ལུས་པོ་བདེ་ཐང་དགོས་ན་རྒྱུན་ཤེས་དེ་རིགས་ཤེས་དགོས་འདུག
སྤེལ་དུས 2019-11-08
ཡོང་ཁུངས། གསོ་རིག་རྒྱུན་ཤེས་འཕྲིན་སྟེགས།
རྩོམ་པ་པོ།
གཅིག མིག་མཐའི་ནག་ཐིག་སེལ་ཐབས། སེང་རས་ནང་ཇ་ལོ་བླུགས་ནས་མིག་ལ་དུས་ཡུན་སྐར་མ་བཅུ་ནས་བཅོ་ལྔ་ཙམ་སྦྱར་རྗེས་ཆུས་བཀྲུས་ན་རིམ་གྱིས་སེལ་ཐུབ།
གཉིས། གཟའ་འཁོར་གཅིག་ལ་སྒོ་ང་བཞི་ལས་མང་བ་བཟའ་མི་རུང་། གལ་ཏེ་དེ་ལས་མང་བ་བཟས་ན་བདེ་ཐང་ལ་ཕན་པ་ཅི་ཡང་མེད།
གསུམ། དུས་ཡུན་རིང་པོ་གློག་ཀླད་དང་ཁ་པར་སོགས་གློག་རྡུལ་ཡོ་ཆས་བེད་སྤྱད་ཚེ་བར་མཚམས་སུ་ངལ་གསོ་རྒྱག་པ་དང་མིག་འཕུར་འཕུར་གཏོང་དགོས།
བཞི། གཉིད་ཉལ་བའི་དུས་ཚོད་ཡག་ཤོས་ནི་དགོང་མོའི་ཆུ་ཚོད་བཅུ་པ་ནས་ཞོགས་པའི་ཆུ་ཚོད་བདུན་པ་བར་རེད། རབ་བྱུང་ན་ཉིན་དགུང་གཉིད་ཕྲན་བུ་ཉལ་ན་ལེགས།
ལྔ། སྲན་ཁུ་འཐུང་དུས་སྒོ་ང་བཟའ་མི་རུང་ལ། དེའི་ནང་དུ་ཀ་ར་ཡང་བླུགས་མི་རུང་།
དྲུག ཞོགས་པ་མལ་ལས་ལངས་རྗེས་ཆུ་ཕོར་པ་གང་འཐུང་ན་མཁྲིས་རྡོ་ཆགས་པར་སྔོན་འགོག་བྱེད་ཐུབ།
བདུན། རྒྱུན་དུ་འོ་ཇ་ཉུང་ཙམ་འཐུང་ན་ལེགས། གང་ལགས་ཞེ་ན་འོ་ཇར་མངར་ཆ་མང་པོ་འདུས་ཡོད་པས། ཁྲག་ཤེད་མཐོ་བའི་ནད་ལ་གནོད་ཀྱི་ཡོད།
བརྒྱད། ཉིན་རེར་ཀོག་ཧྥེ་ཕོར་པ་གཉིས་ཡན་བཏུངས་མི་རུང་། མང་པོ་འཐུང་ན་གཉིད་མི་ཁུག་པ་མ་ཟད་ཁོག་པ་ཡང་བདེ་པོ་ཡོང་མི་སྲིད།
དགུ། ཚིལ་སྣུམ་གྱི་འདུས་ཚད་མང་བའི་ཟས་རིགས་ཉུང་ཙམ་བཟས་ན་ལེགས། གང་ལགས་ཞེ་ན་ཕོ་བས་ཟས་དེ་རིགས་འཇུ་བར་ཆུ་ཚོད་ལྔ་ནས་བདུན་ཙམ་འགོར་གྱི་ཡོད། མ་ཟད་ཚིལ་སྣུམ་གྱི་འདུས་ཚད་མང་བའི་ཟས་རིགས་མང་པོ་བཟས་ན་ཕོ་བར་སྐྲན་ནད་སླེབས་ངེས།
བཅུ། ཆང་མང་པོ་འཐུང་ན་གཟུགས་པོའི་སྟེང་གི་ཕྲ་ཕུང་མང་པོར་ཤུགས་རྐྱེན་ཐེབས་ནས་འབུ་ཕྲའི་ནད་སྐྱེས་ངེས། མ་ཟད་ཆང་མང་པོ་འཐུང་ན་མཆིན་པ་སྲ་འགྱུར་གྱི་ནད་འབྱུང་སླ་པོ་ཡོད།
བཅུ་གཅིག སྐྲ་བུད་པའི་རྒྱུ་མཚན་ནི་མཚན་འཁྱོངས་པ་དང་། གནོན་ཤུགས་ཆེ་བ། ཐ་མག་འཐེན་པ། ཆང་རག་འཐུང་བ། ཚིལ་སྣུམ་འདུས་ཚད་མང་བའི་ཟས་རིགས་བཟས་དྲགས་པ་སོགས་ཡིན། སྲན་རིགས་དང་སྔོ་ཚལ་རིགས་མང་ཙམ་བཟས་ན་སྐྲ་སྐྱེ་བར་ཕན།
བཅུ་གཉིས། ཟླ་མཚན་འབབ་པ་དང་མངལ་འཁོར་བ། ཕྲུ་གུ་བཙའ་རན་པ། ཕྲུ་གུ་བཙས་མ་ཐག་པ་བཅས་ཀྱི་སྐབས་སུ་བུད་མེད་ཚོས་ཇ་གར་པོ་བཏུང་མི་ཉན།
རྩོམ་སྒྲིག་པ།སྣང་རྡོར།