ཟླ3པའི་ཚེས17ཉིན། རིག་གནས་དང་ཡུལ་སྐོར་པུའུ་ཡིས་ཁག་དྲུག་པའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པའི་མིང་ཐོ་ཡོངས་བསྒྲགས་བྱས་པ་དང་། ཁྱོན་མི942མིང་ཐོ་དེའི་ནང་ཚུད་ཡོད། སི་ཁྲོན་དུ་ཁྱོན་མི48བདམས་ཐོན་བྱུང་བ་དང་དེའི་ཁྲོད་དཀར་མཛེས་ཁུལ་གྱི་མི8ཚུད་ཡོད། མིག་སྔའི་བར། སི་ཁྲོན་དུ་ཁྱོན་མི153རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པའི་མིང་ཐོའི་ནང་ཚུད་ཡོད།
སྲོལ་རྒྱུན་ཞབས་བྲོའི་རིགས་ཀྱི་རྒྱུན་འཛིན་པ་རྣམ་གསུམ།
དཀར་མཛེས་ཁུལ་གྱི་མིང་ཐོ་འདིའི་ནང་ཚུད་མཁན་གྲས་སུ་སྲོལ་རྒྱུན་ཞབས་བྲོའི་རིགས་ཀྱི་འབའ་གཞས་རྒྱུན་འཛིན་པ་ཝང་བཀྲ་ཤིས་དང་། ཉག་ཆུ་ཁའི་རྡོག་མཐིལ་བྲོའི་རྒྱུན་འཛིན་པ་ཚེ་བརྟན། སེར་ཤུལ་གྱི་བཙན་མདའ་སྐོར་བྲོའི་རྒྱུན་འཛིན་པ་ཐུབ་དགའ་ཚེ་རིང་བཅས་དང་། སྲོལ་རྒྱུན་ཟློས་གར་རིགས་ཀྱི་སྡེ་དགེའི་གེ་སར་གར་འཆམ་གྱི་རྒྱུན་འཛིན་པ་བསྟན་དར། སྲོལ་རྒྱུན་མཛེས་རྩལ་རིགས་ཀྱི་བྲག་འགོའི་ནམ་མཁའ་རྒྱན་ཐང་གའི་རྒྱུན་འཛིན་པ་ཆོས་འབྱོར་ཚེ་རིང་། སྲོལ་རྒྱུན་ལག་རྩལ་རིགས་ཀྱི་འདབ་པའི་རྫ་ནག་བཟོ་རྩལ་གྱི་རྒྱུན་འཛིན་པ་སྐལ་བཟང་དང་། དཔལ་ཡུལ་གྱི་རག་བཟོ་ལག་རྩལ་གྱི་རྒྱུན་འཛིན་པ་དཀོན་མཆོག་བསྟན་འཛིན། རོང་བྲག་གི་མཁར་རྫོང་བཟོ་སྐྲུན་གྱི་རྒྱུན་འཛིན་པ་འཆི་མེད་དཔལ་ལྡན་བཅས་ཡོད།
སྡེ་དགེའི་གེ་སར་གར་འཆམ་གྱི་རྒྱུན་འཛིན་པ་བསྟན་དར།
བྲག་འགོའི་ནམ་མཁའ་རྒྱན་ཐང་གའི་རྒྱུན་འཛིན་པ་ཆོས་འབྱོར་ཚེ་རིང་།
སྲོལ་རྒྱུན་ལག་ཤེས་ཀྱི་རྒྱུན་འཛིན་པ་རྣམ་གསུམ།
ཁག་དྲུག་པའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་དག་ནི་དམངས་ཁྲོད་རྩོམ་རིག་དང་། སྲོལ་རྒྱུན་རོལ་དབྱངས། སྲོལ་རྒྱུན་ཞབས་བྲོ། སྲོལ་རྒྱུན་ཟློས་གར། གཞས་མ་གཏམ། སྲོལ་རྒྱུན་ལུས་རྩལ། རོལ་རྩེད་དང་རྩལ་རྩེད། སྲོལ་རྒྱུན་མཛེས་རྩལ། སྲོལ་རྒྱུན་ལག་རྩལ། སྲོལ་རྒྱུན་གསོ་རིགདམངས་སྲོལ་སོགས་ཀྱི་ཁྱབ་ཁོངས་ནས་ཡོང་བ་དང་། སི་ཁྲོན་གྱི་བདམས་ཐོན་བྱུང་བའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ40ལྷག་ཙམ་ནི་དམངས་ཁྲོད་རྩོམ་རིག་དང་། སྲོལ་རྒྱུན་རོལ་དབྱངས་ཁྲོད་ཀྱི་ཆའང་རིགས་ཀྱི་དམངས་གཞས་དང་གླིང་བུ་དཀྲོལ་སྟངས། འབའ་གཞས། ཨ་ཅེ་ལྷ་མོ། ཀོ་བརྙན། ཤིང་པར་གྱི་ལོ་རིས། ལ་ཚོས་རྒྱག་ཐབས། མེང་ཧྲན་ཇའི་སྲོལ་རྒྱུན་བཟོ་རྩལ། དབྱིང་ཅིང་གི་སྲེག་བཟོའི་ལག་རྩལ་སོགས་ཁྱབ་ཁོངས་ནས་ཡོང་བ་དང་། དེའི་ནང་རྒྱུན་འཛིན་པ་མང་པོ་ཞིག་གིས་མངོན་མིན་རིག་གནས་ཤུལ་བཞག་གི་འཛིན་སྐྱོང་སྤེལ་གསུམ་ཐད་གཟེངས་སུ་ཐོན་པའི་གྲུབ་འབྲས་བཏོད་ཡོད།
རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ཞེས་པ་ནི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྣམ་གྲངས་རྒྱུན་འཛིན་བྱེད་པའི་འགན་འཁྲི་འཁུར་ཞིང་། དམིགས་བསལ་ཁྱབ་ཁོངས་ནང་ཚབ་མཚོན་རང་བཞིན་ལྡན་པ་མ་ཟད་ས་ཁོངས་ངེས་ཅན་ནང་ཤུགས་རྐྱེན་ཆེ་ཙམ་ལྡན་པ། རིག་གནས་དང་ཡུལ་སྐོར་པུའུ་ཡིས་ངོས་འཛིན་གཏན་འཁེལ་བྱས་པའི་རྒྱུན་འཛིན་པར་ངོས་འཛིན་དགོས། 2007ལོ་ནས་བཟུང་། རང་རྒྱལ་གྱིས་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ཁག་དང་པོ་ཡོངས་བསྒྲགས་བྱེད་འགོ་ཚུགས་པ་དང་། ད་བར་ཁག6ཐོན་ཡོད། ཁོང་ཚོས་དཔེ་བཟང་སྣེ་ཁྲིད་ཀྱི་ནུས་པ་འདོན་སྤེལ་བྱས་ཏེ་རྒྱུན་འཛིན་བྱེད་སྒོ་ཧུར་ཐག་སྤེལ་བ་དང་། རྗེས་མཐུད་ཤེས་ལྡན་པ་གསོ་སྐྱོང་བྱས་ནས། མངོན་མིན་རིག་གནས་ཤུལ་བཞག་སྲུང་སྐྱོང་བྱ་གཞག་ཆེད་ལེགས་སྐྱེས་ཕུལ་ཡོད།
