ཀྲུང་གོའི་བོད་ལྗོངས་དྲ་བ། > ཆེད་སྒྲིག > 2025ལོའི་ཚོགས་ཆེན་གཉིས་ཀྱི་ཆེ་སྒྲིག། > མི་དམངས་འཐུས་ཚོགས།

གཞུང་འཁྱོངས་གསར་འབྱེད་འགན་འཁྲི་འཁུར། དངོས་སྒྲུབ་དོན་གཉེར་འཆར་གཞི་འགོད།

སྤེལ་དུས 2025-03-06 ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། རྩོམ་པ་པོ།
མི་དམངས་ཚོགས་ཁང་ཆེ་མོའི་ཚོགས་ར་ཡིན་པ།
བོད་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིས་སྤོབས་སེམས་ཆེར་སྐྱེད་ངང་མི་དམངས་ཚོགས་ཁང་ཆེ་མོར་བསྐྱོད་བཞིན་པ།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ནོར་བུ་གཡང་འཛོམས(གཡས)ཀྱིས་བཞུགས་གནས་སུ་འཐུས་མི་འཆི་བདེ(གཡོན)ལ་ཕ་ཡུལ་གྱི་ཁྱད་ལྡན་ཐོན་ཟོག་ངོ་སྤྲོད་གནང་བཞིན་པ།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིས་ཚོགས་འདུའི་བར་གསེང་དུ་གྲོས་ཞིབ་ཀྱི་ནང་དོན་སྤེལ་རེས་གནང་བཞིན་པ།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་བཀྲ་ཤིས་རྒྱལ་མཚན་གྱིས་ཚོགས་འདུར་ཞུགས་སྐབས་ཀྱི་གཟབ་སྤྲོས་གྲ་སྒྲིག་གནང་བཞིན་པ།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ཉི་མས་སྨྱན་སྦྱོར་གྱི་བཅར་འདྲི་དང་ལེན་གནང་བཞིན་པ།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་སྐལ་བཟང་སྒྲོལ་མས་སྨྱན་སྦྱོར་གྱི་བཅར་འདྲི་དང་ལེན་གནང་བཞིན་པ།
རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིས་སྲིད་གཞུང་གི་ལས་དོན་སྙན་སྒྲོན་གསན་རྗེས། ཡིད་ཆེས་ཀྱིས་ཁེངས་བཞིན་མི་དམངས་ཚོགས་ཁང་ཆེ་མོ་ནས་ཕྱིར་ཐོན་བཞིན་པ།
       ཟླ་3ཚེས་5ཉིན་གྱི་སྔ་དྲོར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གསུམ་པ་པེ་ཅིང་མི་དམངས་ཚོགས་ཁང་ཆེ་མོར་འགོ་ཚུགས་ཤིང་། ལྗོངས་ཡོངས་ཀྱི་མི་རིགས་ཁག་གི་མང་ཚོགས་ཁྲི་360ལྷག་ཙམ་གྱི་ཡིད་ཆེས་དང་མངགས་བཅོལ་ཟབ་མོ་ཡིད་ལ་བཅངས་པའི་རང་ལྗོངས་ཀྱི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ཚོས་སྤོབས་སེམས་ཆེན་པོས་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་3000ལྷག་ཙམ་དང་ལྷན་དུ་འཛོམས་ཏེ། “ལོ་ལྔ་ཚན་བཅུ་བཞི་པར”རྒྱལ་ཁ་མཐའ་གཅིག་ཏུ་ལེན་ཆེད་ཐབས་འདོན་ཇུས་འབུལ་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་ཆེད་སེམས་ནུས་གཅིག་ཏུ་བསྒྲིལ་ཡོད།
