ཀྲུང་གོའི་འཐུས་མིས་རེ་འབོད་བྱས་དོན། བདེ་འཇགས་ལས་འཛིན་ལྷན་ཚོགས་ཀྱི་ཁོངས་མིའི་རྒྱལ་ཁབ་ཁག་གིས་མཐུན་སྒྲིལ་དང་མཉམ་ལས་རྒྱུན་འཁྱོངས་བྱེད་དགོས་པ།
སྤེལ་དུས 2019-12-11
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
ཉེ་དུས་མཉམ་འབྲེལ་རྒྱལ་ཚོགས་སུ་རྒྱུན་བཞུགས་ཀྲུང་གོའི་འཐུས་མི་ཀྲང་ཅུན་གྱིས། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་འཛམ་གླིང་གི་ཞི་བདེ་དང་བདེ་འཇགས་སྲུང་སྐྱོང་གི་འགན་འཁྲི་གལ་ཆེན་ཁུར་ཡོད། བདེ་འཇགས་ལས་འཛིན་ལྷན་ཚོགས་ཀྱི་ཁོངས་མིའི་རྒྱལ་ཁབ་ཁག་དབར་མཐུན་སྒྲིལ་དང་མཉམ་ལས་རྒྱུན་འཁྱོངས་བྱེད་དགོས་ཞེས་གསུངས་པ་རེད།
དེ་ཉིན། ཨ་རིའི་ཙུང་ཐུང་ཐེ་རོན་ཕུས་ཕོ་བྲང་དཀར་པོར་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་ཁོངས་མིའི་རྒྱལ་ཁབ་ཀྱི་འཐུས་མི་ཁག་གཅིག་དང་ཐུག་འཕྲད་བྱས་ཤིང་། ཐུག་འཕྲད་བྱེད་སྐབས་ཀྲང་ཅུན་གྱིས་མཉམ་ལས་ལ་ཤུགས་སྣོན་རྒྱག་པ་དང་། མཐུན་སྒྲིལ་རྒྱུན་འཁྱོངས། འཛམ་གླིང་གི་ཞི་བདེ་སྲུང་སྐྱོང་བཅས་བྱས་ཏེ། རྒྱལ་སྤྱིའི་བདེ་འཇགས་དང་འཕེལ་རྒྱས་ལ་སྐུལ་འདེད་གཏོང་རྒྱུ་དེ་ནི། ཁོངས་མིའི་རྒྱལ་ཁབ་ཁག་གི་ཐུན་མོང་གི་འགན་འཁྲི་རེད་ཅེས་བརྗོད་པ་རེད།
མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་རྒྱལ་སྤྱིའི་ཞི་བདེ་དང་བདེ་འཇགས་སྲུང་སྐྱོང་གི་འགན་འཁྲི་འཁུར་ཡོད། འདི་ནི་མཉམ་འབྲེལ་རྒྱལ་ཚོགས་ཀྱི་སྒྲིག་གཞི་གཙོ་བོའི་གྲས་རེད། བདེ་འཇགས་ལས་འཛིན་ལྷན་ཚོགས་ལ་ཁོངས་མིའི་རྒྱལ་ཁབ་15ཡོད་པའི་ནང་། ཀྲུང་གོ་དང་། ཧྥ་རན་སེ། ཨུ་རུ་སུའུ། དབྱིན་ཇི། ཨ་རི་བཅས་ནི་ལས་འགན་རྒྱུན་འཛིན་རྒྱལ་ཁབ་ཡིན་པ་དང་། དེ་བྱིངས་ཀྱི་ཁོངས་མིའི་རྒྱལ་ཁབ་10པོ་ནི་དམིགས་བསལ་ལས་འགན་རྒྱུན་འཛིན་རྒྱལ་ཁབ་རེད། ཨ་རི་ནི་ཟླ་བ་འདིའི་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་རེས་སྐོར་སྡོད་བྱའི་ཀྲུའུ་ཞིའི་རྒྱལ་ཁབ་རེད།
རྩོམ་སྒྲིག་པ། བདེ་སྒྲོལ།