབྱོག་ཕྱུག་ཏུ་འགྱུར་བའི་སྣེ་ཁྲིད་པ་ནས་གྲོང་མི་སྤུན་མཆེད་ཚོའི་ཆེད་དུ་སྐད་ཆ་ཤོད་མཁན་གྱི་མི་དམངས་འཐུས་ཚོགས་ཀྱི་འཐུས་མིའི་བར་དུ། མུ་ཧྲ་ཅང་།· ཧའེ་ལ་ཐི་ནི་རྒྱུན་དུ་གྲོང་གསེབ་ལ་གཞི་ཚུགས་ཏེ། སེམས་ནང་གྲོང་མི་སྤུན་མཆེད་ཚོ་བསམ་བཞིན་པར་འགན་འཁྲི་ལེགས་པར་སྒྲུབ་པ་དང་། གྲོང་མི་སྤུན་མཆེད་ཚོའི་ཆེད་དུ་དམིགས་ཕན་ལས་དོན་སྒྲུབ་པ་དང་དཀའ་ངལ་སེལ་གྱིན་ཡོད་པ་རེད། ཁོང་གིས་ཚོགས་འདུ་གཉིས་ཀྱི་དགོངས་དོན་རྨང་རིམ་དུ་ལག་བསྟར་བྱས་ཏེ། གྲོང་མི་སྤུན་མཆེད་ཚོའི་འཚོ་བ་ཉིན་རེ་བཞིན་ལེགས་སུ་གཏོང་བར་འབད་བརྩོན་བྱེད་བཞིན་ཡོད།
རྩོམ་སྒྲིག་པ། རིག་གྲོལ།
