ཁོང་གིས་ཚོཊ་ཆེན་གྱི་མགྲིན་ཚབ་པའི་འགན་འཁུར་རྒྱུ་རེད།
སྤེལ་དུས 2024-03-05
ཡོང་ཁུངས། མི་དམངས་དྲ་བ།
རྩོམ་པ་པོ།
ཟླ་3པའི་ཚེས་4ཉིན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གཉིས་པའི་ཐོག་མི་དམངས་ཚོགས་ཁང་ཆེན་མོའི་གསར་འགྱུར་ཡོངས་བསྒྲགས་ཐིང་དུ་གསར་འགྱུར་ཡོངས་བསྒྲགས་ཚོགས་འདུ་འཚོགས་ཤིང་། གསར་དུ་བསྐོ་གཞག་བྱས་པའི་ཚོགས་ཆེན་གྱི་མགྲིན་ཚབ་པ་ལུའུ་ཆིན་ཅན་གྱིས་ཚོགས་ཆེན་གྱི་གྲོས་རིམ་དང་མི་དམངས་འཐུས་ཚོགས་ལས་དོན་གྱི་འབྲེལ་ཡོད་གནད་དོན་ཐད་ཀྲུང་གོ་དང་ཕྱི་རྒྱལ་གྱི་གསར་འགོད་པའི་དྲི་བར་ལན་བཏབ་པ་རེད།
ལུའུ་ཆིན་ཅན་གྱིས། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གཉིས་པ་ཟླ་3པའི་ཚེས་5ཉིན་གྱི་སྔ་དྲོར་འགོ་ཚུགས་རྒྱུ་དང་། ཟླ་3པའི་ཚེས་11ཉིན་གྱི་ཕྱི་དྲོར་གྲོལ་རྒྱུ་ཡིན་ཞིང་ཚོགས་ཡུན་ཉིན་7ཡིན་པ་ངོ་སྤྲོད་བྱས།
ཡོངས་བསྒྲགས་དཔྱད་ཡིག་ལས་མངོན་པ་ལྟར་ན། ལུའུ་ཆིན་ཅན་ནི་1956ལོའི་ཟླ་12པར་སྐྱེས་པ་དང་། ཀུའེ་ཀྲོའུ་ཐུང་ཙི་ནས་ཡིན་ཞིང་། ཞིབ་འཇུག་སློབ་མའི་སློབ་གཉེར་བརྒྱུད་རིམ་དང་། བཟོ་རིག་འབུམ་རམས་པའི་སློབ་གནས་ལྡན་པ། དགེ་རྒན་རིམ་པའི་མཐོ་རིམ་བཟོ་བཀོད་པ་ཡིན་པ། ཧྲའན་ཞི་ཞིང་ཨུའི་ཧྲུའུ་ཅི་དང་ཅང་སུའུ་ཞིང་ཆེན་ཨུ་ལྷན་གྱི་ཧྲུའུ་ཅི་སོགས་ཀྱི་འགན་འཁུར་མྱོང་ཡོད།
2021ལོའི་ཟླ་10པར། ལུའུ་ཆིན་ཅན་གྱིས་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་ནོར་སྲིད་དཔལ་འབྱོར་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན་གཞོན་པའི་འགན་བཞེས། ན་ནིང་ཟླ་3པར་རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་དང་ཕྱི་དོན་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན་གྱི་འགན་བཞེས།
རྩོམ་སྒྲིག་པ། ལྷ་འབྲུག
