བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ། ཞི་ཅིན་ཕིང་དང་ཨར་པ་ནི་ཡའི་ཙུང་ཐུང་མའེ་ཐ་རྣམ་གཉིས་ཀྱིས་ཀྲུང་གོ་དང་ཨར་པ་ནི་ཡའི་དབར་ཕྱི་འབྲེལ་བཙུགས་ནས་ལོ་ངོ་70འཁོར་བར་ཕན་ཚུན་རྟེན་འབྲེལ་གློག་འཕྲིན་བཏང་གནང་བ། 《ཀྲུང་གོའི་བོད་ལྗོངས》དུས་དེབ་སྤེལ་ནས་ལོ་འཁོར་30ལོན་པ་དང་ཀྲུང་གོའི་བོད་ལྗོངས་དྲ་བ་བཙུགས་ནས་ལོ་འཁོར་20ལོན་པའི་བཞུགས་མོལ་ཚོགས་འདུ་པེ་ཅིང་དུ་འཚོགས་པ། ཆེད་མཁས་པས2020ལོའི་བོད་ཀྱི་ལོ་སར་དང་དཔྱིད་གསར་དུས་ཆེན་གཉིས་བར་ཟླ་གཅིག་ཡོད་པའི་གསང་བ་བརྟོལ་བ།
ཀྲུང་གོའི་བོད་ལྗོངས་དྲ་བ། > གསར་འགྱུར། > ཚ་ཤོས།

མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ།

སྤེལ་དུས 2020-01-16 ཡོང་ཁུངས། ཤིན་ཧྭ་གསར་འགྱུར་ཁང་། རྩོམ་པ་པོ།
          ཆུ་དཔོན་དང་མཚོ་དཔོན་ལམ་ལུགས་ལ་བརྟེན་ནས། མཚོ་སྔོན་ཞིང་ཆེན་གྱིས་ཆུ་བོ་དང་མཚོའི“གང་བྱུང་བཞིའི”གནད་དོན་756དག་ཐེར་བྱས་ཏེ་དག་ཐེར་བྱེད་ཚད་100%ཟིན་ཡོད་པ་རེད།
          དེ་སྔ་མཚོ་སྔོན་དུ་ཆུ་བོ་རྒྱུག་ཁུལ་ཁག་གཅིག་གང་བྱུང་དུ་བཟུང་བ་དང་། གང་བྱུང་དུ་སྤུངས་པ། གང་བྱུང་དུ་སྔོག་པ། གང་བྱུང་དུ་སྐྲུན་པ་སོགས་ཀྱི“གང་བྱུང་བཞིའི”གནད་དོན་རྟག་ཏུ་ཐོན་གྱི་ཡོད་པས་ཆུ་བོ་དང་མཚོའི་སྣོད་བཅུད་བདེ་འཇགས་ལ་ཉེན་ཁ་ཚབས་ཆེན་བཟོས་ཡོད། 2019ལོར་མཚོ་སྔོན་ཞིང་ཆེན་གྱིས་ཆུ་བོ་དང་མཚོའི“གང་བྱུང་བཞི་གཙང་སེལ”གྱི་ལས་དོན་གཙོ་གནད་བཀོད་སྒྲིག་བྱས་ཏེ་ཆུ་དཔོན་དང་མཚོ་དཔོན་5925དང་དོ་དམ་སྲུང་སྐྱོང་པ་དང་དེ་བཞིན་སྤྱི་ཚོགས་ཀྱི་མི་སྣ་16263མཐིལ་རྟོགས་ཀྱི་ལས་དོན་ལ་ཞུགས་པ་དང་། ལོ་ཧྲིལ་པོར་མི་ཐེངས་ཁྲི་12.39ཡིས་ཆུ་བོ་དང་མཚོར་སྐོར་གཡེང་བྱས་པར་ཆུ་བོ་དང་མཚོ་ཡི“གང་བྱུང་བཞིའི”གནད་དོན་756གྲལ་བཤེར་ཐུབ་པ་རེད།
