ཀྲུང་གོའི་མཐའ་མཚམས་ཀྱི་རྒྱ་གར་དམག་མི་ཞིག་གིས་ལས་རོཊ་5བསད་འདུག
སྤེལ་དུས 2019-12-06
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
ས་གནས་དེ་གའི་དུས་ཚོད་ཀྱི་ཚེས་4ཉིན། “རྒྱ་གར་དང་བོད་ལྗོངས་མཐའ་མཚམས་ཉེན་རྟོག་རུ་ཁག་”གི་དམག་མི་ཞིག་གིས་དམག་སྒར་ཞིག་ཏུ་ལས་རོགས་རྣམས་ལ་མེ་མདའ་བརྒྱབ་ནས་མ་མཐའ་ཡང་ལས་རོགས་5བསད་པ་དང་ལས་རོགས་3རྨས་པའི་ཡ་ང་བའི་གནས་ཚུལ་ཞིག་ཐོན་ཡོད་ལ། མེ་མདའ་རྒྱག་མཁན་གྱི་དམག་མིའང་དེ་མུར་བསད་ཡོད་འདུག
རྒྱ་གར་རྒྱལ་སྲུང་པུའུ་ཡིས་ཁྱབ་བསྒྲགས་བྱས་པའི་གནས་ཚུལ་ལྟར་ན།ཉེ་བའི་ལོ་ཤས་རིང་། རྒྱ་གར་གྱི་སྐམ་མཚོ་མཁའ་གསུམ་གྱི་དམག་མིའི་ཁྲོད་སྐྱོ་གར་དེ་འདྲ་མང་པོ་ཐོན་ཡོད།
རྒྱ་གར་གྱི་མཐོ་རིམ་དྲག་ཆས་དཔུང་སྡེའི་དཔོན་རིགས་ཤིག་གིས་དོན་རྐྱེན་དེ་འདྲ་བྱུང་རྐྱེན་ནི་དམག་མི་ཚོ་དམག་དཔུང་ཁྲོད་དུས་ཡུན་རིང་པོར་བློ་ཕམ་ཡིད་ཆད་ངང་གནས་ཡོད་པ་དང་།དུས་ཡུན་རིང་པོར་རང་གི་ཁྱིམ་མི་དང་ཐུག་འཕྲད་བྱེད་མི་ཐུབ་པས་ཡིན་སྐོར་བརྗོད་ཡོད།
ཉེ་བའི་ལོ་ཤས་རིང་།རྒྱ་གར་རྒྱལ་སྲུང་པུའུ་ཡིས་བྱ་ཐབས་སྣ་ཚོགས་སྤྱད་དེ་དམག་མིར་སྒྲིག་ཆས་སྔར་བས་ལེགས་པོ་མཁོ་འདོན་དང་སེམས་ཁམས་བློ་འདྲིའི་དགེ་རྒན་བཀོད་སྒྲིག་བྱས་ཏེ་དམག་མིའི་སེམས་ནང་གི་གནོན་ཤུགས་ཆུང་དུ་བཏང་བ་མ་ཟད།ད་དུང་རྒྱ་གར་གྱི་ནང་སྲིད་པུའུ་ཀྲང་ཧྲ་ཨ(AmitShah)ཡིས་དམག་མི་རྣམས་ལོ་ལྟར་ཁྱིམ་མི་དང་མཉམ་འཛོམས་ཀྱི་དུས་ཚོད་ཉིན་100ཙམ་ཡོད་པ་བྱ་རྒྱུར་འགན་ལེན་བྱེད་དགོས་པའི་བླང་བྱ་བཏོན་ཡོད།
རྩོམ་སྒྲིག་པ། སངས་སྐྱབས།