བོད་བཞུགས་རྒྱལ་ཡོངས་སྲིད་གྲོས་ཀྱི་ཨུ་ཡོན་ཚོ་ཚོགས་ཆེན་ལ་ཞུགས་པ།

       ཚེས3ཉིན་གྱི་ཕྱི་དྲོའི་ཆུ་ཚོད3པར། རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་གསུམ་པ་པེ་ཅིང་དུ་གཟབ་རྒྱས་ངང་འགོ་ཚུགས་པ་རེད།

       བོད་ལྗོངས་ཀྱི་མི་རིགས་ཁག་གི་མི་དམངས་ཀྱི་མངགས་བཅོལ་ཟབ་མོ་དང་འདས་ཟིན་པའི་ལོ་གཅིག་གི་ལས་འགན་སྒྲུབ་པའི་གྲུབ་འབྲས་འཁུར་ནས། བོད་ལྗོངས་ཀྱི་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་ལས་རིགས་ཁག34ནས་ཡོང་བའི་རྒྱལ་ཡོངས་སྲིད་གྲོས་ཀྱི་ཨུ་ཡོན2100ལྷག་མཉམ་དུ་འགོ་ཚུགས་ཚོགས་འདུར་ཞུགས། 

       ཚོགས་འདུའི་གྲོས་རིམ་གཞིར་བཟུང་། རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་གསུམ་པ་ཟླ3པའི་ཚེས4ཉིན་གྱི་ཕྱི་དྲོའི་ཆུ་ཚོད3པར་མི་དམངས་ཚོགས་ཁང་ཆེན་མོར་འགོ་ཚུགས་པ་དང་། ཟླ3པའི་ཚེས10ཉིན་གྱི་སྔ་དྲོར་མཇུག་འགྲིལ་རྒྱུ་རེད། ཨུ་ཡོན་ཚོས། གཤམ་གྱི་ཚོགས་ཡུན་ཉིན6རིང་མངགས་བཅོལ་ཟབ་མོ་ཆུད་ཟོས་སུ་མི་གཏོང་བ་དང་ལས་འགན་ནན་ཏན་ངང་བསྒྲུབས་ནས། འབད་བརྩོན་ཆེན་པོས་སྲིད་འདོན་ཇུས་འབུལ་བྱེད་པ་དང་། སྲིད་ཞུགས་སྲིད་གླེང་དང་རྒྱལ་དོན་མཉམ་གླེང་བྱེད་པའི་ཁྲོད་བོད་ལྗོངས་ཀྱི་བློ་གྲོས་དང་སྟོབས་ཤུགས་ལེགས་སྐྱེས་སུ་འབུལ་བ། རྒྱལ་ཁབ་སྟོབས་ཆེན་འཛུགས་སྐྲུན་དང་མི་རིགས་བསྐྱར་དར་ཆེད་སྟོབས་ཤུགས་ཆེན་པོ་གཅིག་སྡུད་བཅས་བྱས་ཏེ་ཀྲུང་གོའི་རྣམ་པའི་དེང་རབས་ཅན་གྱི་མཛེས་སྡུག་ལྡན་པའི་ལེའུ་ཐུན་མོང་ཐོག་འབྲི་རྒྱུ་ཡིན་ཞེས་གསུངས་པ་རེད།