2026ལོའི་རྒྱལ་ཡོངས་ཚོགས་ཆེན་གཉིས་འགོ་ཚུགས་གྲབས་ཡོད། ཟླ་བ་3ཚེས་4ཉིན་གྱི་ཚོགས་ཆེན་གཉིས་ཀྱི་གྲོས་རིམ་ནི།
སྐབས་བཅུ་བཞི་པའི་རྒྱལ་ཡོངས་མི་དམངས་འཐུས་ཚོགས་ཀྱི་གྲོས་ཚོགས་ཐེངས་བཞི་པའི་གསར་འགྱུར་ཡོངས་བསྒྲགས་ཚོགས་འདུ་ཆུ་ཚོད་12ཐོག་འཚོགས་རྒྱུ།
སྐབས་བཅུ་བཞི་པའི་རྒྱལ་ཡོངས་མི་དམངས་འཐུས་ཚོགས་ཀྱི་གྲོས་ཚོགས་ཐེངས་བཞི་པས་དེ་རིང་ཆུ་ཚོད་12ཐོག་མི་དམངས་ཚོགས་ཁང་ཆེན་མོའི་གསར་འགྱུར་ཡོངས་བསྒྲགས་ཁང་དུ་གསར་འགྱུར་ཡོངས་བསྒྲགས་འཚོགས་རྒྱུ། ཚོགས་ཆེན་གྱི་མགྲིན་ཚབ་པས་ཚོགས་ཆེན་གྱི་གྲོས་རིམ་དང་མི་དམངས་འཐུས་མི་ཚོགས་ཆེན་གྱི་ལས་ཀའི་འབྲེལ་ཡོད་གནད་དོན་ཐད་ཀྲུང་གོ་དང་ཕྱི་རྒྱལ་གྱི་གསར་འགོད་པའི་དྲི་བར་ལན་འདེབས་རྒྱུ་རེད།
ཨུ་ཡོན་བགྲོད་ལམ་གྱི་མཉམ་སྡེབ་བཅར་འདྲི་ཐེངས་དང་པོ་ཆུ་ཚོད་14པར་འཚོགས་རྒྱུ།
ཨུ་ཡོན་བགྲོད་ལམ་གྱི་མཉམ་སྡེབ་བཅར་འདྲི་ཐེངས་དང་པོ་དེ་རིང་ཕྱི་དྲོའི་ཆུ་ཚོད་2པར་རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་འགོ་ཚུགས་ཚོགས་འདུ་མ་འཚོགས་གོང་འཚོགས་རྒྱུ་རེད། སྐབས་དེ་དུས་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཁོངས་གཏོགས་ཀྱི་བརྙན་ལམ་དང་འཕྲིན་ལམ་མང་པོ་བརྒྱུད་དེ་ཡུལ་དངོས་ནས་ཐད་གཏོང་བྱ་རྒྱུ་རེད།
རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་བཞི་པ་ཆུ་ཚོད་15ཐོག་འགོ་འཛུགས་རྒྱུ།
རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་བཞི་པ་དེ་རིང་ཕྱི་དྲོའི་ཆུ་ཚོད་3པར་མི་དམངས་ཚོགས་ཁང་ཆེན་མོར་འགོ་འཛུགས་རྒྱུ་དང་། ཟླ་བ་3ཚེས་11ཉིན་གྱི་སྔ་དྲོར་མཇུག་འགྲིལ་རྒྱུ། ཚོགས་ཡུན་ཉིན་7ཡིན།
ཚོགས་ཆེན་ཚོགས་རིང་འགོ་ཚུགས་ཚོགས་འདུ་དང་། མཇུག་སྒྲིལ་ཚོགས་འདུ། དེ་བཞིན་ཚོགས་ཆེན་གྱི་གཏམ་བཤད་ཐེངས་གཉིས་བཅས་གཉེར་རྒྱུ་རེད། ཨུ་ཡོན་བཅའ་སྡོད་བྱ་ཡུལ་ཁག་ཏུ་ཁག་སོ་སོས་རིགས་ཁོངས་ཚོགས་ཆུང་གི་ཚོགས་འདུ་ཐེངས་མང་འཚོགས་རྒྱུ་དང་། རིགས་ཁོངས་ཁག་གཅིག་གིས་ད་དུང་རིགས་ཁོངས་ཀྱི་གྲོས་མོལ་ཚོགས་འདུ་འཚོགས་རྒྱུ་རེད། གཞན་ཡང་། ཚོགས་ཆེན་གྱིས་ཨུ་ཡོན་བགྲོད་ལམ་གྱི་བཅར་འདྲིའི་བྱེད་སྒོ་ཐེངས་གསུམ་གཉེར་རྒྱུ་རེད།
རྩོམ་སྒྲིག་པ། སྣང་རྡོར།
