བོད་ནས་སློབ་འབྲིང་དེ་ཀྲུང་གོའི་སློབ་འབྲིང་རབ་གྲས100ཡི་ནང་ཚུད་བཞག
སྤེལ་དུས 2019-12-09
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
ཉེ་ཆར། 2019ལོའི《ཀྲུང་གོའི་སློབ་འབྲིང་རབ་གྲས་100》ཡི་ནང་ཚུད་པའི་མིང་ཐོ་ཡོངས་བསྒྲགས་བྱས་ཤིང་། བོད་རང་སྐྱོང་ལྗོངས་ནས་སློབ་གྲྭ་གཅིག་པུ་སྟེ། ལྷ་ས་སློབ་འབྲིང“ཀྲུང་གོའི་སློབ་འབྲིང་གི་གཟི་བརྗིད་མཚན་སྙན་མཐོ་ཤོས”ཀྱི་མིང་ཐོའི་ནང་ཚུད་འདུག
《ཀྲུང་གོའི་སློབ་འབྲིང་རབ་གྲས་100》ནི་རྒྱལ་ནང་གི་སྙན་གྲགས་ཆེ་ཤོས་ཀྱི་སློབ་འབྲིང(མཐོ་རིམ་སློབ་འབྲིང)ལ་དམིགས་ནས་སྤེལ་བའི་སྔ་ཤོས་དང་དབང་གྲགས་ཆེ་ཤོས་ལྡན་པའི་རྒྱལ་ཡོངས་རང་བཞིན་གྱི་དཔྱད་འདེམས་བྱེད་སྒོ་ཞིག་ཡིན་པ་དང་། བྱེད་སྒོ་འདི་2005ལོ་ནས་སྤེལ་འགོ་ཚུགས་པ་མ་ཟད། སྙན་གྲགས་ཆེན་པོ་ལྡན་པའི་སློབ་འབྲིང་100ཡི་མིང་ཐོ་ཡོངས་བསྒྲགས་བྱེད་ཀྱི་ཡོད་པ་རེད།
སྐབས་འདིར་དཔྱད་འདེམས་བྱེད་སྐབས“སློབ་གྲྭའི་སྙན་གྲགས”དང“སློབ་ཁྲིད་སྦྱངས་འབྲས”“སློབ་མའི་བྱང་ཚད་གསོ་སྐྱོང”“སློབ་གྲྭའི་རིག་གནས་དང་ཁོར་ཡུག”“སློབ་མའི་འབྱུང་ཁུངས་དང་ཞབས་ཞུ”བཅས་ཁག་ལྔ་ལ་བལྟས་ཡོད་ལ། ཡོངས་བསྒྲགས་གྲངས་གཞི་དང་། ཕྱོགས་གསུམ་པའི་གྲངས་གཞིའི་བརྟག་དཔྱད། རིགས་གཅིག་མཁས་ཅན་གྱི་བསམ་འཆར། སྨྱན་སྦྱོར་གྱི་ཚད་ལེན་དཔྱད་དཔོག་སོགས་ལ་བརྟེན་ནས་མཐར་ཡོངས་བསྒྲགས་བྱས་པ་གཤམ་གསལ་ཏེ།
དཔྱད་འདེམས་བྱེད་སྐབས་ཧ་ཅང་ནན་ཞིང་། སྐབས་ཚང་མར་དཔྱད་འདེམས་བྱ་ཡུལ་དུ་སློབ་འབྲིང་400ལས་མི་བརྒལ་བས། ཀྲུང་གོའི་སློབ་འབྲིང་ལས་རིགས་ཀྱི་གཟི་བརྗིད་མཚན་སྙན་ཆེ་ཤོས་ཤིག་རེད་ཅེས་བརྗོད་ན་མི་ཆོག་པ་མེད།
རྩོམ་སྒྲིག་པ།སྣང་རྡོར།