བོད་སྐྱོར་རྣམ་གྲངས་ལས་དམངས་འཚོར་ཕན་པ་ཆེན་པོ་ཐོབ་པ།
སྤེལ་དུས 2018-05-02
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ། སྒྲོལ་མས་བསྒྲིགས།
འདི་ནི་ལྷ་ས་གྲོང་ཁྱེར་སློབ་གསོ་གྲོང་དུ་གནས་པ་དང་པེ་ཅིང་གྲོང་ཁྱེར་སྲིད་གཞུང་གིས་མ་དངུལ་སྒོར་དུང་ཕྱུར་2.2བཏང་ནས་བསྐྲུན་པའི་པེ་ཅིང་ཚོད་ལྟའི་སློབ་འབྲིང་ཡིན་པ།
ད་ཕན་ལོ་ཤས་རིང་། པེ་ཅིང་གི་བོད་སྐྱོར་ལས་བྱེད་པས་བོད་སྐྱོར་རྣམ་གྲངས་དམ་འཛིན་བྱ་གཞིར་བྱས་ཏེ་ཕུགས་ལ་གཞི་ཚུགས་པ་དང་། སྟོང་ཆ་སྐོང་བ། དམངས་འཚོར་ཕན་འདོགས་པ་བཅས་ཀྱི་རྨང་གཞིའི་རང་བཞིན་གྱི་རྣམ་གྲངས་ཁག་གཅིག་གཙོ་གནད་ཐོག་བསྐྲུན་ཡོད། “བྱིའུ་ཚང་ཆུང་ངུར”འབོད་པའི་ལྷ་ས་གྲོང་ཁྱེར་མང་ཚོགས་རིག་གནས་ལུས་རྩལ་ལྟེ་གནས་ལས་མཇུག་འགྲིལ་བ་མ་ཟད། ད་དུང་དེར་ཀྲུང་གོ་འཛུགས་སྐྲུན་ལས་རིགས་ཀྱི“ལུའུ་པན་བྱ་དགའ”ཡང་ཐོབ་པ་དང་། བདེ་སྐྱིད་ནོར་བུ་བྱིས་པའི་རོལ་རྩེད་ཁང་བསྐྲུན་པ་ལས་བོད་དུ་རོལ་རྩེད་ཁང་ཆེ་གྲས་མེད་པའི་ལོ་རྒྱུས་མཇུག་འགྲིལ་བ། གཡག་རྟེན་མཛོད་གླིང་དེ་གོ་ལ་ཧྲིལ་པོའི་གཡག་རིག་གནས་བརྗོད་དོན་གཙོ་བོར་བྱས་པའི་རྟེན་རྫས་བཤམས་མཛོད་ཁང་དང་པོར་གྱུར་པ། ལྷ་ས་པེ་ཅིང་ཚོད་ལྟའི་སློབ་འབྲིང་དེ་བོད་ཀྱི་མཉེན་ཆས་དང་མཁྲེགས་ཆས་ཡག་ཤོས་ཀྱི་དཔེ་སྟོན་སློབ་གྲྭར་གྱུར་ཡོད།