ལྷ་སའི་ཤེས་ལྡན་མི་སྣའི་གཟའ་འཁོར་བྱེད་སྒོ་སྐབས་གཉིས་པ་འགོ་ཚུགས།
སྤེལ་དུས 2025-06-13
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཀྲུང་གོའི་བོད་ལྗོངས་དྲ་བའི་འཕྲིན། ཟླ6པའི་ཚེས8ཉིན། “མཁས་པའི་འདུ་གནས། དགའ་བདེའི་ལྷ་ས”ཞེས་པའི་བརྗོད་དོན་གཙོ་བོའི་ལྷ་ས་གྲོང་ཁྱེར་གྱི་ཤེས་ལྡན་མི་སྣའི་གཟའ་འཁོར་བྱེད་སྒོ་སྐབས་གཉིས་པ་དངོས་སུ་འགོ་ཚུགས་པ་དང་། བྱེད་སྒོའི་ནང་དུ་ཆེད་མཁས་པ་དང་། ཁེ་ལས་ཀྱི་མཐོ་རིམ་དོ་དམ་པ། མཐོ་སློབ་སློབ་མ་སོགས་མི400ལྷག་ཙམ་ལྷ་སར་འཛོམས་ནས། གྲོང་ཁྱེར་དེ་དང་མཉམ་དུ་འཕེལ་རྒྱས་དང་། འབྱུང་འགྱུར་ལ་མཉམ་དུ་འབྲས་བཟང་ཐོབ་པར་བྱས་ནས། ལྷ་སས་རྒྱ་ཆེའི་ཤེས་ལྡན་མི་སྣ་དང་མཉམ་དུ་འབད་བརྩོན་བྱས་ཤིང་ཕན་ཚུན་ལ་འབྲས་བཟང་ཐོབ་པར་ནུས་ཤུགས་ཆེན་པོ་བཏོན་ཡོད།
བྱེད་སྒོ་སྤེལ་ཡུལ།
འགོ་ཚུགས་མཛད་སྒོའི་ཐོག ཚོགས་འདུར་ཞུགས་མཁན་གྱི་འབྲེལ་ཡོད་འགོ་ཁྲིད་ཀྱིས་ལྷ་སའི་མི་ཤུགས་ཐོན་ཁུངས་ཞབས་ཞུའི་ཐོན་ལས་གླིང་དང་། ལྷ་ས་གྲོང་ཁྱེར་ཤེས་ལྡན་མི་སྣའི་ལས་དོན་ས་ཚིགས། ལྷ་ས་གྲོང་ཁྱེར་ཤེས་ལྡན་མི་སྣའི་ཞབས་ཞུའི་ས་ཚིགས་བཅས་ཀྱི་སྒོ་བྱང་འགེལ་བ་དང་། རིམ་པ་མཐོ་བའི་ཤེས་ལྡན་མི་སྣ་གདན་ཞུའི་འཐུས་མི་དང་། གཉིས་འགུགས་གཉིས་འདྲེན་ཁེ་ལས་ཀྱི་འཐུས་མིས་མིང་རྟགས་འགོད་པའི་མཛད་སྒོ་འཚོགས།
འགོ་ཚུགས་མཛད་སྒོ།
ཤེས་ལྡན་མི་སྣའི་གཟའ་འཁོར་གྱི་རིང་ལ། ལྷ་ས་གྲོང་ཁྱེར་གྱིས“ཤེས་ལྡན་མི་སྣ་གསོ་སྐྱོང་དང་། ཤེས་ལྡན་མི་སྣ་གདན་ཞུ། ཤེས་ལྡན་མི་སྣ་སྤྱོད་པ། ཤེས་ལྡན་མི་སྣ་ཉར་བ”ཞེས་པའི་འབྲེལ་ཐག་ཡོངས་ལ་དམ་པོར་བཟུང་ནས་རིམ་ཁག་རྫོང(ཁུལ)དང་ནུས་ལྡན་གླིང་ཁུལ་ཁག་སྒྲིག་འཛུགས་བྱས་ནས་མཁས་པ་རྣམས་ཀྱིས་གཙོ་དོན་གཏམ་བཤད་དུས་མཉམ་དུ་སྤེལ་བ་དང་། སྒོ་བྱང་འགེལ་བའི་གཙོ་དོན་བྱེད་སྒོ་དང་། “ཐོན་ལས་ཆེན་པོ་དགུའི”མཉམ་འབྲེལ་གདན་ཞུ། གསར་གཏོད་ལས་གཏོད་རྣམ་གྲངས་ཀྱི་ལམ་བསྒྲགས། ཤེས་ལྡན་མི་སྣའི་ལས་ཤག་གི་ལྡེ་མིག་སྤྲོད་པ་སོགས་ཤེས་ལྡན་མི་སྣའི་བརྗོད་དོན་གཙོ་བོའི་བྱེད་སྒོ་རབ་དང་རིམ་པ་ཁག9སྤེལ་ཏེ། བྱེད་སྒོ་མང་པོར་མི་ཆོས་ཀྱི་བརྩེ་བ་དང་ཚན་རྩལ་གྱི་སྤུས་ཀ་གཉིས་ཀ་ལྡན་པས། ལྷ་སས་ཤེས་ལྡན་མི་སྣར་བརྩི་འཇོག་དང་། ཤེས་ལྡན་མི་སྣར་དོ་ཁུར། ཤེས་ལྡན་མི་སྣར་རྒྱབ་སྐྱོར་བཅས་བྱེད་པའི་ཁོར་ཡུག་ཡག་པོ་བཏོད་པས་ཁྱབ་ཁོངས་མི་འདྲ་བའི་ཤེས་ལྡན་མི་སྣར་ཕན་ཚུན་སྤེལ་རེས་དང་མཉམ་ལས་སྟེགས་བུ་དེ་བས་མང་བ་མཁོ་འདོན་བྱས་ཡོད།
འགོ་ཚུགས་མཛད་སྒོ།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བྱེད་སྒོ་དེས་ཤེས་ལྡན་མི་སྣའི་སྲིད་ཇུས་ཞབས་ཞུའི་མཁོ་སྤྲོད་ལེགས་སུ་གཏོང་རྒྱུ་གཙོ་གནད་དུ་བཟུང་སྟེ། ཆེད་མངགས《ལྷ་ས་གྲོང་ཁྱེར་གྱི་ཤེས་ལྡན་མི་སྣའི་སྲིད་ཇུས་ཕྱོགས་བསྒྲིགས》ཀྱི་དྲིལ་བསྒྲགས་ལག་དེབ་བཟོས་པ་དང་། མི་སྒེར་གྱི་ཁ་གསབ་དང་། ཚན་རིག་ཞིབ་འཇུག་ཁ་གསབ། སྡོད་གནས་ཁ་གསབ། གོ་གནས་འཕར་བར་སྐུལ་སློང་། དངུལ་རྩའི་རྒྱབ་སྐྱོར། སྡོད་ཁང་འགན་ལེན། སློབ་གསོའི་འགན་ལེན། ནང་མི་བཀོད་སྒྲིག་སོགས་ཀྱི་དོན་དག་སྔར་བས་ཞིབ་ཚགས་སུ་བཏང་ནས། སྲིད་ཇུས་དྲིལ་བསྒྲགས་དང་ཡུལ་དངོས་སུ་དོགས་འདྲི་བསལ་བ་སོགས་ཀྱི་བྱེད་སྒོ་དུས་མཉམ་དུ་སྒྲིག་འཛུགས་བྱས་ནས་སྲིད་ཇུས་མཁོ་སྤྲོད་ལ་སྐུལ་འདེད་བཏང་སྟེ། ཤེས་ལྡན་མི་སྣའི་ཁེ་སྤོགས་གནད་ལ་འཁེལ་བའི་སྒོ་ནས་ཐོབ་པར་ཁག་ཐེག་བྱས་ཏེ། ལྷ་སས“ཡོན་ཏན་ཅན་ལ་བཅངས་པའི་རེ་འདུན”གྱི་ལྷག་བསམ་གང་ལེགས་མངོན་ཡོད།
རྩོམ་སྒྲིག་པ། རིག་གྲོལ།
