ཀྲུང་གོའི་བོད་ལྗོངས་དྲ་བ། > ཁྲིམས་ལུགས། > གསར་ཤོས།

ད་ལོ་བོད་ཀྱིས་ལས་མིའི་གླ་ཆ་སྒོར་དུང་ཕྱུར2ཙམ་ལེན་རོགས་བྱས་འདུག

སྤེལ་དུས 2019-11-27 ཡོང་ཁུངས། བོད་ལྗོངས་ཉིན་ཚགས། རྩོམ་པ་པོ།

འདི་ལོ་ཚུན་དུ་རང་ལྗོངས་ཀྱིས་ལྗོངས་ཡོངས་སུ་མི་ཤུགས་ཐོན་ཁུངས་ཁྲོམ་རའི་སྒྲིག་ལམ་གཙང་སེལ་བཅོས་སྒྲིག་དང་། རྒྱལ་སྟོན་གོང་གླ་ཆ་འགྱངས་ཆད་ཀྱི་གྱོད་གཞི་མེད་པར་བཟོས་པ། གླ་ཆ་འགྱངས་ཆད་རྩ་བཅོས་ཀྱི་དབྱར་ཁའི་ཆེད་དོན་བྱ་སྤྱོད་སྤེལ་བ་དང་། སྲིད་གཞུང་གི་ལས་གྲྭའི་རྣམ་གྲངས་ནས་གླ་ཆ་ཆད་པའི་གནད་དོན་དང་འབྲེལ་བའི་ཚན་པ་250ལ་བཅོས་སྒྲིག་བྱས་ཡོད།

ཟླ་དང་པོ་ནས་10པ་བར་ལྗོངས་ཡོངས་ཀྱིས་མི་སྤྱོད་ཚན་པ་9472ལ་རང་འགུལ་ངང་ཞིབ་བཤེར་བྱས་ནས་མི་ཁྲི་2.82ལ་ངལ་རྩོལ་གན་རྒྱ་གསབ་འཇོག་བྱས་པ་དང་། ཐེར་འདོན་གོང་ཞུའི་གྱོད་གཞི་ཁག་1279བདག་སྤྲོད་དང་ཐག་གཅོད་བྱས་ནས་རིམ་རྩིས་བྱས་ན་ལས་མི་9991དང་འབྲེལ་བའི་གླ་ཆ་སྒོར་དུང་ཕྱུར་1.89ཙམ་ལེན་རོགས་བྱས་ཡོད།

མིག་སྔའི་བར་དུ་རང་ལྗོངས་ཀྱིས་སྤྱི་ཚོགས་ལ་ངལ་རྩོལ་འགན་སྲུང་ཐད་ཁྲིམས་འགལ་བྱེད་སྤྱོད་ཚབས་ཆེན་ལྡན་པའི་ཁེ་ལས་9ཁྱབ་བསྒྲགས་བྱས་པ་དང་། ཞིང་པ་ལས་མིའི་གླ་ཆ་འགྱངས་ཆད་བྱེད་མཁན“མིང་ཐོ་ནག་པོར”བཅུག་པའི་ཁེ་ལས་8ཁྱབ་བསྒྲགས་བྱས་པ། ལྗོངས་ནང་ཁུལ་གྱི་ཁེ་ལས་391ལ་ཡིད་རྟོན་གྱི་རིམ་པ་དབྱེ་ནས་ངལ་རྩོལ་གླ་ཆ་རྩ་བ་ནས་མི་སྤྲོད་པའི་གྱོད་གཞི་10ཁྲིམས་འཛིན་སྡེ་ཚན་ལ་རྩིས་སྤྲད་པ། རྐང་བཙུགས་ནས་གླ་ཆ་འགྱངས་ཆད་བྱེད་མཁན་ཁེ་ལས་ལ་མཉམ་འབྲེལ་ཆད་གཅོད་བསླབ་འདོམས་བྱས་ཏེ་གླ་ཆ་འགྱངས་ཆད་ལ་བཅོས་སྒྲིག་བྱེད་པའི་ཟིལ་ཤུགས་རྒྱུན་ཆད་མེད་པར་མངོན་པར་བྱས་ཡོད།

གཞན་ཡང་རང་སྐྱོང་ལྗོངས་ཀྱི་2018ལོའི་ཞིང་པ་ལས་མིའི་གླ་ཆ་སྤྲོད་རྒྱུ་འགན་ལེན་བྱེད་པའི་བརྙན་ལམ་ཚོགས་འདུ་འཚོགས་རྗེས། རང་ལྗོངས་ཀྱིས་གླ་ཆ་འགྱངས་ཆད་ཀྱི་འཕྲལ་སྡོམ་ཁ་འཁོར་མ་དངུལ་ཕྱོགས་ཡོངས་ནས་དོན་འཁྱོལ་བྱས་ལ། འདི་ལོ་རང་ལྗོངས་ཀྱི་གླ་ཆ་སྤྲོད་པའི་འགན་ལེན་བྱ་ཐབས་སྔར་བས་འཐུས་སྒོ་ཚང་དུ་བཏང་ཡོད།

འདི་ལོ་རང་ལྗོངས་ཀྱི་ཁེ་ལས་2208ཀྱིས་ཞིང་པ་ལས་མིའི་གླ་ཆའི་འགན་ལེན་དངུལ་སྒོར་དུང་ཕྱུར་6ལྷག་ཙམ་བསྐྱལ་བ་དང་། གླ་ཆ་འགྱངས་ཆད་ཀྱི་འཕྲལ་སྡོམ་ཁ་འཁོར་མ་དངུལ་སྒོར་དུང་ཕྱུར་6.2བཏང་བ། ལས་མིའི་ཁེ་དབང་སྲུང་སྐྱོང་གི་གསལ་སྟོན་བྱང་བུ་ཁྱོན་ཡོངས་ལ་ཁྱབ་རྒྱུ་སྤྱིར་ན་མངོན་འགྱུར་བྱས་ཡོད། ད་དུང་ཞིང་པ་ལས་མིའི་གླ་ཆ་ཆེད་འཇོག་རྩིས་ཁྲ་493བཟོས་པ་དང་གླ་ཆའི་གཱ་ཁྲི་3.28སྤྲད་པ། དངུལ་སྒོར་དུང་ཕྱུར་5.43ཚབ་སྤྲོད་བྱས་ཏེ་གླ་ཆ་འགྱངས་ཆད་རྩ་བཅོས་བྱེད་པའི་ལས་དོན་དེ་མ་ལག་བཅོས་སྐྱོང་དང་འབྱུང་རྩ་ནས་བཅོས་སྐྱོང་གི་ཕྱོགས་སུ་རིམ་བཞིན་སྐྱོད་ཐུབ་པ་བྱས་ཡོད།

རྩོམ་སྒྲིག་པ། བདེ་སྒྲོལ།