སྐབས་གསར་པའི་མཉམ་འབྲེལ་རྒྱལ་ཚོགས་ཀྱི་གནམ་གཤིས་འགྱུར་བའི་ཚོགས་ཆེན་སི་ཕན་གྱི་མ་ཏེ་ལིར་སྐོང་འཚོགས་བྱས་པ།
སྤེལ་དུས 2019-12-03
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
སྐབས་གསར་པའི་མཉམ་འབྲེལ་རྒྱལ་ཚོགས་གནམ་གཤིས་འགྱུར་བའི་ཚོགས་ཆེན་སྤྱི་ཚེས་༢ཉིན་སི་ཕན་གྱི་མ་ཏེ་ལིར་སྐོང་འཚོགས་བྱས་ཡོད། རྒྱལ་ཁབ་ཁག་གི་ཚོགས་ཞུགས་འཐུས་མིས་༼ཕ་རི་སིའི་གྲོས་ཆོད་༽ཞེས་པ་ལག་བསྟར་གྱི་ཞིབ་ཕྲའི་རྩ་དོན་་སོགས་ཀྱི་གྲོས་གཞིའི་ཐད་མུ་མཐུད་ནས་དབྱེ་འབྱེད་གྲོས་མོལ་བྱ་རྒྱུ་ཡིན་པ་རེད། འཆར་གཞི་གཞིར་བཟུང་། ཚོགས་ཆེན་སྤྱི་ཚེས་༢ཉིན་ནས་སྤྱི་ཚེས་༡༣ཉིན་བར་རྒྱུན་མཐུད་བྱ་རྒྱུ་ཡིན་པ་རེད།
ན་ནིང་། རླུང་ཁམས་ཆེན་མོའི་ཁྲོད་ཀྱི་དྲོད་ཁང་རླུང་གཟུགས་ཀྱི་བསྡུད་ཚད་སླར་ཡང་ཟིན་ཐོ་གསར་པ་གཏོད་ཡོད། མཉམ་འབྲེལ་རྒྱལ་ཚོགས་ཀྱི་དྲུང་ཆེ་གུ་ཐེ་ལེ་སིས། དེ་ནི་ཐལ་སྐྱོད་གནམ་གཤིས་ཐོན་མང་བའི་རྒྱུ་རྐྱེན་གལ་ཆེན་ཞིག་ཡིན་ཞེས་ངོས་འཛིན་གནང་ཡོད། རྒྱལ་ཁབ་ཁག་ནས་འབུད་བཤངས་ཉུང་གཏོང་ཐད་འབད་པ་བྱ་རྒྱུར་སྐུལ་འདེད་གཏོང་བ་དང་ཆབས་ཅིག གུ་ཐེ་ལེ་སིས་དམིགས་སུ་བཀར་ནས། ༼ཕ་རི་སིའི་གྲོས་ཆོད་༽ནང་ཁས་ལེན་བྱས་པའི་དམ་བཅའ་ལག་བསྟར་བྱེད་དགོས་པ་དང་། ལྷག་པར་དུ་དར་རྒྱས་ཆེ་བའི་རྒྱལ་ཁབ་ཀྱིས་གོང་འཕེལ་འགྲོ་བཞིན་པའི་རྒྱལ་ཁབ་ལ་དངུལ་རྩའི་རྒྱབ་སྐྱོར་བྱེད་པའི་ཁས་ལེན་ལག་བསྟར་བྱེད་དགོས། གནམ་གཤིས་འགྱུར་བར་ཁ་གཏད་གཅོག་རྒྱུའི་གནད་དོན་ཐད་འཛམ་གླིང་ཡོངས་ཀྱིས་རྗེས་མི་ལུས་པ་ཁས་ལེན་བྱ་རྒྱུ་ནི་ཧ་ཅང་གལ་འགངས་ཆེན་པོ་ཞིག་རེད་ཅེས་བསྟན་གནང་ཡོད།
རྩོམ་སྒྲིག་པ། བདེ་སྒྲོལ།