ཀྲུང་གོ་གསར་འགྱུར་དྲ་བ་ནས་ཟླ10པའི་ཚེས16ཉིན་གློག་འཕྲིན་འབྱོར་གསལ། ཕྱོགས་བསྡུས་གནས་ཚུལ་སྤེལ་བ་ལྟར་ན། སོ་ཏི་ཨ་རབ་ཀྱི་གསར་འགོད་པ་ཐུར་ཁེ་ནས་གར་སོང་ཆ་མེད་དུ་གྱུར་བའི་དོན་རྐྱེན་མུ་མཐུད་དུ་ཛ་དྲག་ཅན་དུ་གྱུར་བར་མ་ཟད་ཨ་རི་དང་སོ་ཏི་ཨ་རབ་ཀྱི་འབྲེལ་བར་ཤུགས་རྐྱེན་ཐེབས་སྟེ། ཕྱི་ཕྱོགས་ཀྱིས་དོ་ཁུར་རྒྱ་ཆེན་པོ་བྱེད་ཀྱི་ཡོད། ཨ་རིའི་ཙུང་ཐུང་ཐེ་རོན་ཕུས་རྒྱལ་དོན་བློན་ཆེན་སོ་ཏི་ཨ་རབ་ལ་མངགས་ནས་གྱོད་དོན་འདིར་བརྟག་དཔྱད་བྱེད་དུ་བཅུག་ཡོད་པ་བསྟན། ཐུར་ཁེའི་བརྟག་དཔྱད་ཚོ་ཆུང་གིས་ཀྱང་གཞི་ནས་སོ་ཏི་ཨ་རབ་ཀྱི་གཞུང་ཚབ་ཁང་ལ་བརྟག་དཔྱད་བྱེད་འགོ་ཚུགས་པ་རེད། སོ་ཏི་ཨ་རབ་ཀྱིས་ཁཱ་ཧྲུའུ་ཅི་གཞུང་ཚབ་དོན་གཅོད་ཁང་དུ་དོན་རྐྱེན་བྱུང་བའི་གནས་ཚུལ་གཏན་ནས་ཁས་མ་བླངས་ཀྱང། གནས་ཚུལ་སྤེལ་བ་ལྟར་ན། སོ་ཏི་ཨ་རབ་ཕྱོགས་ཀྱིས་གསར་འགོད་པ་འདྲི་གཅོད་ལས་ཤི་བའི་གསལ་བསྒྲགས་སྤེལ་ཡོད་ཀྱང་སྲིད་ཅེས་བཤད།
ཨ་རིའི་ཙུང་ཐུང་ཐེ་རོན་ཕུས་རྒྱལ་དོན་བློན་ཆེན་སོ་ཏི་ཨ་རབ་ལ“གྱོད་གཞིར་ཞིབ་བཤེར”བྱེད་པར་མངགས་པའི་དོགས་གཞི།
སོ་ཏི་ཨ་རབ་ཀྱི་གསར་འགོད་པ་ཐུར་ཁེ་ནས་གར་སོང་ཆ་མེད་དུ་གྱུར་བའི་གྱོད་དོན་རྒྱུན་མཐུད་ངང་ཆེ་རུ་ཕྱིན་པ་དང་། སོ་ཏི་ཨ་རབ་སྐྱོན་འདོན་ཞུ་གཏུག་བྱ་བའི་གྱོད་གཞི་དང་འབྲེལ་བ་ཡོད་པའི་དབང་གིས། ཨ་རི་དང་སོ་ཏི་ཨ་རབ་བར་གྱི་འབྲེལ་བ་ལའང་ཤུགས་རྐྱེན་ཐེབས་ཡོད་ཅིང་། ཨ་རིའི་ཙུང་ཐུང་ཐེ་རོན་ཕུས་ཉེ་ཆར་གནད་དོན་དེའི་ཐད་རྣམ་འགྱུར་བསྟུད་མར་བསྟན།
ཚེས15ཉིན་ཐེ་རོན་ཕུས་རྩོམ་ཡིག་སྤེལ་ཏེ་ཁོས་སོ་ཏི་ཨ་རབ་ཀྱི་རྒྱལ་པོ་དང་སོ་ཏི་ཨ་རབ་ཀྱི་གསར་འགོད་པ་ཁཱ་ཧྲུའུ་ཅི་གར་སོང་ཆ་མེད་དུ་གྱུར་བའི་གྱོད་དོན་ལ་གྲོས་བསྡུར་བྱས་པར་མ་ཟད། རྒྱལ་དོན་བློན་ཆེན་ཕེང་ཕེ་ཨའོ་རི་ཡ་ཏེར་འཚམས་འདྲི་བྱས་ཏེ་གནས་ཚུལ་གསལ་ཐག་གཅོད་པར་མངགས་གཏོང་བྱས།
