བོད་ལྗོངས་ཀྱིས་བོད་ཀྱི་ལས་དོན་སྐོར་གྱི་ཀྲུང་དབྱང་གི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སློབ་སྦྱོང་གཏིང་ཟབ་བྱས།
སྤེལ་དུས 2020-09-28
ཡོང་ཁུངས། བོད་ལྗོངས་འཕྲིན་དྲ།
རྩོམ་པ་པོ།
ཉེ་དུས། བོད་རང་སྐྱོང་ལྗོངས་སྲིད་གཞུང་ཏང་ཙུའི་ཧྲུའུ་ཅི། བོད་རང་སྐྱོང་ལྗོངས་ཀྱི་ཀྲུའུ་ཞི་ཆེ་དགྲ་ལྷས་རང་སྐྱོང་ལྗོངས་མི་དམངས་སྲིད་གཞུང་ཏང་ཙུའི་རིག་གཞུང་སློབ་སྦྱོང་ལྟེ་བའི་ཚོགས་ཆུང་གི་སློབ་སྦྱོང་ཚོགས་འདུ་འཚོགས་གནང་ནས། བོད་ཀྱི་ལས་དོན་སྐོར་གྱི་ཀྲུང་དབྱང་གི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་དང་། ལྷག་པར་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་པར་གཅིག་སྡུད་སློབ་སྦྱོང་གནང་བ་རེད།
བོད་རང་སྐྱོང་ལྗོངས་སྲིད་གཞུང་གི་དབུ་ཁྲིད་ཀྲོང་ཡན་དང་ནོར་བུ་དོན་གྲུབ། ཅང་ཅེ། རྡོ་རྗེ་ཚེ་སྒྲུབ། རྒྱལ་མཚན་སོགས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་པ་དང་དམ་པོར་བསྟུན་པ་དང་། བསམ་བློ་དང་ལས་ཀའི་དོན་དངོས་དང་ཟུང་འབྲེལ་དམ་ཟབ་བྱས་ནས། ངོས་འཛིན་དང་མྱོང་ཚོར། དོན་འཁྱོལ་བྱེད་ཐབས་བཅས་གླེང་གནང་བ་རེད།
ཆེ་དགྲ་ལྷ་ནས་སློབ་སྦྱོང་དང་དྲིལ་བསྒྲགས། ལག་བསྟར་བཅས་ཀྱི་ལས་དོན་གཏིང་ཟབ་སྤེལ་རྒྱུར་སྐུལ་འདེད་ཏན་ཏིག་བཏང་སྟེ། བོད་ཀྱི་ལས་དོན་སྐོར་གྱི་ཀྲུང་དབྱང་གི་འཐབ་ཇུས་བཀོད་སྒྲིག་དོན་འཁྱོལ་ཇི་མ་ཇི་བཞིན་དུ་བྱེད་པ་དང་ཕན་འབྲས་ཐོན་པ་བྱེད་དགོས་པའི་ནན་གསུངས་གནང་བ་དང་། ཁོང་ནས་རིམ་ཁག་སྲིད་གཞུང་དང་སྲིད་གཞུང་ཏང་ཙུའུ་ཡིས་ཆབ་སྲིད་དང་། སློབ་སྦྱོང་། དྲིལ་བསྒྲགས། དོན་འཁྱོལ། ཏང་འཛུགས་ལ་ཤུགས་སྣོན་བཅས་ཀྱི་ཐད་མིག་དཔེ་བཏོན་ནས་ཆབ་སྲིད་ཀྱི་ཚད་གཞི་མཐོ་བ་དང་། ཏང་གཤིས་ཀྱི་བླང་བྱ་ནན་པ། རྩ་འཛུགས་ཀྱི་སྒྲིག་ཁྲིམས་རང་བཞིན་ཆེ་བ་བཅས་ཀྱི་ཐོག་ནས་རྣམ་དག་སྤྱོད་གཙང་དང་འགན་འཁུར་དོན་གཉེར་བྱས་ནས། དུས་རབས་གསར་པའི་བོད་ལྗོངས་ཡུན་རིང་བདེ་འཁོད་དང་སྤུས་ལེགས་གོང་འཕེལ་གྱི་ལེའུ་གསར་པ་ཧུར་ཐག་རྩོམ་དགོས་པའི་བླང་བྱ་བཏོན་གནང་བ་རེད། །