       མི་དམངས་འཐུས་ཚོགས་ཀྱི་འཐུས་མི་ཚོས་སྤྱི་ཚོགས་ཀྱི་གནས་ཚུལ་དང་། དམངས་ཀྱི་འདོད་ཚུལ། དངོས་མཐོང་བདེན་རྟོགས་བཅས་ཐུགས་ལ་འཆང་བ་དང་། ཡིད་ཆེས་རབ་འཕེལ། བློ་བདེ་བག་ཕེབས་བཅས་ཀྱི་སྒོ་ནས་ཚོགས་རར་ཕེབས་ཏེ་སྙན་སྒྲོན་གསན་པ་དང་། བློ་རྩེ་གཅིག་སྒྲིམ། ལས་འགན་གཙང་སྒྲུབ་བཅས་གནང་བཞིན་ཡོད། འགོ་ཚུགས་ཚོགས་འདུ་མཇུག་འགྲིལ་རྗེས། མི་དམངས་འཐུས་ཚོགས་ཀྱི་འཐུས་མིས་སྤོབས་སེམས་ཆེར་སྐྱེད་ངང་ཚོགས་ར་ནས་ཕྱིར་ཕེབས་པ་དང་། གཏམ་བཤད་ཁྲོད་ནས་སྤྲོ་སྣང་དང་། ཡིད་ཆེས། ངར་ཤུགས་བཅས་ངང་གིས་མངོན་ཡོད།
       ད་ལོ་ནི“ལོ་ལྔ་ཚན་བཅུ་བཞི་པའི”འཆར་གཞི་མཇུག་འགྲིལ་བའི་ལོ་དང་། བོད་རང་སྐྱོང་ལྗོངས་དབུ་བརྙེས་ནས་ལོ་60འཁོར་བའི་ལོ། བོད་རང་སྐྱོང་ལྗོངས་མི་དམངས་འཐུས་ཚོགས་དབུ་བརྙེས་ནས་ལོ་60འཁོར་བའི་ལོ་བཅས་ཡིན་ལ། འགག་རྩའི་ལོ་འདིར་འགག་རྩའི་ཐབས་ཇུས་འདོན་པ་དང་འགག་རྩའི་བྱས་རྗེས་འཇོག་པའི་དུས་ཤིག་ཀྱང་ཡིན། འཐུས་མི་ཚོས་ཏང་དང་རྒྱལ་ཁབ་ཀྱི་ལས་དོན་སྤྱི་ཡོངས་ལ་དམ་པོར་དམིགས་ནས་ཁྲིམས་ལྟར་འགན་འཁྲི་སྒྲུབ་པ་དང་འགན་འཁྲི་ཁུར་ནས་མི་དམངས་མང་ཚོགས་ལ་འབྲེལ་བ་བྱེད་པའི་ཏང་དང་རྒྱལ་ཁབ་ཀྱི་སྦྲེལ་ཟམ་ཡག་པོ་ཞིག་བྱས་ཏེ་དངོས་སྒྲུབ་གོ་ཆོད་ཀྱི་འཆར་འགོད་མང་ཙམ་འགོད་རྒྱུ་མ་ཟད། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་བྱེད་པའི་བརྗིད་ཆེའི་རྒྱང་ལམ་ཐོག་སྐྱོད་སྐབས་ང་ཚོར་འཕྲད་པའི་གོ་སྐབས་སྔར་བྱུང་མྱོང་མེད་ལ་ང་ཚོའི་ཡིད་ཆེས་ཀྱང་སྔར་བས་བརྟན་པས། ང་ཚོས་མི་དམངས་འཐུས་མི་ཚོགས་ཆེན་གྱི་ལམ་ལུགས་གཡོ་འགུལ་སྤུ་ཙམ་ཡང་མི་གཏོང་བར་མཐའ་འཁྱོངས་ཡག་པོ་དང་། དུས་བསྟུན་མདུན་སྐྱོད་ངང་འཐུས་སྒོ་ཚང་དུ་གཏོང་བ། གཞུང་འཁྱོངས་གསར་འབྱེད་ཀྱིས་འཁོར་རྒྱུག་ཡག་པོ་ཡོང་བ་བཅས་བྱས་ཏེ“དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་སྣོན་བརྒྱབ་སྟེ་མཐུན་སྒྲིལ་རྡོག་རྩ་གཅིག་སྒྲིལ་དང་། འབད་འབུངས་ཡར་བརྩོན་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་བོད་ལྗོངས་ཀྱི་ལེའུ་གསར་པ་རྩོམ་ཆེད་བློ་གྲོས་དང་སྟོབས་ཤུགས་གཅིག་ཏུ་བསྒྲིལ་གྱི་ཡིན་ཞེས་གཅིག་རྗེས་གཉིས་མཐུད་ངང་གསུངས།