“རྒྱུད་གཅིག་ལམ་གཅིག”གི་རྒྱལ་སྤྱིའི་བརྐོས་རིས་སྤེལ་རེས་འགྲེམས་སྟོན་པེར་ལིན་དུ་འགོ་ཚུགས་པ།
སྤེལ་དུས 2019-12-13
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
ཟླ་12ཚེས་11ཉིན་གློག་འཕྲིན་འབྱོར་གསལ། ཚེས་10ཉིན་གྱི་དགོང་མོ“རྒྱུད་གཅིག་ལམ་གཅིག”གི་རྒྱལ་སྤྱིའི་བརྐོས་རིས་སྤེལ་རེས་འགྲེམས་སྟོན་འཇར་མན་གྱི་གྲོང་ཁྱེར་པེར་ལིན་གྱི་ཀྲུང་གོའི་རིག་གནས་ལྟེ་གནས་སུ་འགོ་ཚུགས་པ་དང་ལྟད་མོ་བ་བརྒྱ་ཙམ་གྱིས་ཀྲུང་གོའི་བརྐོས་རིས་སྒྱུ་རྩལ་ལ་ལྟ་སྐོར་བྱས་པ་དང་འབྲེལ་ཕན་ཚུན་སྤེལ་རེས་ཀྱང་བྱས་པ་རེད།
པེར་ལིན་ཀྲུང་གོའི་རིག་གནས་ལྟེ་གནས་ཀྱི་ཀྲུའུ་རེན་ཀྲང་ཀྲེ་ཧུང་གིས་འགོ་ཚུགས་མཛད་སྒོའི་ཐོག་ཤིས་ཚིག་སྒྲོན་སྐབས། ད་ཐེངས་ཀྱི་འགྲེམས་སྟོན་དེ་བརྒྱུད་ཀྲུང་གོ་དང་དེ་བཞིན“རྒྱུད་གཅིག་ལམ་གཅིག”གི་ལམ་རྒྱུད་རྒྱལ་ཁབ་ཀྱི་བརྐོས་རིས་སྒྱུ་རྩལ་གྲུབ་འབྲས་སྟོན་རྒྱུའི་རེ་བ་ཡོད་ལ། བརྐོས་རིས་སྒྱུ་རྩལ་དང་འཇར་མན་གྱི་རིག་གནས་སྒྱུ་རྩལ་ལས་རིགས་དབར་སྤེལ་རེས་དེ་བས་མང་པོ་བྱེད་པར་བརྟེན་ནས། རྒྱལ་ཁབ་གཉིས་ཀྱི་དམངས་ཚོགས་ཀྱི་ཤེས་རྟོགས་དང་མཛའ་བཤེས་དེ་བས་ཟབ་ཏུ་གཏོང་རྒྱུའི་རེ་བའང་ཡོད་ཅེས་བརྗོད་པ་རེད།
འགོ་ཚུགས་མཛད་སྒོའི་ཐོག ཀྲུང་གོའི་བརྐོས་རིས་སྒྱུ་རྩལ་མཁས་ཅན་སུའུ་ཀྲོའུ་མཛེས་རྩལ་པའི་མཐུན་ཚོགས་ཀྱི་ཀྲུའུ་ཞི་གཞོན་པ་ཀུའུ་ཀྲེ་ཅུན་གྱིས《དུས་རབས་ཀྱི་རྗེས་ཤུལ། ཀྲུང་གོའི་སྲོལ་རྒྱུན་བརྐོས་རིས》ཞེས་པ་བརྗོད་དོན་གཙོ་བོར་བྱས་ཏེ་སྐུ་མགྲོན་ཚོར་ཀྲུང་གོའི་ཆུ་དཔར་བརྐོས་རིས་ཀྱི་ལོ་རྒྱུས་མདོར་བསྡུས་དང་། འཕེལ་རྒྱས་ཀྱི་གནས་ཚུལ། བརྐོས་རིས་ཀྱི་སྲོལ་རྒྱུན་ལག་ཆ། རྒྱུ་ཆ་བཀོལ་སྤྱོད། གསར་རྩོམ་བྱེད་ཐབས་སོགས་ངོ་སྤྲོད་བྱས་པ་རེད།
ལྟད་མོ་བ་སྨི་ཤཱ་ཨེར·ནུའོ་ཏེ་མེར་གྱིས་ཤིན་ཧྭ་གསར་འགྱུར་ཁང་གི་གསར་འགོད་པར། ང་རང་ཀྲུང་གོའི་བརྐོས་རིས་ལག་རྩལ་གྱི་ལོ་རྒྱུས་འཕེལ་རིམ་ལ་དབྱིངས་ཆེན་པོ་ཞུགས་སོང་། འགྲེམས་སྟོན་དེས་པར་རྒྱག་མཁན་ཡིན་པའི་ང་རང་ལ་གསར་རྩོམ་གྱི་ལམ་སྣེ་ཁྲིད་བྱུང་ཞེས་བཤད་པ་རེད།
རྩོམ་སྒྲིག་པ། བདེ་སྒྲོལ།