ཐེ་རོན་ཕུ་ཡིས་བྲིས་དོན། “ངས་ད་སོ་མར་སོ་ཏི་ཨ་རབ་ཀྱི་རྒྱལ་པོ་དང་གླེང་མོལ་བྱས་ཤིང་། ཁོས་སོ་ཏི་ཨ་རབ་ཀྱི་སྤྱི་དམངས་ཀྱི་ལུས་སྟེང་དུ་བྱུང་སྲིད་པའི་དོན་དེའི་གནས་ཚུལ་རྟོགས་པའི་ཁས་མ་བླངས། ཁོང་གིས་སོ་ཏི་ཨ་རབ་ཀྱི་ཐད་ནས་ཐུར་ཁེ་དང་མཉམ་ལས་ཟབ་ཏུ་བཏང་ནས་གྱོད་གཞི་དེར་རྩད་ཆོད་མཐའ་གསལ་བྱེད་བཞིན་ཡོད། ངས་ལམ་སེང་རྒྱལ་དོན་བློན་ཆེན་སོ་ཏི་ཨ་རབ་དང་མཇལ་འཛོམས་གནང་བར་མངགས་གཏོང་བྱས་པ་ཡིན”ཞེས་བསྟན་ཡོད།
ཨ་རིའི་རྒྱལ་དོན་ཁང་གི་མགྲིན་ཚབ་པས་གསལ་བསྒྲགས་སྤེལ་དོན། རྒྱལ་དོན་བློན་ཆེན་ཕེང་ཕེ་ཨའོ་ཚེས15ཉིན་སོ་ཏི་ཨ་རབ་ཏུ་བསྐྱོད་དེ། ཙུང་ཐུང་གིས་ཁཱ་ཧྲུའུ་ཅི་གར་སོང་ཆ་མེད་དུ་གྱུར་པར་ལམ་སེང་སྤྱི་བསྒྲགས་ཀྱིས་བརྟག་དཔྱད་བྱ་རྒྱུའི་རེ་འདུན་ཞུས།
ཐེ་རོན་ཕུས་དེ་གོང་ད་དུང་སོ་ཏི་ཨ་རབ་ཀྱིས་ཁཱ་ཧྲུའུ་ཅི་བསད་པ་ཤེས་ཚེ་སོ་ཏི་ཨ་རབ་ལ་ཉེས་ཆད་ནན་པོ་གཅོད་དགོས་ཞེས་རྣམ་འགྱུར་བསྟན།
བརྟག་དཔྱད་ཀྱི་འཕེལ་རིམ། ཐུར་ཁེའི་བརྟག་དཔྱད་ཚོགས་ཆུང་གིས་སོ་ཏི་ཨ་རབ་ཀྱི་གཞུང་ཚབ་ཁང་ལ་བརྟག་དཔྱད་བྱས་པ།
སོ་ཏི་ཨ་རབ་ཀྱི་གསར་འགོད་པ་ཐུར་ཁེའི་གར་སོང་ཆ་མེད་དུ་གྱུར་རྗེས། ཐུར་ཁེ་དང་སོ་ཏི་ཨ་རབ་ཀྱིས་མཉམ་འབྲེལ་བརྟག་དཔྱད་ཚོགས་ཆུང་བཙུགས་ཏེ་གར་སོང་ཆ་མེད་དུ་གྱུར་པའི་དོན་རྐྱེན་ལ་བརྟག་དཔྱད་བྱེད་འགོ་ཚུགས་པ་རེད། དེའི་སྔོན་ལ། ཐུར་ཁེའི་དབང་འཛིན་ལས་ཁུངས་ལ་སོ་ཏི་ཨ་རབ་གཞུང་ཚབ་ཁང་གི་ཐོག་ཁང་དུ་འཛུལ་ནས་བརྟག་དཔྱད་བྱེད་ཆོག་པའི་ཆོག་མཁན་གཏན་ནས་མ་འཐོབ།
ཡིན་ནའང་། དོན་དག་དེའི་རྗེས་ནས་ལེགས་འགྱུར་བྱུང་བ་སྟེ། ཐུར་ཁེའི་ཕྱི་འབྲེལ་པུའུ་ཡི་མགྲིན་ཚབ་པ་ཨ་ཁི་སོའོ་ཡིས་ཚེས9ཉིན་བསྟན་དོན། སོ་ཏི་ཨ་རབ་ཕྱོགས་ཀྱིས་ཐུར་ཁེ་དབྱི་སི་ཐན་པུར་བཅོད་སྡོད་བྱས་པའི་སྤྱི་ཁྱབ་གཞུང་ཚབ་དོན་གཅོད་ཁང་དུ་འཛུལ་ཏེ་སྔོག་བཤེར་བྱས་ཆོག་པའི་ཆོག་མཆན་གནང་བ་རེད།
ཚེས15ཉིན་གྱི་དགོང་མོར། ཐུར་ཁེའི་བརྟག་དཔྱད་ཚོགས་ཆུང་ཞིག་སོ་ཏི་ཨ་རབ་ཐུར་ཁེར་བཅའ་སྡོད་བྱས་པའི་དབྱི་སི་ཐན་པོར་གཞུང་ཚབ་ཁང་དུ་བརྟག་དཔྱད་བྱེད་འགོ་ཚུགས་པ་རེད།
