ཀྲུང་དབྱང་ཆབ་སྲིད་ཅུའུ་ཡི་བློ་མཐུན་གྱིས་ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་ལས་འགན་སྒྲུབ་ཚུལ་ཡར་ཞུ་བྱས།
སྤེལ་དུས 2019-03-01
ཡོང་ཁུངས། མཚོ་སྔོན་བོད་སྐད་རླུང་འཕྲིན།
རྩོམ་པ་པོ།
ཤིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཏང་ཀྲུང་དབྱང་གི་གཅིག་བསྡུས་གཅིག་གྱུར་འགོ་ཁྲིད་ལ་ཤུགས་སྣོན་དང་སྲུང་སྐྱོབ་བྱེད་པའི་སྐོར་གྱི་གཏན་འཁེལ་འགའ་ལྟར། ཀྲུང་དབྱང་ཆབ་སྲིད་ཅུའུ་ཡི་བློ་མཐུན་གྱིས་ལོར་རེར་ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་ཡིག་ཐོག་ནས་ལས་འགན་སྒྲུབ་ཚུལ་ཡར་ཞུ་བྱས། ཉེ་བའི་དུས་སྐབས་ཤིག་ལ། ཀྲུང་དབྱང་ཆབ་སྲིད་ཅུའུ་ཡི་བློ་མཐུན་གྱིས་གཏན་འཁེལ་ལྟར་ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་ཡིག་ཐོག་ནས་ལས་འགན་སྒྲུབ་ཚུལ་ཡར་ཞུ་བྱས་པ་དང་ཞི་ཅིན་ཕིང་གིས་ནན་ཏན་སྒོས་ལས་འགན་སྒྲུབ་ཚུལ་སྙན་ཞུ་ཞིབ་ཀློག་བྱས། ཁོང་གིས་བསྟན་དོན། སྐབས་བཅུ་དགུ་པའི་ཀྲུང་དབྱང་ཆབ་སྲིད་ཅུའུ་ཡིས་ཏང་དང་མི་དམངས་ཀྱིས་གནང་བའི་ལོ་རྒྱུས་འགན་འཁྲི་ལག་བསྟར་བཟང་བོ་བྱེད་པ་དང་གུང་ཁྲན་ཏང་མིའི་ཆབ་སྲིད་རང་མདངས་དང་གསར་བརྗེ་སྙིང་སྟོབས་རྒྱུན་འཁྱོངས་བྱས་ནས། ཏན་ཏན་ཏིག་ཏིག་སྒོས་ཏང་དང་མི་དམངས་ལ་བྱ་བ་བསྒྲུབ་དགོས། ཀྲུང་དབྱང་ཆབ་སྲིད་ཅུའུ་ཡི་བློ་མཐུན་གྱིས་གསར་གཏོད་བརྩོན་ལེན་དང་མཁྲེགས་གཏོར་དཀའ་སེལ་བྱེད་པ་དང་། སྤོབས་པ་ཆེན་པོས་ཁག་ཁུར་དང་འཐབ་རྩོད་བྱེད་དགོས་ལ། སྤྱོད་གཙང་རང་གཅུན་དང་ནན་ཏན་སྒོས་བྱ་བ་བསྒྲུབ་ནས། ཏང་ཡོངས་ལ་དཔེ་སྟོན་གྱི་ནུས་པ་འདོན་དགོས་ཟེར།
ཀྲུང་དབྱང་ཆབ་སྲིད་ཅུའུ་ཡི་བློ་མཐུན་གྱིས་ལོ་གཅིག་གི་རིང་ལ་འགན་འཁྲི་ལག་བསྟར་བྱས་པའི་གནས་ཚུལ་ལ་དམིགས་ཏེ། འགན་སྒྲུབ་སྙན་ཞུ་ཞིབ་མོར་བྲིས། འགན་སྒྲུབ་སྙན་ཞུའི་ནང་དུ་ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཅིན་ཕིང་གི་རེ་བ་ལྟར་བསམ་བློ་དང་བྱ་བ། སྤྱོད་ཚུལ་བཅས་དང་སྦྲེལ་ཏེ་ཉམས་མྱོང་སྤྱི་བསྡོམས་བྱས་ཡོད་པ་དང་གནད་དོན་ལ་རྩད་གཅོད་དང་དེ་ལེགས་སྒྱུར་བྱེད་པའི་བྱེད་ཐབས་བཀོད་ཡོད་ལ། བྱ་བའི་འཆར་གཞི་དང་བསམ་འཆར་དང་གྲོས་གཞི་སོགས་བརྗོད་ཡོད། །
རྩོམ་སྒྲིག་པ། རྡོ་རྗེ།
