བོད་རང་སྐྱོང་ལྗོངས་ཀྱི་འཐུས་མི་དང་ཨུ་ཡོན་ཚོ་པེ་ཅིང་དུ་ཕེབས་འབྱོར་ཟིན་འདུག
སྤེལ་དུས 2024-03-05
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
དེ་རིང་ཕྱི་དྲོར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གཉིས་པར་ཞུགས་མཁན་བོད་རང་སྐྱོང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་དང་། རྒྱལ་ཡོངས་སྲིད་གྲོས་སྐབས་བཅུ་བཞི་པའི་ཚོགས་འདུ་ཐེངས་གཉིས་པར་ཞུགས་མཁན་བོད་སྡོད་རྒྱལ་ཡོངས་སྲིད་གྲོས་ཀྱི་ཨུ་ཡོན་རྣམས་རྒྱལ་ས་པེ་ཅིང་དུ་ཕེབས་འབྱོར་ཟིན་པ་རེད།
ཚོགས་འདུ་མ་འཚོགས་གོང་། འཐུས་མི་དང་ཨུ་ཡོན་རྣམས་ཀྱིས“དོན་ཆེན་བཞི”དང་། “འཛུགས་གཏོད་བཞི” དམངས་འཚོའི་གནད་དོན་བཅས་ལ་དམིགས་ནས་བརྟག་དཔྱད་ཞིབ་འཇུག་བྱས་པ་དང་། མི་དམངས་མང་ཚོགས་ཀྱི་བསམ་འཆར་དང་གྲོས་འགོ་རྒྱ་ཁྱབ་ཏུ་བསྡུ་ལེན་བྱས་ཏེ། འགན་འཁྲི་གཙང་སྒྲུབ་དང་སྲིད་གླེང་ཇུས་འདོན་བྱེད་པར་གྲ་སྒྲིག་གང་ལེགས་བྱས་ཡོད་པ་རེད།
འཐུས་མི་དང་ཨུ་ཡོན་ཚོས་འགན་འཁྲི་འཁུར་སེམས་ཆེན་པོར་བརྟེན་ནས་ཚོགས་འདུར་ཞུགས་ཏེ་སྤུས་ཚད་མཐོ་བའི་བོད་ཀྱི“སྐད་སྒྲ་ཡག་པོ”བརྒྱུད་སྤྲོད་བྱས་ནས། བོད་ལྗོངས་ཡོངས་ཀྱི་མི་དམངས་ཀྱི་ཡིད་ཆེས་དང་མངགས་བཅོལ་ཟབ་མོར་ངོ་གནོང་མི་དགོས་པ་བྱེད་ཀྱི་ཡིན་ཞེས་གཅིག་རྗེས་གཉིས་མཐུད་ངང་བརྗོད་པ་རེད།