གསར་འགྱུར་བསྒྲགས་པ་ལྟར་ན། ཐུར་ཁེའི་བརྟག་དཔྱད་ཚོགས་ཆུང་ནི་ཉེན་རྟོག་པ་དང་། ཉེས་གསོག་ས་གནས་ས་ཐོག་གི་བརྟག་དཔྱད་མི་སྣ་དང་ཞིབ་དཔྱོད་དཔོན་བཅས་ཀྱིས་གྲུབ་ཅིང་། ཐུར་ཁེའི་ཉེན་རྟོག་ཕྱོགས་ཀྱིས་ད་དུང་སོ་ཏི་ཨ་རབ་ཀྱི་གཞུང་ཚབ་ཁང་གི་མཐའ་འཁོར་གྱི་བདེ་སྲུང་ཉེན་ཟོན་ལ་ཤུགས་སྣོན་བྱས་ཏེ་གཞུང་ཚབ་ཁང་དུ་བསྐྱོད་པའི་འགྲོ་ལམ་ཡོད་ཚད་བཀག་སྡོམ་བྱས།
གྱོད་དོན་དང་འབྲེལ་ཡོད་དམ། སོ་ཏི་ཨ་རབ་ཀྱིས་གསར་འགོད་པ་འདྲི་གཅོད་ལས་ཤི་བའི་གསལ་བསྒྲགས་སྤེལ་བ།
ཟླ10པའི་ཚེས3ཉིན། ཐུར་ཁེའི་ཨ་རབ་སྨྱན་གཟུགས་མཐུན་ཚོགས་ཀྱིས་ཁྱབ་བསྒྲགས་བྱས་པའི་གནས་ཚུལ་ནང་སྤེལ་དོན། ཨ་རིའི《ཝ་ཧྲིང་ཐོན་སྦྲག་སྲིད་ཚགས་པར》གྱི་དཔྱད་གཏམ་མཁན་དང་ཨ་རིར་སྡོད་པའི་ཧ་སུའུ་ཅི་ཐུར་ཁེར་བཅའ་སྡོད་བྱས་པའི་དབྱི་སི་ཐན་པུར་སྤྱི་ཁྱབ་གཞུང་ཚབ་ཁང་དུ་གར་སོང་ཆ་མེད་དུ་གྱུར་ཞིང་། ཐུར་ཁེའི་ཉེན་རྟོག་ཕྱོགས་ཀྱིས་ཁཱ་ཧྲུའུ་ཅི་ནི་གཞུང་ཚབ་དོན་གཅོད་ཁང་དུ་རྐྱེན་ལམ་དུ་ཤོར་བར་འདོད། ཨ་རབ་སྲིད་གཞུང་གིས་ཁཱ་ཧྲུའུ་ཅི་གཞུང་ཚབ་ཁང་ནས་ཁ་གྱེས་ཚར་བའི་གནས་ཚུལ་རྒྱུན་འཁྱོངས་བྱས།
ཨ་རིའི་CNN བརྙན་འཕྲིན་ལས་ཁུངས་ཀྱིས་མིང་བཀབ་ནས་འཕྲིན་སྤེལ་བའི་མི་གཉིས་ཀྱི་མི་སྣའི་སྐད་ཆ་དྲངས་ནས་གནས་ཚུལ་སྤེལ་བ་ལྟར་ན། སོ་ཏི་ཨ་རབ་ཀྱིས་རྒྱལ་ཁབ་དེའི་གསར་འགོད་པ་ཁཱ་ཧྲུའུ་ཅི“མི་འོས་པའི”འདྲི་གཅོད་ཅིག་གི་ཁྲོད་དུ་གཅར་རྡུང་བྱས་ནས་བསད་སོང་ཞེས་གསལ་བསྒྲགས་བྱ་རྒྱུའི་གྲ་སྒྲིག་བྱས།
དེའི་ཁྲོད་ཀྱི་གནས་ཚུལ་ཤེས་པའི་མི་གཅིག་གིས་བཤད་དོན། སོ་ཏི་ཨ་རབ་ཕྱོགས་ཀྱི་སྙན་སེང་སྔར་བཞིན་གྲ་སྒྲིག་བྱེད་བཞིན་ཡོད་པར་མ་ཟད་བཟོ་བཅོས་བྱེད་ཀྱང་སྲིད་ཟེར། ཡང་ཅིག་གིས་སྙན་སེང་ཁྲོད་དུ་སྡོམ་ཚིག“བཀོད་ཡོད་ཤས་ཆེ”བ་སྟེ། བྱ་སྤྱོད་ལ་ཆོག་མཆན་འཐོབ་མེད་པར་མ་ཟད“གསལ་ཆའི་རང་བཞིན”མེད་པ་དང་། དོན་དེ་དང་འབྲེལ་བའི་བྱེད་མཁན་ལ་འགན་འཁྲིའི་བདའ་འདེད་གཏོང་རྒྱུ་རེད་ཟེར།
