ཀྲུང་གོའི་བོད་ལྗོངས་དྲ་བ། > ཆེད་སྒྲིག > 2025ལོའི་ཚོགས་ཆེན་གཉིས་ཀྱི་ཆེ་སྒྲིག། > མི་དམངས་འཐུས་ཚོགས།

མི་དམངས་འཐུས་ཚོགས་ཀྱི་མགྲིན་ཚབ་པས་ཨ་རིས་སྒོ་ཁྲལ་ཁ་སྣོན་ལ་ལན་སློག

སྤེལ་དུས 2025-03-05 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ།
            རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་གྲོས་ཚོགས་ཐེངས་གསུམ་པ་ཟླ3པའི་ཚེས4ཉིན་གྱི་ཆུ་ཚོད12པར་མི་དམངས་ཚོགས་ཁང་ཆེན་མོའི་གསར་འགྱུར་ཡོངས་བསྒྲགས་ཐིང་གི་གསར་འགྱུར་ཡོངས་བསྒྲགས་ཚོགས་འདུ་ནས་འཚོགས་ཤིང་། ཚོགས་ཆེན་གྱི་མགྲིན་ཚབ་པ་ལོའུ་ཆིན་ཅན་གྱིས་ཚོགས་ཆེན་གྱི་གྲོས་རིམ་དང་མི་དམངས་འཐུས་ཚོགས་ཀྱི་ལས་དོན་དང་འབྲེལ་བ་ཡོད་པའི་གནད་དོན་ཐད་ཀྲུང་གོ་དང་ཕྱི་རྒྱལ་གྱི་གསར་འགོད་པའི་དྲི་བར་ལན་བརྒྱབ།
            ལོའུ་ཆིན་ཅན་གྱིས། ཀྲུང་གོ་དང་ཨ་རིའི་ཚོང་དོན་དཔལ་འབྱོར་གྱི་འབྲེལ་བའི་ངོ་བོ་ནི་གཉིས་ཕན་གཉིས་ཁེ་ཡིན་ཞིང་། རྒྱལ་ཁབ་གཉིས་ཀྱིས་ཕྱི་འབྲེལ་བཙུགས་ནས་ལོ46སོང་བའི་རིང་། ཀྲུང་ཨའི་ཉོ་ཚོང་གྲངས་ཀྱི་གྲངས་འབོར་ལྡབ200ལྷག་འཕར་བ་དང་། ཕྱོགས་གཉིས་ཀྱི་མ་འཇོག་གསོག་འབོར་ནི་ཨ་སྒོར་དུང་ཕྱུར2500ཙམ་ཟིན་པས། སོ་སོའི་མི་དམངས་ལ་དངོས་ཡོད་ཀྱི་ཁེ་ཕན་བསྐྲུན་པར་མ་ཟད། གོ་ལ་ཧྲིལ་པོའི་དཔལ་འབྱོར་འཕེལ་རྒྱས་ལའང་སྐུལ་འདེད་ནུས་ལྡན་བཏང་ཡོད། ཨ་རིས་ཕྱོགས་རྐྱང་པའི་སྒོ་ནས་དཔྱ་ཁྲལ་ཁ་སྣོན་བྱེད་སྟངས་དེས། འཛམ་གླིང་ཚོང་དོན་རྩ་འཛུགས་ཀྱི་སྒྲིག་སྲོལ་ལས་འགལ་ཡོད་ལ། གོ་ལ་ཧྲིལ་པོའི་ཐོན་ལས་མུ་སྦྲེལ་དང་མཁོ་སྤྲོད་མུ་སྦྲེལ་གྱི་འཁོར་བརྟན་བདེ་འཇགས་ལའང་འགོག་རྐྱེན་བཟོས་ཡོད། ཨ་རི་ཕྱོགས་ཀྱིས་ཀྲུང་གོའི་ཕྱོགས་དང་མདུན་གཅིག་ཏུ་མཉམ་སྐྱོད་དང་། འདྲ་མཉམ་གྲོས་མོལ་བྱས་པ་བརྒྱུད་གནད་དོན་ཐག་གཅོད་བྱེད་ཐབས་འཚོལ་རྒྱུའི་རེ་བ་ཡོད་ཅེས་གསུངས།
            ལོའུ་ཆིན་ཅན་གྱིས། རྒྱལ་ཁབ་དང་རྒྱལ་ཁབ་དབར་གྱི་ཚོང་དོན་གྱིས་འཛམ་གླིང་ཚོང་དོན་རྩ་འཛུགས་ཀྱི་སྒྲིག་སྲོལ་ལ་བརྩི་སྲུང་ཞུ་དགོས་པ་དང་། ཚོང་དོན་རྩོད་གཞི་ནི་འཛམ་གླིང་ཚོང་དོན་རྩ་འཛུགས་ཀྱི་སྒྲོམ་གཞིའི་ནང་དུ་ཐག་གཅོད་བྱེད་དགོས། ཨ་རི་ཕྱོགས་ཀྱིས་ཕྱོགས་རྐྱང་པའི་སྒོ་ནས་དཔྱ་ཁྲལ་ཁ་སྣོན་བྱེད་སྟངས་དེས་འཛམ་གླིང་ཚོང་དོན་རྩ་འཛུགས་ཀྱི་སྒྲིག་སྲོལ་ལས་འགལ་ཡོད་ལ། གོ་ལ་ཧྲིལ་པོའི་ཐོན་ལས་མུ་སྦྲེལ་དང་མཁོ་སྤྲོད་མུ་སྦྲེལ་གྱི་འཁོར་བརྟན་བདེ་འཇགས་ལའང་འགོག་རྐྱེན་བཟོས་ཡོད། ཨ་རི་ཕྱོགས་ཀྱིས་ཀྲུང་གོའི་ཕྱོགས་དང་མདུན་གཅིག་ཏུ་མཉམ་སྐྱོད་དང་། འདྲ་མཉམ་གྲོས་མོལ་བྱས་པ་བརྒྱུད་གནད་དོན་ཐག་གཅོད་བྱེད་ཐབས་འཚོལ་རྒྱུའི་རེ་བ་ཡོད་པར་མ་ཟད། ཀྲུང་གོ་ཕྱོགས་ཀྱིས་ཀྱང་འཛམ་གླིང་གི་རྒྱལ་ཁབ་ཁག་དང་མཉམ་འབྲེལ་བྱེད་ཤུགས་ཆེ་རུ་བཏང་ནས་ལས་སླ་པོར་བྱུང་བ་མིན་པའི་ཕྱོགས་མང་ཉོ་ཚོང་སྒྲིག་སྲོལ་ལ་ཐུན་མོང་ཐོག་སྲུང་སྐྱོང་དང་། ཕྱོགས་རྐྱང་རིང་ལུགས་དང་སྲུང་སྐྱོང་རིང་ལུགས་ལ་ངོ་རྒོལ་བྱས་ཏེ་ཀུན་ཕན་བསྟུན་མཁས་ཀྱི་དཔལ་འབྱོར་གོ་ལ་ཧྲིལ་པོ་ཅན་དུ་འགྱུར་བར་མཉམ་དུ་སྐུལ་འདེད་གཏོང་འདོད་ཡོད་ཅེས་གསུངས།