སྐུ་འབུམ་གྱི་ཤིང་རྐང་རིང་པོ་འཁྲབ་སྟོན་བྱེད་བཞིན་པའི་ཚུལ་རེད།
འབྲུག་དང་སེང་གེ་རྩེད་པ་དང་། ཤིང་རྐང་རིང་པོ། རྫིག་ཉམས་ལྡན་པའི་རྔ་སྒྲ། ལུགས་རྙིང་གི་རྒྱ་ལོ་ཚེས་བཅུ་ཉིན་ལོ་གཅིག་དུས་གཅིག་གི་ཟི་ལིང་གྲོང་ཁྱེར་ཕུལ་བྱུང་རྒྱ་འཆམ་སྐོར་སྐྱོད་གྲོང་ཁུལ་གྱི་སྲང་ལམ་གཙོ་བོ་ནས་འཁྲབ་མགོ་བརྩམས། ཟི་ལིང་གྲོང་ཁྱེར་དཔྱིད་གསར་དུས་ཆེན་ཚབ་བྱེད་རང་བཞིན་ལྡན་པའི་སྲོལ་རྒྱུན་དམངས་སྲོལ་བྱ་འགུལ་ཞིག་ཡིན་པའི་ངོས་ནས། རྒྱ་འཆམ་འཁྲབ་སྟོན་གཏིང་ཟབ་ངང་གྲོང་ཁྱེར་རིག་གནས་ནང་རྩ་བ་ཟུག་པ་རེད། དེས་སྲོལ་རྒྱུན་རིག་གནས་དང་དམངས་སྲོལ་བརྩེ་བའི་ནང་དོན་ཞིབ་ཆ་མཚོན་ཡོད་པ་མ་ཟད། གཟུགས་འདས་ཤུལ་བཞག་རིག་གནས་ཀྱི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་མངོན་པས། རྒྱ་ཆེའི་གྲོང་མི་ཚོར་སེམས་གཏིང་དུ་ཚུགས་པའི་དཔྱིད་གསར་དུས་ཆེན་གྱི"རིག་གནས་གསོལ་སྟོན་ཆེན་པོ"ཞིག་བཤམས་པ་མ་ཟད། རྙིང་སྐྱེལ་གསར་བསུ་ཡི་མཛེས་པའི་རེ་འདུན་རྒྱུད་སྤྲོད་བྱེད་བཞིན་ཡོད།
ཐེངས་འདིའི་རྒྱ་འཆམ་སྐོར་སྐྱོད་ནང་ཟི་ལིང་གྲོང་ཁྱེར་གྱི་རིམ་པ་སོ་སོའི་རིག་གནས་སྡེ་ཚན་དང་དམངས་ཁྲོད་ཕུལ་བྱུང་རྒྱ་འཆམ་རུ་ཁག་འདུས་པ་དང་། འཁྲབ་སྟོན་པ3000ལྷག་གིས་མཉམ་དུ་འཁྲབ་སྟོན་བྱས། ལེ་ཚན་ཐད་བྱ་འགུལ་གྱིས་སྲོལ་རྒྱུན་བརྟན་སྲུང་བྱས་ཏེ་འབྲུག་དང་སེང་གེ་རྩེད་པ་དང་། རྟ་དང་གཡག བུ་མོ་ཆེ་ཆེ། ཞབས་བྲོ་དབྱང་ཀོ་སོགས་ཀྱི་དམངས་ཁྲོད་རྒྱ་འཆམ་བསྟན་པ་མ་ཟད། སྟོང་སྐོར་གྱི་སྒྲོན་མེ་དང་ཕྱོགས་ཁག་བརྒྱད་ཀྱི་དྲག་རྩལ། མགོ་ཆེ་དགྲ་བཅོམ་པའི་ཟློས་གར་སོགས་ཀྱི་གཟུགས་འདས་རིག་གནས་ཤུལ་བཞག་རྣམ་གྲངས་མངོན། ལྷ་བརྒྱད་དང་སྒྲོན་སྐོར། སྐམ་སའི་གྲུ། ཤིང་རྐང་རིང་པོ། དུས་བདེ་རྔ་སོགས་ཀྱི་ལོ་སར་རྣམ་པ་མཚོན་པའི་འཁྲབ་སྟོན་ཡང་ནས་ཡང་ནས་སྤེལ་བས་ཡུལ་དངོས་ལྟད་མོ་པ་ཚོར་སྲོལ་རྒྱུན་དམངས་སྲོལ་གྱི་ཐོན་མོང་མ་ཡིན་པའི་ཁྱད་ཆོད་ཚོར་དུ་བཅུག ལེ་ཚན་མིང་གྲགས་རྒྱུད་འཛིན་བྱེད་པའི་རྨང་གཞི་སྟེང་བྱ་འགུལ་གྱིས་གསར་སྐྲུན་རང་བཞིན་གྱིས་གྲོང་ཁྱེར་རིག་གནས་དང་དེང་རབས་རྒྱུ་ཆ་མཉམ་དུ་འདྲེས། སེམས་འགུལ་རྟ་བྲོ་དང་དྲག་རྩལ། ཐང་ཆེན་ཞབས་བྲོ། མེ་ཏོག་ཞབས་བྲོ་སོགས་ཀྱི་དེང་རབས་སྒྱུ་རྩལ་རྣམ་པ་བྱ་འགུལ་ནང་འདྲེས་པས། སྲོལ་རྒྱུན་རྒྱ་འཆམ་ལ་གསོན་ཤུགས་གསར་བ་ཞིག་རྒྱས་པ་རེད། ནང་དོན་ཕུན་སུམ་ཚོགས་པ་དང་སྣང་བརྙན་མཛེས་ཤིང་སྡུག་པས་རྒན་གསུམ་གཞོན་དར་དགའ་བའི་དུས་ཆེན་གྱི་རིག་གནས་གསོལ་སྟོན་ཞིག་གཏོད་པ་རེད།
རྒྱ་འཆམ་འཁྲབ་སྟོན་སྐོར་སྐྱོད་ཡུལ་དངོས་རྣམ་པ་རེད།
འཕྲུལ་མི་ཞིག་རྟ་བྲོ་འཁྲབ་སྟོན་ནང་ཞུགས་བཞིན་པའི་ཚུལ་རེད།
རྒྱ་འཆམ་ལ་ལྟ་མཁན་གྱི་གྲོང་མི་དང་ཡུལ་སྐོར་པ་རྣམས་རེད།
གསོ་སྤེལ་ཁྱིམ་ཆེན་གྱིས་གཡག་ཁྲིད་དེ་གྲོང་ཁྱེར་ནང་འཁྲབ་སྟོན་དུ་ཡོང་བའི་ཚུལ་རེད།
འཁྲབ་སྟོན་པས་རྔ་རྡུང་བཞིན་པའི་ཚུལ་རེད།
འཁྲབ་སྟོན་པས་གྲོང་མི་དང་མཉམ་འགུལ་བྱེད་བཞིན་པའི་ཚུལ་རེད།
མཛེས་རྒྱན་སྤྲས་པའི་འགྱོགས་བྱམས་ཡར་འདེགས་བཞིན་པའི་ཚུལ་རེད།
ཏ་ཐུང་རྫོང་གི་ལེ་ཚན་རེད།
སྲོལ་རྒྱུན་རྒྱ་འཆམ་འཁྲབ་སྟོན་བྱེད་བཞིན་པའི་ཚུལ་རེད།
རྒྱ་འཆམ་སྐོར་སྐྱོད་ནང་གི་ལྷ་བརྒྱད་པོ་རེད།
རྒྱ་འཆམ་འཁྲབ་སྟོན་ལ་ལྟ་མཁན་གྱི་གྲོང་མི་དང་ཡུལ་སྐོར་པ་རེད།
རྩོམ་སྒྲིག་པ། རིག་གྲོལ།
