ཆབ་མདོའི་བོད་སྐྱོར་ཞིང་ཆེན་དང་གྲོང་ཁྱེར་གྱི་འཛད་སྤྱོད་དབུལ་སྐྱོར་ཐོན་རྫས་ཐོག་མ་དེ་གཏོང་སྤྲོད་བྱས།
སྤེལ་དུས 2020-08-06
ཡོང་ཁུངས། ཀྲུང་གོ་བོད་ཀྱི་དྲ་བ།
རྩོམ་པ་པོ།
མིག་སྔར་ཆབ་མདོ་གྲོང་ཁྱེར་གྱིས་ཐེན་ཅིན་གྲོང་ཁྱེར་དུ་གཏོང་སྤྲོད་བྱས་པའི་འཛད་སྤྱོད་དབུལ་སྐྱོར་ཐོན་རྫས་ཀྱི་རླངས་འཁོར་གཏོང་བའི་མཛད་སྒོ་ཐོག་མ་དེ་ནགས་རའི་ཕེང་ཡུས་ཟོག་འགྲེམས་གླིང་དུ་འཚོགས་ནས་ཐེན་ཅིན་དང་། ཁྲུང་ཆིང་། ཧྥུའུ་ཅན་བཅས་ཞིང་ཆེན་དང་གྲོང་ཁྱེར་གསུམ་གྱི་ཆབ་མདོའི་འཛད་སྤྱོད་དབུལ་སྐྱོར་ལ་རོགས་སྐྱོར་བྱེད་པའི་འགོ་ཚུགས་པ་རེད། སྒོར་ཁྲི106བཏང་བའི་མངགས་ཐོ་ཐེན་ཅིན་ཟས་རིགས་སྡེ་ཚོགས་ཀྱིས་ཉོ་སྒྲུབ་བྱས་པ་རེད།
ཟླ7པའི་ཚེས1ཉིན《ཆབ་མདོ་གྲོང་ཁྱེར་གྱི་གཅེས་སེམས་ཀྱིས་འཛད་སྤྱོད་དབུལ་སྐྱོར་ལ་རམ་འདེགས་བྱེད་པའི་བྱ་སྤྱོད་ཇུས་གཞི》ལག་བསྟར་བྱས་པའི་རིང་ལ། ཐེན་ཅིན་དང་། ཁྲུང་ཆིང་། ཧྥུའུ་ཅན་ཞིང་ཆེན་སོགས་བོད་སྐྱོར་ཞིང་ཆེན་དང་གྲོང་ཁྱེར་གྱིས་དང་ལེན་ཧུར་ཐག་བྱས་ཏེ། ཆབ་མདོའི་རྫོང(ཆུས)བཅུ་གཅིག་ཏུ་འཛད་སྤྱོད་དབུལ་སྐྱོར་རྟོག་ཞིབ་བྱེད་པར་བསྐྱོད།
རྒྱུས་ལོན་པ་ལྟར་ན། ཟླ་གཅིག་གི་སྔོན་ལ། ཐེན་ཅིན་གྲོང་ཁྱེར་ཚོང་དོན་ཅུའུ་ཡིས་ལོ་རེར་ཕྱིར་ཚོང་བྱེད་ཚད་སྒོར་དུང་ཕྱུར་བརྒྱ་ལས་བརྒལ་བའི་ཐེན་ཅིན་གྱི་སྡེབ་ཚོང་ཁྲོམ་རའི་འགན་འཁུར་བ་བཞིའི་སྣེ་ཁྲིད་དེ་ཆབ་མདོ་གྲོང་ཁྱེར་དུ་རྟོག་ཞིབ་ཏུ་ཡོང་བ་དང་། ཆབ་མདོའི་ཐོན་རྫས་སྡེབ་ཚོང་ཁྲོམ་རར་འདྲེན་རྩིས་ཡོད་པ་རེད། མིག་སྔར་ཐེན་ཅིན་གྱིས་དབུལ་སྐྱོར་ཁང་བརྒྱད་ལས་གཉེར་བྱེད་འགོ་ཚུགས་པ་དང་ལྟེ་བའི་ཚོང་རར་གནས་པའི་ཞི་བདེ་ལམ་གྱི་ཆབ་མདོའི་དབུལ་སྐྱོར་ཁང་ཡང་ལས་གཉེར་བྱེད་རྩིས་ཡོད། དུས་མཚུངས་སུ་ཁྱད་ལྡན་དང་དཀོན་པའི་ཐོན་རྫས་གསར་སྤེལ་བྱས་ནས་ནང་སའི་ཚོང་རར་ཞུགས་རྒྱུ་དང་། དབུལ་སྐྱོར་ཁྱད་ཆོས་ལྡན་པའི་ཐོན་རྫས་ཚོང་ར་ཅན་དང་། སྤུས་རྟགས་ཅན། ཐོན་ལས་ཅན་བཅས་སུ་གཉེར་སྐྱོང་བྱེད་པ་བརྒྱུད་དེ་ཁྱད་ཆོས་ལྡན་པའི་ཐོན་རྫས་ཀྱི་སྐྱེ་ཁམས་ཐོན་ལས་ཕྲེང་བ་འཛུགས་པར་བརྟེན་ནས། ཆབ་མདོའི་དམངས་ཕྱུག་ཐོན་ལས་སྐྱེད་སྲིང་ལ་སྐུལ་འདེད་ཆེན་པོ་བཏང་བ་རེད། །