          ས་གནས་དེ་གས་ཆུ་དཔོན་དང་མཚོ་དཔོན་ལམ་ལུགས་ཀྱི་ལས་སྟེགས་ཀྱི་ནུས་པ་འདོན་སྤེལ་གང་ལེགས་བྱས་ཤིང་། སྒྱུབ་སྐུལ་ཆ་འཕྲིན་མ་ལག་སྤྱད་དེ་གནད་དོན་ལ་ཚུར་ལན་བསློགས་པ་དང་། སྤྱིར་བཏང་རང་བཞིན་གྱི་གནད་དོན་ལ་མྱུར་བཤེར་མྱུར་སྒྲུབ་བྱས་པ། གཙོ་གནད་གནད་དོན་ལ་དག་ཐེར་ཇུས་གཞི་བཟོས་ནས་རིམ་པ་བཞིན་དག་ཐེར་བྱེད་སྟངས་སྤྱད་དེ་གནད་དོན་ལ་དག་ཐེར་བྱས་པ་རེད། ཞིང་ཆེན་ཆུ་བེད་ཐིང་སོགས་སྡེ་ཚན་གྱིས་ས་གནས་ཁག་ལ་ཟླ་རེར་སྒྲུབ་སྐུལ་ཐེངས་རེ་བྱས་ཤིང་། གནད་དོན་དག་ཐེར་གྱིས་འགན་ལྕི་བ་དང་འཕེལ་རིམ་འགོར་བའི་ས་ཁུལ་གྱི་སྤྱི་ཁྱབ་ཆུ་དཔོན་དང་མཚོ་དཔོན་ལ་འཕྲིན་ཡིག་བཏང་ནས་སྒྲུབ་སྐུལ་བྱས་པས་མིག་སྔར་གནད་དོན་756ཚང་མ་དག་ཐེར་བྱས་ཟིན་པ་རེད།
          མཚོ་སྔོན་ནི་རང་རྒྱལ་གྱི་སྣོད་བཅུད་བདེ་འཇགས་སྲུང་ཡོལ་གལ་ཆེན་ཞིག་ཡིན་ཞིང་། ཆུ་བོ་དང་མཚོའི“གང་བྱུང་བཞི”གཙང་སེལ་གྱི་ལས་དོན་སྤེལ་ཚུན། ས་གནས་དེ་གས་སྔ་རྗེས་སུ《མཚོ་སྔོན་ཞིང་ཆེན་གྱི་ཆུ་བོ་དང་མཚོའི“གང་བྱུང་བཞི་གཙང་སེལ”གྱི་ཆེད་དོན་བྱ་སྤྱོད་ཀྱི་གནད་དོན་ལ་ངོས་འཛིན་དང་གཙང་སེལ་གྱི་ཚད་གཞི》དང《མཚོ་སྔོན་ཞིང་ཆེན་གྱི་ཆུ་དཔོན་དང་མཚོ་དཔོན་ལམ་ལུགས་ཀྱི་ལྐོག་བཤེར་ལྐོག་ཞིབ་ལས་དོན་ལམ་ལུགས(ཚོད་ལྟའི་ལག་བསྟར)》སོགས་ཀྱི་ཡིག་ཆ་སྔ་རྗེས་སུ་བཀྲམ་ནས་གཙང་སེལ་དང་དག་ཐེར་ལས་དོན་ལ་ཤུགས་སྣོན་བརྒྱབ་པ་རེད། ཞིང་ཆེན་རིམ་པའི་འགན་འཁྲིའི་ཆུ་དཔོན་དང་མཚོ་དཔོན་3གྱིས“གཅིག་གཏད་གཅིག”གི་སྒོ་ནས་སྒྲུབ་སྐུལ་གྱི་བརྡ་ཐོར་མཚན་རྟགས་བཀོད་པ་དང་། 2019ལོར་རིམ་རྩིས་བྱས་ན་ཞིང་ཆེན་གྱི་འགོ་ཁྲིད་མི་ཐེངས་18ཀྱིས་ཆུ་བོ་དང་མཚོར་སྐོར་གཡེང་བྱས་པས་ཐག་གཅོད་བྱ་རྒྱུར་ལུས་པའི་ཆུ་བོ་དང་མཚོའི“གང་བྱུང་བཞིའི”གནད་དོན་ཁག་གཅིག་བཅོས་སྒྲིག་ཐུབ་པ་རེད།
རྩོམ་སྒྲིག་པ། བདེ་སྒྲོལ།